2 Samuel 7:21 - Bible in Tzeltal Bachajón

²¹ Spisil te bintic bayel yutsil ini apasojix ta scuenta ac'op soc te hich la sc'an awo'tan, soc la awa'be sna' te a'bat awu'une.

Bible in Tzeltal de Oxchuc y Tenejapa

²¹ Spisil te bila jelawen yutsil la apasixe, jich nix te bit'il la awal ta neelal to te jich la sc'an awo'tane, swenta yu'un jich me ya quil.

2 Samuel 7:21 ပူးပေါင်းရင်းမြစ်များ

1 Crónicas 17:19

Jehová, ta scuenta sc'uxul awo'tan ta stojol te awa'bat soc ta scuenta te bin ya sc'an awo'tan, la apas spisil bintic muq'uic ini soc la awac' ta ilel.

Salmos 115:1

Ma ha'uc ta jtojolcotic, Jehová, ma ha'uc ta jtojolcotic, pero ta atojol ac'a yich' halbeyel yutsil sc'oblal te abihil, ta scaj te sc'uxul awo'tan soc te stalel jun awo'tan ta jtojolcotic.

Salmos 138:2

Ya jquejan jba, ya cac' bahel jsit ta stojol te ch'ul Templo awu'un, ya calbat yutsil sc'oblal abihil yu'un te sc'uxul awo'tan soc te stalel jun awo'tan, como la atohytesbe sc'oblal abihil soc ac'op ta stojol spisil bintic ay.

Números 23:19

Te Dios ma hichuc te bin ut'il winic te ya ya'iy lot, soc ma hichuc te bin ut'il snich'an winic te ya suht sc'op. Te bin la yal, ¿ma bal yacuc spas? Teme c'opoj, ¿ma bal yacuc sc'ohtes ta pasel?

San Mateo 11:26

Hichuc, Jtat, yu'un hich la sc'an awo'tan.

San Mateo 24:35

Ya xlaj ch'ulchan soc bahlumilal, pero ma ba ya xlaj stuquel te jc'ope.

San Lucas 1:72

yu'un ya sc'uxultay te jme'jtatic, soc yu'un sna'el te ch'ul chapbil-c'op yu'une,

San Lucas 10:21

Ta hich ora bayel yutsil yo'tan Jesús ta scuenta te Espíritu, hich la yal: Ya calbat awutsilal, Jtat, te Yajwalat ch'ulchan bahlumilal, como te bintic ay ini anac'oj ta stojol te mach'atic ay sp'ijilic soc te mach'atic ay bin ya sna'ic, ha la awa'be sna'ic te alaletique. Hich, Jtat, como hich la sc'an awo'tan.

San Lucas 12:32

Ma me xiwex, tut jtsohb tuminchijex, como te Atatic lec ya ya'iy te ya ya'beyex te cuentahinel yu'une.

1 Corintios 1:1

Pablo, te ic'bil ta jpuc-c'opil yu'un Jesucristo ta scuenta sc'anojel yo'tan Dios, soc nix te quermanotic Sóstenes,

Efesios 1:9

La ya'botic jna'tic te sc'anojel yo'tan te ma ba hu' ta na'el, yu'un hich la sc'an yo'tan, te hich schapoj ta yo'tan ta scuenta Cristo,

Efesios 3:11

hich te bin ut'il ta sbahtel q'uinal chapal yu'un Dios te la yac' c'ohtuc ta pasel ta scuenta te Cajwaltic Cristo Jesús.

Efesios 4:32

Talel c'axel xawa'be aba awil yutsil awo'tanic soc c'uxultaywanej, talel c'axel xapasbe abahic perdón, hich te bin ut'il Dios la spasbeyex perdón ta scuenta Cristo.

Deuteronomio 9:5

Ma yu'unuc ta scaj stojil awa'tel o ta scaj stojil awo'tan te yac awu'untaybe te sq'uinalique, ha ta scaj chopol ya'telic te nacionetic ini te Jehová te Dios awu'un ya stenticlan loq'uel ta atojol, soc scuenta yu'un ya sc'ohtes ta pasel te bin jc'axel la yalbe ta jamal te atatic Abraham, Isaac soc Jacob.