2 Samuel 7:19 - Bible in Tzeltal Bachajón

¹⁹ Soc mayuc bayel sc'oblal c'ohem awu'un ini, Cajwal Jehová, la to awalbe sc'oblal te bin ya xc'oht ta pasel ta patil ta stojol te sts'umbal te a'bat awu'une. ¿Hich bal ay ta pasel awu'un ta stojol ants-winic, Cajwal?

Bible in Tzeltal de Oxchuc y Tenejapa

¹⁹ Cajwal, mero bayal sc'oplal c'oem awu'un ya caiy, melel la atabonix ta alel te bila ya xc'ot ta pasel ta patil ta stojol cajalcaj te jts'umbal te awabatone. Ma'yuc mach'a jich ya spas te bit'il ja'ate, Cajwal.

2 Samuel 7:19 ပူးပေါင်းရင်းမြစ်များ

2 Samuel 12:8

La jca'bat te sna soc te antsetic yu'un te awajwal, soc la jca'bat acuentahin te Israel soc te Judá. Teme ma ba bayel yac awa'iy, ay to bayel xan ya ca'bat te hichuque.

2 Reyes 3:18

Ma wocoluc ya ya'iy te Jehová ini; ha nix hich ya me ya'beyex ta ac'abic te moabetique.

1 Crónicas 17:17

Soc xan, Dios, jteb nax la awa'iy ini; ha la awalbe te a'bat awu'un bin ya xc'oht ta pasel ta patil ta stojol te cajalcaj sts'umbal, soc mero lecon ta winiquil la awilon, Jehová Dios.

Salmos 36:7

¡Bayel yutsil, Dios cu'un, te sc'uxul awo'tan! Ha scuentahil te ants-winiquetic ya snac' sbahic ta yaxinal axic'.

Ezequiel 34:18

¿Ma bal tic'uquex a te yac awe'ic te lequil ac, ya bal ats'o'ts'o'teq'uic te ac awu'unic te hilem, soc te c'alal yac awuch'ic te lequil ha', ya bal atijic ta awacanic te ha' te hileme?

Números 16:13

¿Ma bal tic'uc yac awa'iy a te la awic'otcotic loq'uel ta q'uinal ta banti ya x'oquin leche soc chab scuenta yu'un yac awac'otcotic ta lajel ta jochol taquin q'uinal, yu'un bal yo'tic yac ac'an yac acuyix aba ta ajwalil cu'uncotic?

Números 16:9

¿Yu'un bal ma tic'uquex a te la stsahex te Dios yu'un Israel ta yohlil te pueblo yu'un te snich'nab Israel, te la yiq'uex tal ta stojol yu'un yac apasic te a'tel ta nahilpac' yu'un Jehová soc te ya xtehc'ajex ta stojol te pueblo ta scoltaylanel?

Efesios 2:7

scuenta yu'un ya yac' ta ilel ta patil bahel te c'ax bayel sc'uhlejal te yutsil yo'tan te chican ta scuenta te lec yo'tan ta jtojoltic ta scuenta Cristo Jesús.

Josué 5:14

La sjac': Ma'uc, ha talemon scuenta jtsobaw yu'un te soldadohetic yu'un Jehová, xchi. Ha yu'un te Josué la spahcan sba ta lum, la sch'uhuntay soc hich la yalbe: ¿Bin yac awalbe te a'bat awu'un, Cajwal? xchi.