2 Samuel 7:18 - Bible in Tzeltal Bachajón

¹⁸ Ha yu'un te ajwalil David och bahel ta stojol Jehová, hich la yal: Cajwal Jehová, ¿mach'ahon a, soc mach'a a te mach'atic ay cu'un, te li' c'alali la awic'on tal?

Bible in Tzeltal de Oxchuc y Tenejapa

¹⁸ Ja' yu'un te muc' ajwalil David och bael swenta yu'un ya xc'opoj ta stojol te Cajwaltique. Jich la yal: —Cajwal, ¿mach'aon a jiche soc mach'a a te jts'umbale te jich c'oonix awu'une?

2 Samuel 7:18 ပူးပေါင်းရင်းမြစ်များ

Génesis 32:10

¡peq'uel ayon ya ca'iy yu'un spisil te c'uxultayel awu'un soc te stalel jun awo'tan ta stojol te a'bat awu'une! Ha nax quich'oj jnahbate' te c'alal c'axon bahel ta muc'ul-ha' Jordán, yo'tic cha'tsohb loq'uemonix a.

Génesis 32:11

Coltayawon loq'uel ta sc'ab te jbanquil Esaú, yu'un ya jxi' te ya xtal smilon soc te alaletic soc te snanique.

2 Samuel 23:5

Ha scuentahil te yich'oj yip ta stojol Dios te jna; Dios schapoj sc'op ta jtojol scuenta sbahtel q'uinal; chapal ta lec soc canantaybil, aunque ma to la yac' nichinuc spisil te jcolel soc te bin ya sc'an co'tan.

2 Samuel 7:17

Te Natán la yalbe ya'iy spisil te David, hich te bin ut'il la yil soc te la ya'iye.

1 Crónicas 17:16

Ha yu'un te ajwalil David och bahel soc la shuhcan sba ta stojol te Jehová, hich la yal: Jehová Dios, ¿mach'ahon a soc te mach'atic ay cu'un te la awic'on tal c'alal li'i?

1 Crónicas 29:14

Como ¿mach'ahon a soc mach'a a te pueblo cu'un, te ya xhu' cu'uncotic yaq'uel hich yipal mahtaniletic ta sc'anojel co'tancotic? Melel spisil ha'at awu'un, soc te bin la jquich'cotic ta ac'ab ya ca'batcotic.

Salmos 8:4

hich ya cal: ¿Bin a te ants-winic yu'un yac ana', te yal-snich'an ants-winic yu'un yac acanantay?

Éxodo 3:11

Pero te Moisés la sjac'be te Diose: ¿Mach'ahon a te ya xbohon ta stojol faraón, te ya jloq'ues tal ta Egipto te snich'nab Israel? xchi.

Isaías 37:14

Te Ezequías la stsac soc la yil te carta te a'bot yu'un te jal-c'optique. Hich mo bahel ta sna Jehová, la slim te carta ta stojol.

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

Jueces 6:15

La sjac' xan te Gedeón: Ay, cajwal, ¿bin ut'il ya xhu' ya jcoltay Israel te ho'one? Melel te mach'atic ay cu'un c'ax hich pobre a te bin ut'il te yantic ta Manasés, soc te ho'one mero xuton yu'un te mach'atic ayic ta sna te jtat, xchi.

Rut 2:10

Ha yu'un te Rut la snijan cohel sba ta lum, soc hich la yalbe: ¿Bin ut'il ay a te ay yutsil awo'tan ta jtojol, te yac ac'uxultayon te ho'on jyanlumon? xchi.

1 Samuel 15:17

La yal te Samuel: Aunque peq'uel la awa'iy aba, ¿ma bal ochucat ta jcuentahinwanej yu'un spisil ta chahp sts'umbal Israel, soc ma bal lajuc stsahat ta ajwalil yu'un Israel te Jehová?

1 Samuel 18:18

Pero te David la yalbe te Saúl: ¿Mach'ahon a, soc bin a te jcuxlejal o te mach'atic ay yu'un te jtat ta Israel, te ha snihal ajwalil ya xc'ohon? xchi.

1 Samuel 9:21

La sjac' te Saúl: Pero ho'on sts'umbalon Benjamín, te ha mero tut c'ohem yu'un spisil ta chahp sts'umbal Israel. Soc te mach'atic ay cu'un ha te mero tut c'ohemic yu'un spisil ta chahp sts'umbal Benjamín. ¿Bin yu'unix a hiche te hich la awalbon? xchi.