2 Samuel 7:16 - Bible in Tzeltal Bachajón16 Te ats'umbal soc te awa'tel ta ajwalil sbahtel q'uinal ya xhil ta atojol; stalel ya xhil te ahuctajib, xchi. အခန်းကိုကြည့်ပါ။Bible in Tzeltal de Oxchuc y Tenejapa16 Te ats'umbal soc te awat'el ta muc' ajwalil stalel ay cu'un sbajt'el q'uinal, jo'on ya jwentain. Soc nix te awat'el ta muc' ajwalil sbajt'el q'uinal chapal ya xjil”, uta me —xi' te Cajwaltique. အခန်းကိုကြည့်ပါ။ |
2 Samuel 7:16
29 ပူးပေါင်းရင်းမြစ်များ
Soc scuenta yu'un hich me ya yac' c'ohtuc ta pasel a te Jehová te bin la yalbon, te hich la yal: Teme ya scanantaybon te be cu'un te anich'nab, teme smelelil ya xbehenic ta jtojol ta spisil yo'tanic soc ta spisil sch'uhlelic, mayuc bin ora te mayuc ats'umbal te ya xhuhcaj ta huctajibal yu'un Israel, xchi.
Yo'tic, Jehová, Diosat yu'un Israel, c'ohtesa ta pasel te bin la awalbe te awa'bat David te jtat, te hich la awal: Ma ba ya spas falta jtuhl winic awu'un ta jtojol te ya shuhcan sba ta huctajibal yu'un Israel, teme ya st'umbon te ley cu'un te anich'nab soc teme ya xbehenic ta jtojol hich te bin ut'il behenat ta jtojol te ha'ate, xchihat.
Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.
hich te ajwaliletic te ya xhuhcajic ta shuctajib David, soc te príncipaletic, ya me x'ochic tal ta ochibaletic yu'un te pueblo ini soc carretahetic soc cawuhetic, ha'ic soc te príncipaletic yu'unic soc te winiquetic yu'un Judá soc te mach'atic nahinemic ta Jerusalén. Hich te pueblo ini spisil ora ay yajwal.
Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,
A'bot ya'tel ta cuentahinwanej, a'bot yutsilal soc te banti ya xcuentahinwan, scuenta yu'un spisil pueblohetic, nacionetic soc c'opiletic ya yac' sbahic ta a'batinel yu'un; sbahtel q'uinal te ya'tel ta cuentahinwanej, mayuc bin ora ya xc'ax bahel; soc te banti ya xcuentahinwan mayuc bin ora ya yich' jinel.
ကြော်ငြာတွေ