2 Samuel 7:13 - Bible in Tzeltal Bachajón

¹³ Ha ya spasbon na yu'un te jbihile, soc ho'on ya ca'be yich' yip sbahtel q'uinal te shuctajib te ban c'alal scuentahinej.

Bible in Tzeltal de Oxchuc y Tenejapa

¹³ Ja' me ya spasbon jun templo; soc ya me cac'bey yat'el ta muc' ajwalil sbajt'el q'uinal.

2 Samuel 7:13 ပူးပေါင်းရင်းမြစ်များ

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

2 Samuel 22:51

Ha ya scoltay ta tsalaw te ajwalil yu'un; ya ya'be yil sc'uxul yo'tan te mach'a tsahbil yu'un, ha te David soc te sts'umbal ta sbahtel q'uinal, xchi ta c'ayoj.

2 Samuel 7:16

Te ats'umbal soc te awa'tel ta ajwalil sbahtel q'uinal ya xhil ta atojol; stalel ya xhil te ahuctajib, xchi.

2 Samuel 7:27

Como ha'at, Jehová te acuentahinej spisil, te ha Diosat yu'un Israel, hich la awa'be sna' te a'bat awu'un: Ho'on ya jpasbat ana, te xchihate. Ha scuentahil te la sta yip yo'tan te a'bat awu'un ta sc'anel ta atojol te bin ay ta c'anel ini.

1 Reyes 2:24

¡Yiloj Jehová! te la ya'bon quip soc te la yac'on ta shuctajib te jtat David, te la yac' te ma xch'ay jts'umbal ta jna hich te bin ut'il yaloj, ya me xlaj yo'tic te Adonías, xchi.

1 Reyes 2:4

Soc scuenta yu'un hich me ya yac' c'ohtuc ta pasel a te Jehová te bin la yalbon, te hich la yal: Teme ya scanantaybon te be cu'un te anich'nab, teme smelelil ya xbehenic ta jtojol ta spisil yo'tanic soc ta spisil sch'uhlelic, mayuc bin ora te mayuc ats'umbal te ya xhuhcaj ta huctajibal yu'un Israel, xchi.

1 Reyes 2:45

Yan te ajwalil Salomón ya me yich' bendición stuquel soc te shuctajib David, stalel me ya xhil ta stojol Jehová, xchi.

1 Reyes 5:5

Ha yu'un jnopoj te ya jpas na yo'tic yu'un te sbihil te Jehová te Dios cu'un, hich te bin ut'il halbot yu'un Jehová te jtat David, te hich la yal: Te anich'an te ya cac' huhcajuc ta ahuctajib ta ajelol, ha ya spas na ta scuenta yich'el ta muc' te jbihile, te xchihe.

1 Reyes 6:12

Te Na te yacat ta spasel, teme yac at'un te chahpambil mandariletic cu'un, teme yac apas te bin caloj ta mandar, soc teme yac acanantay spisil te mandariletic cu'un te tey ya xbehenat a, ya cac' c'ohtuc ta pasel ta acuenta te bin la jchap soc David, te atate.

1 Reyes 8:13

pero ho'on la jpasbatix jun na ta banti ya xnahinat, jun lugar te banti ya xnahinat spisil ora, xchi.

1 Reyes 8:15

Hich la yal: Bayel me yutsil te Jehová, te Dios yu'un Israel te ha nix la yac' c'ohtuc ta pasel te bin la yalbe ta jamal te jtat David, te hich la yal:

1 Reyes 8:19

Pero ma ha'ucat te yac apas te Nahe, ha ya spas te na yu'un te jbihil te anich'ane, xchi sc'oblal.

2 Reyes 21:4

Soc la spasticlan scajtajib ta chiq'uel mahtaniletic ta sna Jehová te hich yalbeyej sc'oblal te Jehová: Ya cac' jbihil ta Jerusalén, te xchihe.

2 Reyes 21:7

Soc la yotses ta sna Jehová te sloc'omba Asera te pasbil yu'un, te hich halbotic yu'un Jehová te David soc te Salomón te snich'an: Ho'on ya cac' te jbihil spisil ora ta na ini, ta Jerusalén te tsahbil cu'un ta yohlil spisil ta chahp Israel.

2 Reyes 8:19

Pero te Jehová ma ba la sc'an la slajin te Judá ta scaj sc'uxul ta yo'tan te David te ya'bat, como yalbeyej te ya me xhil tsumbil c'ahc' yu'un soc yu'un te sts'umbal ta spisil ora.

1 Crónicas 28:10

Ilawil, stsahojat te Jehová yu'un yac apas Na scuenta ch'ul awilal yu'un. ¡Ayuc me yip awo'tan, pasa te a'tele! xchi.

2 Crónicas 33:4

Soc la spas scajtajib ta chiq'uel mahtaniletic yu'un loc'ombahetic ta sna Jehová, te hich halbot sc'oblal yu'un Jehová: Stalel me ya x'ayin te jbihil ta Jerusalén, te xchihe.

2 Crónicas 6:16

Yo'tic, Jehová, Diosat yu'un Israel, c'ohtesa ta pasel te bin la awalbe te awa'bat David te jtat, te hich la awal: Ma ba ya spas falta jtuhl winic awu'un ta jtojol te ya shuhcan sba ta huctajibal yu'un Israel, teme ya st'umbon te ley cu'un te anich'nab soc teme ya xbehenic ta jtojol hich te bin ut'il behenat ta jtojol te ha'ate, xchihat.

Job 36:7

Spisil ora ya yil te mach'atic toj yo'tanic; ya yac' huhcajuc ta shuctajib ajwaliletic, soc spisil ora ya stoybe sc'oblalic.

Salmos 72:17

Ac'a ayinuc spisil ora te sbihile; ac'a halajuc te c'alal ay te c'ahc'ale. Spisil te nacionetic ac'a yich'ic bendición ta scuenta, ac'a yalbeyic lec sc'oblal.

Salmos 89:21

Spisil ora ya xcoltayot yu'un te jc'ab, ya x'a'bot yip yu'un te jc'abe.

Salmos 89:29

Ya cac' te spisil ora ay sts'umbal, soc te hich ya xhalaj te shuctajib te bin ut'il ya xhalaj te ch'ulchane.

Salmos 89:4

Ya cac' te ay ats'umbal spisil ora soc ya ca'be yip te ahuctajib ta cajalcaj ts'umbalil, xchihat. Selah

Isaías 49:8

Hich ya yal te Jehová: Ta yorahil c'uxultayel la jca'iybat ac'op, ta sc'ahc'alel colel la jcoltayat. Ya jcanantayat, ya cac' te ha chapbil c'op ya xc'ohat ta stojol te pueblo, yu'un yac acha'pas xan te lumq'uinal soc yac awa'be yich'ic te lumq'uinal te jihneme;

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Isaías 9:7

Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.

Jeremías 33:17

Como hich yaloj te Jehová: Mayuc bin ora ya spas falta te ay sts'umbal David te ya xhuhcaj ta shuctajib ta sna Israel,

Ezequiel 37:25

Ya xnahinic ta q'uinal te la jca'be te ca'bat Jacob, te banti nahinic te ame'atatique. Stalel me ya xnahiniquix tey a soc te yal-snich'nabic soc te smamataque; soc ha príncipal yu'unic ya xc'oht sbahtel q'uinal te ca'bat David.

Daniel 2:44

Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

Zacarías 6:12

Hich me xawalbe: Hich yaloj te Jehová te scuentahinej spisil: Li' ay te jtuhl winic te Spuhl sbihil, ha ya xpuhlin loq'uel tal ta slohp', soc ya spas te templo yu'un Jehová.

Zacarías 6:13

Ha ya spas te templo yu'un Jehová, ay me yutsilal ya xc'oht, ya shuhcan sba ta shuctajib ta cuentahinwanej, soc ya shuhcan sba jtuhl sacerdote ta sts'ehl; lamal q'uinal ya ya'iyic ta schebalic, xchihan me.

San Mateo 16:18

Soc ho'on ya calbat te ha'at Pedrohat, ta sba ha'i muc'ul ton ini ya jpas te iglesia cu'un, soc te ochibaletic yu'un te tsobojibal mach'atic chamenic ma xhu' stsalbel.

Hebreos 3:3

Te Jesús c'ax hich ay ta ich'el ta muc' a te bin ut'il te Moisés, hich te bin ut'il c'ax hich ay ta ich'el ta muc' a te jpas-na te bin ut'il te nahe.

1 Pedro 2:5

Ha nix hichex, te bin ut'il cuxul tonex, ac'a abahic ta pasel ta na scuenta espíritu soc ta ch'ultesbil sacerdotehil, scuenta yu'un yac awaq'uic mahtaniletic scuenta espíritu te ich'bilic ta cuenta yu'un Dios ta scuenta te Jesucristo.