2 Samuel 7:10 - Bible in Tzeltal Bachajón

¹⁰ Soc ya ca'be jun lugar te Israel te pueblo cu'un soc ya cac' te jc'axel ya xnahinic tey a, mayuc bin ora ya x'uts'inotic yu'un te mach'atic chopol ya'telic, hich te bin ut'il ta shahchibal

Bible in Tzeltal de Oxchuc y Tenejapa

¹⁰ Soc xan la jchajbanbeyix yawil yu'un te lum Israel cu'une. Tey la cac' ainuc a, swenta yu'un ya me xnainic ta mero yawilic, te banti ma'yuc mach'a ya xju' ya x'uts'inotic yu'une. Ni ya xju' ya x'ac'bot swocolic xan yu'un te mach'atic amen yat'elic, jich bit'il ta namey ta xjajch'ibal

2 Samuel 7:10 ပူးပေါင်းရင်းမြစ်များ

2 Reyes 21:8

Ma ba ya cac' xan loc'uc te Israel tey ta q'uinal la jca'be te sme'static teme ya sch'uhunic spasel spisil bintic la jcalbe ta mandar, ha spisil te mandariletic te pasotic ta mandar yu'un te ca'bat Moisés, te xchihe.

1 Crónicas 17:9

Soc la ca'be jun lugar yu'un te pueblo Israel cu'un, soc la jts'un scuenta yu'un ya xnahinic tey a, mayuc bin ora ya xloq'uic tey a. Ma ba ya x'uts'inotiquix yu'un te chopol scontratac, hich te bin ut'il ta nahil to

2 Crónicas 33:8

Ma ba ya jloq'ues xan te Israel ta q'uinal te la jca'be te sme'static, teme ya scanantayic soc ya spasic spisil te Ley, spisil te mandariletic te la jcac' ta scuenta Moisés, te xchihe.

Salmos 44:2

Ha'at ta ac'ab la atenticlan loq'uel te nacionetic soc la ats'un tey a te me'iltatiletique; la awa'be swocol te pueblohetic, yan te jme'jtatcotic la awac' te lec ya xc'ohtic.

Salmos 44:4

Ha'at Ajwalilat cu'un, Diosat cu'un; ac'a te ya ya'iy tsalaw te Jacob.

Salmos 80:8

Ta Egipto la aloq'ues tal jun ts'usubil; la atenticlan loq'uel te nacionetic, la ats'un tey a te ts'usubile.

Salmos 80:9

La awaq'uintaybe sq'uinal, c'ub slohp', noj yu'un te q'uinale.

Éxodo 1:22

Ha yu'un te faraón la spas ta mandar spisil te pueblo yu'un: Ch'ojahic ochel ta muc'ul-ha' spisil te queremetic te ya x'ayinic, ac'a cuxajuc spisil te tut ach'ixetique, xchi.

Éxodo 15:17

Ha'at yac awic' ochel soc yac ats'un ta wits awu'un te awich'oj hilel, ta lugar banti ya xnahinat te chahpambil awu'un, Jehová, ha te ch'ul awilal te yich'oj yip yu'un ac'ab, Jehová.

Isaías 5:2

La shotbe slumil, la sloq'uesbe stonal soc la sts'un te tsahbil ts'usubetic. Ta yohlil la spas toyol ilo-q'uinal soc la spasbe yawil spits'ojbil. La smahliy te ya sitin lequil ts'usub, pero la yac' ha'mal ts'usubetic.

Isaías 5:7

Te ts'usubil yu'un te Jehová te scuentahinej spisil, ha te sna Israel, soc te winiquetic yu'un Judá ha te ts'umbil q'uinal te mulambil yu'une. Ha la smahliy bin toj ta pasel, pero ay ta malel ch'ich'; la smahliy stojil chahpanel, pero la ya'iy aw yu'un wocol.

Isaías 60:18

Mayuquix bin ora ya x'a'iyot sc'oblal uts'inel ta alumal, o jinel o lajinel ta aq'uinal, pero ya me awa'be sbihilin Colel te ts'ahquetic awu'un, soc te ochibaletic awu'un, ha Halbeyel yutsil sc'oblal Dios, xchi me sbihilic.

Isaías 60:21

Spisil te pueblo awu'un toj yo'tanic ya xc'ohtic, ya me a'bot yich'ic te q'uinal sbahtel q'uinal. Ha spuhl ya xc'ohtic te la jts'un, ha ya'tel jc'ab, scuenta yu'un hich ya cac' ta ilel a te cutsilale.

Jeremías 18:9

Soc teme jts'ihn nax ya cal te ya yich' pasel soc ts'unel jun pueblo o nación,

Jeremías 24:6

Ya cac' jsit ta stojolic scuenta yutsil slequilic, soc ya cac' suhtuc talel ta q'uinal ini. Ya ca'be yich' yipic, ma ba ya jinticlan; ya jts'unticlan, ma ba ya jbulticlan.

Ezequiel 28:24

Te sna Israel ma ba ya xc'axix swocol ta jot'el ta ch'ix o ta jpeht ch'ix te c'ux ya ya'iy yu'un te pueblohetic ayic ta sjoyobal soc te p'ajot yu'unique. Ya me sna'ic te ho'on Jehovahon, xchi te Jehová.

Oseas 2:18

Ta hich ora ya jchap c'op ta scuenta soc te ha'mal chambahlametic, te mutetic ya xwihlic ta toyol, soc te chanetic ta q'uinal. Ya jloq'ues ta q'uinal te t'ihmalte', te espada soc te guerra, soc ya cac' te jun awo'tan ya xwayat.

Amós 9:15

Ya jts'unticlan ta sq'uinalic, mayuquix bin ora ya yich'iquix bulel loq'uel ta q'uinal te la jca'be, xchi te Jehová te Dios awu'une.

Apocalipsis 21:4

Ya me xcusticlambot ya'lel sitic yu'un te Diose; mayuquix lajel, mel-o'tan, oq'uel o te bin c'ux, como c'axix spisil te bintic ay ta nahil to, xchi.

Jueces 4:3

Ha yu'un te snich'nab Israel awonic ta stojol Jehová, como te Jabín ay ho'winic yoxbahc' (900) carretahetic yu'un te pasbilic ta taq'uin soc ay jtahb (20) ha'bil te la ya'be tulan swocol te snich'nab Israel.

1 Samuel 13:17

Oxchahp soldadohetic loq'uic hahchel ta campamento yu'un te filisteohetic: jchahp baht ta sbehlal Ofra, ta stojol sq'uinal Sual,