2 Samuel 6:7 - Bible in Tzeltal Bachajón

⁷ Pero tihl yilimba Jehová ta stojol te Uza. Ehchentesot yu'un Dios scaj te ma ba la yich' ta muc'; tey cham a ta sts'ehl te scaxahul te chapbil-c'op yu'un Dios.

Bible in Tzeltal de Oxchuc y Tenejapa

⁷ Pero ma ba lec la yaiy te Cajwaltic te bila jelaw ta spasel te Uza. Tey lajinbot xcuxlejal ta ora a, yal ta lum ta xujc' te cajón yu'un Dios, toj lajel.

2 Samuel 6:7 ပူးပေါင်းရင်းမြစ်များ

2 Samuel 6:8

Te David bayel la smel yo'tan yu'un te ehchentesot yu'un Jehová te Uza. Ha yu'un Pérez-uza c'oht sbihil te lugar c'alal ora.

1 Crónicas 13:10

Pero tihl yilimba Jehová ta stojol te Uza, la yehchentes ta scaj te la shach sc'ab ta slat'el te scaxahul te chapbil-c'op, tey laj ta stojol Dios a.

1 Crónicas 15:13

Te bin ut'il ma hichuc la apasic ta nahil to, te Jehová te Dios cu'untic ilin ta jtojoltic ta scaj te ma ba la jlehtic hich te bin ut'il yaloj ta mandar, xchi.

1 Crónicas 15:2

Hich la yal te David: Ha nax te levitahetic te ya yich'ic bahel te scaxahul te chapbil-c'op yu'un Dios, como ha tsahbilic yu'un Jehová yu'un ya yich'ic bahel te scaxahul te chapbil-c'op yu'un Jehová, soc ayic ta a'batinel yu'un spisil ora stuquelic, xchi.

Números 1:51

Te c'alal ya xloc' bahel te Nahilpac' Templo, te levitahetic ya stuhquiyic, soc te c'alal ya yich' tehc'anel, ha'ic nix ya spasic. Te mach'a mayuc ta scuenta te ya xnohpoje, ya me xcham.

Números 4:15

Te c'alal ya xlaj yo'tan te Aarón soc snich'nab ta spotsel te ch'ul awilal soc spisil te biluquetic yu'une, te c'alal chapalix a te ya xhahch bahel te campamento, ya xtalic te snich'nab Coat ta sq'uechel bahel, pero ma me spiquic te bintic ch'ultesbil, scuenta yu'un ma xchamic a. Ha'ic te biluquetic yu'un te Nahilpac' Templo yu'un tahojibal te ya sq'uechic bahel te snich'nab Coat.

1 Samuel 25:38

Lajuneb c'ahc'al ta patil, te Jehová la yehchentes te Nabal, hich cham.

1 Samuel 6:19

Te Jehová la smil te winiquetic yu'un Bet-semes ta scaj te la yilic ta yutil te scaxahul te chapbil-c'op yu'un Jehová. La smil lajuneb schanwinic (70) ta tuhl. Oc' te pueblo yu'un te bayel milotic yu'un te Jehová.