2 Samuel 6:19 - Bible in Tzeltal Bachajón

¹⁹ Ta patil la spucticlambe jpehch pan, jtebuc ti'bal soc jpehch pasas ta stojol spisil ants-winiquetic yu'un Israel. Patil suht ta snahic spisil te pueblo.

Bible in Tzeltal de Oxchuc y Tenejapa

¹⁹ Spisil te israeletic tey ayic a, antsetic winiquetic la yac'bey juju-jpejch' pan, juju-jxujt' ti'bal soc juju-jpejch' taquin ts'usub. Patil sujt' ta snaic ta spisilic.

2 Samuel 6:19 ပူးပေါင်းရင်းမြစ်များ

2 Samuel 6:18

Te c'alal laj yo'tan ta yaq'uel te mahtaniletic la ya'be bendición te pueblo ta scuenta sbihil Jehová te scuentahinej spisil.

2 Samuel 6:20

Te c'alal suht ta sna te David yu'un ya ya'be bendición te mach'atic ay yu'un, te Mical loc' tal ta stahel David, hich la yalbe: ¡Buen lec c'oht te ajwalil yu'un Israel te naxe! La schol sc'u' ta stojol te criadahetic yu'un te winiquetic yu'un, hich te bin ut'il ya spas te mach'a ch'ayem sq'uexlal, xchi.

1 Reyes 8:66

Ta yan c'ahc'al la sticon bahel te pueblo. La ya'beyic hilel bendición te ajwalil, hich tse'el yo'tanic bahtic ta snahic, bayel yutsil yo'tanic yu'un spisil te bintic lec pasbot yu'un Jehová te David te a'bat yu'un, soc te pueblo Israel yu'une.

1 Crónicas 16:3

Soc ta spisil Israel, winiquetic soc antsetic, la yac'ticlambe jujupehch pimil pan, dátiles, soc pasas.

1 Crónicas 16:43

Patil spisil te pueblo baht ta snahic jujutuhl, soc te David suht bahel ta sna ta ya'beyel bendición te mach'atic ay yu'un.

2 Crónicas 30:24

Como te Ezequías ajwalil yu'un Judá la ya'be te pueblo lajunwinic yoxbahc' (1,000) jcolel torohetic soc j'ohlil swaxaclajunbahc' (7,000) tuminchijetic. Soc te príncipaletic la ya'beyic te pueblo lajunwinic yoxbahc' (1,000) jcolel torohetic soc jpic soc ho'bahc' (10,000) tuminchijetic; soc bayel sacerdotehetic sch'ultesejix sbahic a.

2 Crónicas 7:10

Ta oxeb scha'winic (23) c'ahc'al ta shuquebal u te Salomón la sticonlan bahel ta snahic te pueblo, tse'el yo'tanic soc bayel yutsil yo'tanic yu'un te bintic lec la spas Jehová ta stojol David, ta stojol Salomón soc ta stojol Israel te pueblo yu'une.

Nehemías 8:10

Patil la yalbeyic: Bahanic, we'anic lequil we'elil, uch'anic chi'il vino soc ticombeya swe'el te mach'atic mayuc bin chahpambil yu'unic; como ha ch'ul c'ahc'al yu'un te Cajwaltique. Ma me xamel awo'tanic, como ha awipic te stse'elil yo'tan te Jehová, xchi.

Cantares 2:5

A'bon quich' quip ta pasas, a'bon xan yip co'tan ta manzanahetic, como ayon ta chamel ya ca'iy yu'un c'uxul-o'tanil.

Ezequiel 45:17

Yan te príncipal ay ta scuenta yaq'uel te scohtol chic'bil mahtaniletic, mahtanil harina soc te malbil mahtanil ta yorahil te muc'ul q'uinetic, ta yuhninal u, ta sc'ahc'alel cux-o'tan soc ta spisil te q'uinetic yu'un Israel. Ha me ya yac' te milbil mahtaniletic yu'un stojel mulil, mahtaniletic harina, scohtol chic'bil mahtaniletic, soc te mahtaniletic yu'un lamal-o'tanil yu'un ya xpasbot perdón yu'un smul a te sna Israel.

Oseas 3:1

Te Jehová hich la yalbon xan: Bahan, c'uxuc me ta awo'tan jtuhl ants te yan mach'a c'ahyem soc, te ha j'antsinel ants; hich c'ux ta yo'tan Jehová te snich'nab Israel, aunque ya xbahtic ta stojol yantic diosetic soc ya smulanic te pimil pan pasbil ta taquin ts'usub, xchi.

Hechos 20:35

Ta spisil ini la jca'beyex anopic, teme hich ya x'a'tejex, ya xhu' yac acoltayic te mach'atic mayuc bin ay yu'unic. Soc na'ahic me te bin la yal te Cajwaltic Jesús: Ha bayel xan yutsil te mach'a ay bin ya yac' te bin ut'il ay bin ya yich', te xchihe, xchi.

Efesios 4:8

Ha scuentahil te hich ya yal: C'alal mo bahel ta toyol, la yic' bahel jchuqueletic, soc la yac'ticlambe mahtaniletic te winiquetic, te xchihe.

Josué 22:6

Te Josué la yac'ticlambe bendición soc la sticonlan bahel, hich bahtic ta snahilpaq'uic.