2 Samuel 6:17 - Bible in Tzeltal Bachajón

¹⁷ La yotsesic te scaxahul te chapbil-c'op yu'un Jehová ta yawil ta nahilpac' te chahpambil yu'un David. Te David la yac' scohtol chic'bil mahtaniletic soc milbil mahtaniletic scuenta lamal q'uinal ta stojol Jehová.

Bible in Tzeltal de Oxchuc y Tenejapa

¹⁷ Te cajón yu'un Cajwaltic c'o yaq'uic ta yawil ta yutil nailpac' te chajbanbil yu'un te David. Te David ora la yac'bey chic'bil smajt'an soc milbil smajt'an swenta seña lamal-o'tanil ta stojol Cajwaltic.

2 Samuel 6:17 ပူးပေါင်းရင်းမြစ်များ

1 Reyes 8:5

Te ajwalil Salomón soc spisil te pueblo yu'un Israel te stsoboj sbahic soc, ayic ta stojol te scaxahul te chapbil-c'op, yac yac'belic milbil mahtanil tuminchijetic soc torohetic, ma ba hu' ta ahtayel yu'un yipal.

1 Crónicas 15:1

Te David la spas nahetic yu'un ta Pueblo yu'un David, soc la schahpambe yawil te scaxahul te chapbil-c'op yu'un Dios soc la spasbe snahilpac'.

1 Crónicas 15:3

Te David la stsob spisil Israel ta Jerusalén yu'un sc'asesel tal te scaxahul te chapbil-c'op yu'un Jehová ta banti chahpambil yu'un.

1 Crónicas 16:1

Hich la yich'ic tal te scaxahul te chapbil-c'op yu'un Dios, la yaq'uic ta nahilpac' te tehc'ambil yu'un David. La yaq'uic scohtol chic'bil mahtaniletic soc milbil mahtaniletic scuenta lamal q'uinal ta stojol Dios.

1 Crónicas 6:31

Ha ini te mach'atic otsesbilic yu'un David te ya xc'ayojinic ta sna Jehová te c'alal tey ayix a te scaxahul te chapbil-c'op.

2 Crónicas 1:4

Pero te David yich'ojix loq'uel tal a ta Quiriat-jearim te yawil chapbil-c'op yu'un Dios, la yac' ta lugar te chahpambil yu'une, como spasojix nahilpac' a ta Jerusalén.

2 Crónicas 5:6

Te ajwalil Salomón soc spisil te pueblo Israel te stsoboj sbahic soc ta stojol te yawil chapbil-c'op la yaq'uic milbil mahtanil tuminchijetic soc torohetic, c'ax bayelic, ma ba hu' ta ahtayel.

Salmos 132:8

Hahchan, Jehová, la' ta banti yac acux awo'tan, ha'at soc te scaxahul te chapbil-c'op yu'un awu'el.

Levítico 3:9

Ta banti te milbil mahtanil scuenta lamal q'uinal, ya ya'be Jehová scuenta chic'bil mahtanil te sjuhp'el, sch'ixil te sne ya yich' set'el ta banti colem tal, te sjuhp'el macal sbiquil a soc te sjuhp'el yutil sch'uht,