2 Samuel 6:16 - Bible in Tzeltal Bachajón

¹⁶ Te c'alal c'oht te scaxahul te chapbil-c'op yu'un Jehová ta Pueblo yu'un David, te Mical yantsil-nich'an Saúl la yil ta ventana. C'alal la yil te ajwalil David te yac ta wihlel soc yac wihlawetel ta stojol Jehová, la sp'aj ta yo'tan.

Bible in Tzeltal de Oxchuc y Tenejapa

¹⁶ Te c'alal c'ot yu'unic ta Lum-yu'un-David te cajón yu'un Cajwaltic, te Mical, te yantsil-nich'an Saúl, la yil ta ventana. C'alal la yil te muc' ajwalil David te yac ta wilel soc yac ta beel ajc'ot ta stojol te Cajwaltic, mero ma lecuc yo'tan yu'un.

2 Samuel 6:16 ပူးပေါင်းရင်းမြစ်များ

2 Samuel 3:14

Soc te David la sticon bahel mach'atic hich baht yalbeyic te Is-boset snich'an Saúl: Sutbon tal te quihnam Mical te la jquic', te la jel ta ho'winic (100) snuhculel sjol sc'unil sbaq'uetal filisteohetic, xchi.

2 Samuel 5:7

Pero te David la yu'untay te tulan ahnibal ts'ahc ta Sión, ha te Pueblo yu'un David.

2 Samuel 6:15

Hich ta scuenta aw yu'un yutsil yo'tanic soc yoq'uesinel xulubil, te David soc spisil te pueblo Israel la yich'ic tal te scaxahul te chapbil-c'op yu'un Jehová.

2 Samuel 6:20

Te c'alal suht ta sna te David yu'un ya ya'be bendición te mach'atic ay yu'un, te Mical loc' tal ta stahel David, hich la yalbe: ¡Buen lec c'oht te ajwalil yu'un Israel te naxe! La schol sc'u' ta stojol te criadahetic yu'un te winiquetic yu'un, hich te bin ut'il ya spas te mach'a ch'ayem sq'uexlal, xchi.

1 Crónicas 15:29

C'alal c'oht te scaxahul te chapbil-c'op yu'un Jehová ta Pueblo yu'un David, te Mical yantsil-nich'an Saúl yac ta yilel ta ventana; c'alal la yil te yac ta wihlel soc ahc'ot te ajwalil David la sp'aj ta yo'tan.

Salmos 123:3

Na'a yo'bolil jbahcotic, Jehová, na'a yo'bolil jbahcotic, como ay bayel jwocolcotic ta p'ajel.

Salmos 69:7

Ha'at ta acuenta te c'ax jwocol ta ixta'c'optayel, macbil quelaw ta q'uexlal.

Isaías 53:3

Ha ihlaybil soc p'ajbil yu'un te ants-winiquetique, ha jtuhl winic te bayel bin c'ux ya ya'iy, ya sna' bin ut'il ay wocol; hich c'ohem te bin ut'il mach'a ma ba la sc'an ya quilbetic sit yelaw, ha p'ajbil, soc ma ba la jquich'tic ta cuenta.

Hechos 2:13

Ay yantic hahchic ta labanwanej: Yuch'ojic vino, xchihic.

1 Corintios 2:14

Te mach'a ma ba yich'oj te Espíritu, ma xc'oht ta yo'tan te bintic scuenta te Espíritu yu'un Dios, como scuyoj ta howilc'op, ma xhu' ya sna'be scuentahil, como ha ya sc'an tsahtayel ta scuenta te Espíritu.

1 Samuel 18:17

Ha yu'un te Saúl hich la yalbe te David: Ilawil, ya ca'bat awic' te cantsil-nich'an Merab, ha te wixil, teme ay yip awo'tan soc teme ya xbahat ta guerra yu'un Jehová, xchi. Como la yal ta yo'tan: Ma ho'ucon ya jmil, ha ac'a milec yu'un te filisteohetic, xchi.

1 Samuel 18:20

Pero te Mical, te yan yantsil-nich'an Saúl, c'ux la ya'iy ta yo'tan te David. Te c'alal hich c'oht ta halbeyel te Saúl, mero lec la ya'iy.