2 Samuel 6:13 - Bible in Tzeltal Bachajón

¹³ Te c'alal behenic wacjim ta ocal te mach'atic sq'uechojic te scaxahul te chapbil-c'op yu'un Dios, te David la smil jcoht toro soc jcoht juhp'en tuminchij scuenta smahtan Dios.

Bible in Tzeltal de Oxchuc y Tenejapa

¹³ Te c'alal beenic wactejq'uel ta acanil te mach'atic yich'ojic te cajón yu'un te Diose, te David la smil jcojt' toro soc jcojt' jujp'en chij swenta smajt'an Dios.

2 Samuel 6:13 ပူးပေါင်းရင်းမြစ်များ

1 Reyes 8:5

Te ajwalil Salomón soc spisil te pueblo yu'un Israel te stsoboj sbahic soc, ayic ta stojol te scaxahul te chapbil-c'op, yac yac'belic milbil mahtanil tuminchijetic soc torohetic, ma ba hu' ta ahtayel yu'un yipal.

1 Crónicas 15:15

Hich te snich'nab levitahetic la sq'uechic tal ta ste'el, hich te bin ut'il yaloj ta mandar te Moisés ta scuenta sc'op te Jehová.

1 Crónicas 15:2

Hich la yal te David: Ha nax te levitahetic te ya yich'ic bahel te scaxahul te chapbil-c'op yu'un Dios, como ha tsahbilic yu'un Jehová yu'un ya yich'ic bahel te scaxahul te chapbil-c'op yu'un Jehová, soc ayic ta a'batinel yu'un spisil ora stuquelic, xchi.

2 Crónicas 5:6

Te ajwalil Salomón soc spisil te pueblo Israel te stsoboj sbahic soc ta stojol te yawil chapbil-c'op la yaq'uic milbil mahtanil tuminchijetic soc torohetic, c'ax bayelic, ma ba hu' ta ahtayel.

Números 4:15

Te c'alal ya xlaj yo'tan te Aarón soc snich'nab ta spotsel te ch'ul awilal soc spisil te biluquetic yu'une, te c'alal chapalix a te ya xhahch bahel te campamento, ya xtalic te snich'nab Coat ta sq'uechel bahel, pero ma me spiquic te bintic ch'ultesbil, scuenta yu'un ma xchamic a. Ha'ic te biluquetic yu'un te Nahilpac' Templo yu'un tahojibal te ya sq'uechic bahel te snich'nab Coat.

Números 7:9

Yan te snich'nab Coat mayuc bin la ya'be como ha ay ta scuentahic sq'uechel bahel te ch'ul biluquetique.

San Mateo 22:4

La scha'ticon xan yan a'batetic yu'un, hich la yalbe bahel: Halbeya te mach'atic ic'bilic cu'un te chapalix te we'elile. La yich'ix milel te torohetic soc te juhp'en wacaxetic, spisil chapalix cu'un; la'ic ta yilel te nuhpunel, xchi.

Josué 3:3

hich la spasic ta mandar te pueblo: C'alal yac awilic te ya xc'ax te scaxahul te chapbil-c'op yu'un Jehová te Dios awu'unic soc te sacerdote-levitahetic te yac sq'uechbelic bahel, ya me xloq'uex hahchel ta banti ayex, ya me at'unic bahel