2 Samuel 5:7 - Bible in Tzeltal Bachajón

⁷ Pero te David la yu'untay te tulan ahnibal ts'ahc ta Sión, ha te Pueblo yu'un David.

Bible in Tzeltal de Oxchuc y Tenejapa

⁷ Pero te David ju' yu'un te la yu'unin te anjibal ta Sión, ja' te Lum-yu'un-David sbiil ta ora in to.

2 Samuel 5:7 ပူးပေါင်းရင်းမြစ်များ

2 Samuel 5:8

Te David yalojix ta hich ora: Te mach'atic ya sc'an ya ya'beyic guerra te jebuseohetic, ac'a ochuc bahel ta jotbil be-ha' ta yutil te lum yu'un ya smilic te ts'o'sitetic soc coxo'etic te ihlaybilic yu'un David, xchi. Tey hahchem a te hich halbil: Ma ba ya x'och ts'o'sit o coxo' ta sna Jehová, te xchihe.

2 Samuel 5:9

Te David nahin ta tulan ahnibal ts'ahc, ha Pueblo yu'un David sbihil c'oht yu'un. La spasbe sts'ahcul ta sjoyobal, c'alal Milo ha to c'alal ta yutil.

2 Samuel 6:10

Hich te David ma ba la sc'an la yich' tal ta Pueblo yu'un David te scaxahul te chapbil-c'op yu'un Jehová, ha yu'un la yac' ta ich'el bahel ta sna Obed-edom te geteo-winic.

2 Samuel 6:12

Hich halbot ya'iy te ajwalil David: Te Jehová la ya'be bendición te mach'atic ay yu'un te Obed-edom soc spisil bintic ay yu'un ta scuenta te scaxahul te chapbil-c'op yu'un Dios, xchi. Ha yu'un te David, soc yutsil yo'tan la yich' hahchel ta sna Obed-edom, la yich' tal ta Pueblo yu'un David.

2 Samuel 6:16

Te c'alal c'oht te scaxahul te chapbil-c'op yu'un Jehová ta Pueblo yu'un David, te Mical yantsil-nich'an Saúl la yil ta ventana. C'alal la yil te ajwalil David te yac ta wihlel soc yac wihlawetel ta stojol Jehová, la sp'aj ta yo'tan.

1 Reyes 2:10

Cham te David, la yich' muquel ta Pueblo yu'un David.

1 Reyes 3:1

Te Salomón la snihalin te faraón te ajwalil yu'un Egipto; como la yic'be te yantsil-nich'an, la yic' tal ta Pueblo yu'un David te c'alal yac ta hu'el a te sna, te sna Jehová soc te ts'ahc ta sjoyobal Jerusalén.

1 Reyes 8:1

Te Salomón la stsob ta stojol ta Jerusalén te mamaletic ta Israel, spisil te jcuentahinwanejetic yu'un te jujuchahp yu'un Israel soc te tatiletic ta jujun sna te snich'nab Israel, scuenta yu'un ya yich'ic tal te scaxahul te chapbil-c'op yu'un Jehová te ay ta Pueblo yu'un David, ha te Sión.

1 Reyes 9:24

Te yantsil-nich'an faraón hahch bahel ta Pueblo yu'un David, sohl bahel ta sna te pasbot yu'un Salomón; patil te Salomón hahch spas te Milo.

1 Crónicas 11:7

Te David nahin ta ahnibal ts'ahc, ha yu'un Pueblo yu'un David c'oht te sbihile.

2 Crónicas 24:16

La smuquic ta Pueblo yu'un David ta smuquenal te ajwaliletic, ta scaj te lec bin la spas ta stojol Israel, ta stojol Dios soc te templo yu'une.

2 Crónicas 5:2

Ha yu'un te Salomón la stsob ta Jerusalén te mamaletic yu'un Israel, spisil te príncipaletic yu'un te chahpalchahp sts'umbal Israel, soc te jtsobawetic yu'un chahpalchahp na yu'un te snich'nab Israel, scuenta yu'un ya yich'ic talel te yawil chapbil-c'op yu'un Jehová te ay ta Pueblo yu'un David, ha te Sión.

Nehemías 3:15

Te Salum snich'an Colhoze, gobernador yu'un te q'uinal smacoj te Mizpa, la scha'pasbe xan te Ochibal yu'un te Sloq'uib-ha'; la scha'pas xan, la spasbe smahquil, la yotseslambe puertahetic soc staq'uinal soc sc'atal-te'el, soc la scha'pas xan te sts'ahcul te yawil-ha' yu'un Siloé ta stojol te Ts'umbil Nichimaltic yu'un Ajwalil, c'alal ta mohibaletic te cohem tal ta Pueblo yu'un David.

Salmos 132:13

Como te Jehová ha stsahoj te Sión; ha la sc'an scuenta tey ya xnahin a.

Salmos 2:6

Ho'on la jcotses te ajwalil cu'un ta Sión, te ch'ul wits cu'un, xchi.

Salmos 48:12

Behenanic ta sjoyobal Sión, ahtaybeyahic te toyol bahlal ts'ahquetic yu'une;

Salmos 48:3

Ta nahetic yu'un ajwalil Dios la yac' sba ta na'el te ha ahnibal stuquel.

Salmos 51:18

Ta scuenta yutsil sc'anojel awo'tan pasbeya bin lec ta stojol Sión; pasbeya te ts'ahquetic yu'un Jerusalén.

Salmos 87:2

Te Jehová c'ux ta yo'tan te puertahetic yu'un Sión, c'ax hich a te bin ut'il spisil nahetic yu'un Jacob.

Salmos 9:11

C'ayojtaya te Jehová te nahinem ta Sión; pucahic ta halel ta pueblohetic te a'teliletic yu'une.

Isaías 12:6

C'ayojinanic soc awonanic soc yutsil awo'tanic, ha'ex te nahinemex ta Sión, como muc' te Ch'ul Dios yu'un Israel ta awohlilic, xchihat.

Isaías 59:20

Ya me xtal ta Sión te Mach'a ya x'ac'awan ta libre soc ta stojol te sts'umbal Jacob te ya suhtes yo'tanic yu'un smulic, xchi te Jehová.

Jeremías 21:13

Ayon ta acontra, ha'at te nahinemat ta sjuclej, ha'at te muc'ul tonat ta spamlej, xchi te Jehová; ha'ex te hich yac awalic: ¿Mach'a c'an taluc scontrahinotic? ¿Mach'a c'an ochuc tal ta ahnibal cu'untic? te xchihexe.

Miqueas 4:2

Ya xtal bayel nacionetic, hich ya yalic: La'ic, mohucotic bahel ta wits yu'un Jehová, ta sna te Dios yu'un Jacob, ha ya snohptesotic a te behetic yu'un, hich ya xbehenotic ta behetic yu'un, xchihic. Como ya xloc' tal ta Sión te Ley, ta Jerusalén ya xtal te sc'op Jehová.

Romanos 9:33

hich te bin ut'il ts'ihbabil: Ilawil, ta Sión ya cac' jun ton scuenta c'ohchinojibal, soc muc'ul ton te ya xyahlteswan; te mach'a ha ya sch'uhun, ma ba ya sta q'uexlal yu'un, xchi.

Hebreos 12:22

Pero te ha'exe nohpojemex bahel ta wits Sión, ta muc'ul pueblo yu'un te cuxul Dios, ha te Jerusalén scuenta ch'ulchan, ta stojol tsobol ta mil ch'ul a'batetic,

Apocalipsis 14:1

Patil la jquil teq'uel ta wits Sión te Jcolel Tuminchij, joquimbil yu'un waxaclajunpic (144,000) ta tuhl te ts'ihbalambil ta sti'bahic te sbihil soc te sbihil te State.