2 Samuel 5:24 - Bible in Tzeltal Bachajón

²⁴ Te c'alal yac awa'iybe sc'op ta sni'il te balsamo-te'etic hich te bin ut'il ay mach'atic yac ta behel, hahchan ta ora, como te Jehová ya xnahilij bahel awu'un ta yehchentesel te campamento yu'un te filisteohetic, xchi sc'oblal.

Bible in Tzeltal de Oxchuc y Tenejapa

²⁴ Te c'alal ya awaiy ay mach'atic ya xbeenic ta sba te'tiquil, ora me xawochintay. Melel ja' me ya yac' ta na'el te jo'on ya xneelajon awu'un, swenta yu'un ya me yich' ejch'entesel ta swenta lajel te soldado-filisteoetique —xi' sc'oplal.

2 Samuel 5:24 ပူးပေါင်းရင်းမြစ်များ

2 Samuel 5:23

Ha yu'un te David la sjoc'obe te Jehová, hich halbot yu'un: Ma me tojuc xmohat bahel, ya me ajoyic talel ta spatic, tey yac awochintayic a ta banti ay te bálsamo-te'etic.

2 Reyes 7:6

Como te Jehová la ya'be ya'iyic sc'op carretahetic, cawuhetic soc ipal soldadohetic ta campamento yu'un te siriahetique. Talel c'axel la yalbe sbahic: Te ajwalil yu'un Israel la schap sc'op soc te ajwaliletic yu'un te heteohetic soc ajwaliletic yu'un te egipciohetic yu'un ya xtal ya'botic guerra, xchihic.

1 Crónicas 14:15

Te c'alal yac awa'iybe sc'op te ay mach'atic schajlajanic ta sni'il te te'etic, loc'an bahel ta ora ta ya'beyel guerra, como te Dios ya me xnahilij bahel awu'un ta yehchentesel te soldadohetic yu'un te filisteohetic, xchi.

Jueces 4:14

Ha yu'un te Débora la yalbe te Barac: Hahchan, como ha'i c'ahc'al ini te Jehová la ya'batix ta ac'ab te Sísara. Nahilijem bahel awu'un te Jehová, xchi. Hich te Barac co tal ta wits Tabor soc te jpic soc ho'bahc' (10,000) winiquetic te t'umbil yu'une.

Jueces 7:15

Te Gedeón c'alal la ya'iybe sc'oblal te wayichil soc te bin scuentahile, la squejan sba ta stojol Dios. Patil suht bahel ta campamento yu'un Israel soc la yal: Hahchanic, como te Jehová la ya'beyexix ta ac'abic te campamento yu'un Madián, xchi.