2 Samuel 5:2 - Bible in Tzeltal Bachajón

² Ta nahilal, te c'alal ay ta ajwalil cu'untic a te Saúl, ha'at la aloq'ues ta guerra te Israel soc la awic' suhtel tal. Soc hich yalbeyejat te Jehová: Ha'at yac acanantaybon soc ha'at príncipal ya xc'ohat yu'un te pueblo Israel cu'un, xchi.

Bible in Tzeltal de Oxchuc y Tenejapa

² Manchuc me ja' muc' ajwalil cu'untic a te Saúl, pero ja'at ta mero melel te la awic' bael ta guerra te Israel. Soc ja' nix te Cajwaltic te yalojbat te ja'at te ya awentain soc te ya x'ochat ta ajwalil yu'un Israel —xiic c'oel.

2 Samuel 5:2 ပူးပေါင်းရင်းမြစ်များ

Génesis 49:24

pero ma ba laj yip te st'ihmalte' stuquel, la yich' yip te sc'ab ta scuenta sc'ab te Mach'a ay yu'el yu'un Jacob, ta scuenta te Jcanan-tuminchij, te Muc'ul ton yu'un Israel,

2 Samuel 6:21

Ha yu'un te David la yalbe te Mical: Ha la jpas ta stojol Jehová te ha la stsahon te ho'one, ma ha'uc te atat soc spisil sts'umbal, yu'un ya x'ochon ta príncipal ta stojol te pueblo yu'un Jehová, ha te Israel. Ha yu'un ya jpas q'uin ta stojol Jehová.

2 Samuel 7:7

Ta bayuc te behenon soc te snich'nab Israel ¿ay bal hich la jcalbe jchahpuc yu'un Israel, te la jpas ta mandar te ya scuentahin te pueblo Israel cu'un: ¿Bin yu'un ma ba la apasbonic na ta cedro? te xchihone?

2 Samuel 7:8

Ha yu'un hich xawalbe te ca'bat David: Hich yaloj te Jehová te scuentahinej spisil: Ho'on la jquic'at loq'uel tal ta scanantayel tuminchijetic ta aquiltic, yu'un ya x'ochat ta príncipal yu'un te jpueblo Israel.

2 Reyes 20:5

Suhtan bahel, halbeya te Ezequías te príncipal yu'un te pueblo cu'un: Hich ya yal te Jehová te Dios yu'un David te namey tatil awu'un: La jca'iybatix ac'op soc la jquilbatix te ya'lel asit; ya jlecubtesat. Li' ta oxeb c'ahc'al ya xmohat bahel ta sna Jehová.

1 Crónicas 11:2

Ta nahil to, te c'alal ay ta ajwalil te Saúl, ha'at la awic' loq'uel ta guerra te Israel soc la awic' suhtel tal. Soc hich yalbeyejat te Jehová te Dios awu'un: Ha'at yac acanantay soc ha ajwalil ya xc'ohat ta stojol Israel, te pueblo cu'un, xchihic.

2 Crónicas 1:10

Ha yu'un a'bon sp'ijil co'tan soc bin ay ta na'el, scuenta yu'un ya xhu' ya jcuentahin ta lec te pueblo ini; como ¿mach'a ya xhu' yu'un ya scuentahin te pueblo awu'un te c'ax muc'? xchi.

Isaías 40:11

Hich te bin ut'il jcanan-tuminchij ya scanantay te tuminchijetic yu'une; ya stsac hahchel ta sc'ab te tut tuminchijetic, ya spet bahel ta stahn, c'un ya yic' bahel te tohquelic to.

Isaías 55:4

Ilawil, la jcac' te ha testigo ya xc'oht ta stojol te pueblohetic, ha jtsobaw soc jp'ijubteswanej ta stojol te nacionetique.

Ezequiel 34:23

Ya ca'beyic jtuhl jcanan te ya scanantay, ha te ca'bat David; ya scanantay, ha jcanan yu'unic ya xc'oht.

Miqueas 5:4

C'alal ya xtal ya me xhahch scanantay ta scuenta yu'el te Jehová, ta scuenta yutsil sbihil te Jehová te Dios yu'une; jun yo'tan ya x'ayinic, como muc' sc'oblal ya xc'oht c'alal ta sti'il te bahlumilale;

Números 27:17

te ya xloc' bahel soc te ya x'och tal ta stojolic, te ya yic'ticlan bahel soc te ya yic'ticlan talel, scuenta yu'un te pueblo yu'un Jehová ma hichuc ya xc'oht te bin ut'il tuminchijetic te mayuc jcanan yu'unique, xchi.

San Mateo 2:6

Ha'at, Belén, te ayat ta sq'uinal Judá, ma ba tut pueblohat yu'un te principaletic yu'un Judá; como tey ya xloc' tal ta atojol jtuhl jtsobaw te ya scuentahin te pueblo Israel cu'un, xchi.

San Juan 10:11

Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

Hebreos 2:10

Te Dios te spasoj soc te scuentahinej spisil bintic ay, ha stojil te la yac' te ts'acal c'oht ta scuenta swocol te mach'a la swehtesbe scolelic, te hich ya xhu' ya yic' bahel ta utsilal tsobol al-nich'anetic.

1 Samuel 13:14

Pero ma ba ya xhiliquix ta ajwalil te ats'umbale. Te Jehová la slehix jtuhl winic te lec yo'tan yu'un, ha la yac' te jtsobaw ya xc'oht yu'un te pueblo yu'une, ta scaj te ma ba la ach'uhumbe te mandar la yalbat te Jehová, xchi.

1 Samuel 16:1

Te Jehová hich la yalbe te Samuel: ¿Jayeb xan c'ahc'al te yac awoq'uetay te Saúl, te bin ut'il ho'on la jch'aybeyix ya'tel ta ajwalil ta Israel? Bahan nojesa ta aceite te xulubil awu'un, ya jticonat bahel ta stojol Isaí ta Belén, yu'un la jtsahbeyix jtuhl snich'an te ya x'och ta ajwalil, xchi.

1 Samuel 18:13

Ha yu'un te Saúl la sloq'ues bahel te David ta stojol, la yotses ta jtsobaw yu'un lajunwinic yoxbahc' (1,000) soldadohetic. Hich te David ya yic' bahel ta guerra soc ya yic' suhtel tal.

1 Samuel 18:16

Pero ta spisil Israel soc Judá c'ux ya ya'iyic ta yo'tanic te David, como ha ya x'ic'otic bahel ta guerra soc ya x'ic'otic suhtel tal yu'un.

1 Samuel 18:5

Te David ya xbaht ta bayuc ya xticonot yu'un Saúl; lec spisil te bintic la spas. Hich te Saúl la ya'be scuentahin te soldadohetic yu'un; lec ta o'tanil yu'un spisil te pueblo soc te a'batetic yu'un Saúl.

1 Samuel 25:28

Awocoluc pasbeya perdón te a'bat awu'un te bin chopol ini. Jehová ya me ya'be yip te sna te cajwal, yu'un yacat ta spasel te guerra yu'un Jehová, soc ma me ayuc bin chopol ya stahat te jayeb c'ahc'al cuxulat.

1 Samuel 25:30

Te c'alal ya xc'oht ta pasel yu'un Jehová spisil te bin lec yaloj ta atojol, soc te c'alal ya yac'at ta jtsobaw yu'un Israel,

1 Samuel 9:16

Ta hichilan ora pajel ya jticombat tal jtuhl winic talem ta sq'uinal Benjamín, ha te mach'a yac amalbe aceite scuenta jcuentahinwanej ya xc'oht yu'un te jpueblo Israel. Ha me ya scoltay loq'uel ta sc'ab filisteohetic te pueblo cu'une; yu'un la jquilbeyix swocol te pueblo cu'un, c'ohtix ta jtojol te awetic yu'unique, xchi.