2 Samuel 5:12 - Bible in Tzeltal Bachajón

¹² Hich la sna' te David te smelelil otsesot yu'un Jehová ta ajwalil yu'un Israel, soc te a'bot yich' yip ta a'tel ta ajwalil ta scuenta sc'uxul yo'tan ta stojol Israel te pueblo yu'une.

Bible in Tzeltal de Oxchuc y Tenejapa

¹² Te David jich la sna' xan ta lec te ja' Cajwaltic te la yac' ochel ta muc' ajwalil ta Israel, soc te ja' nix te yac ta aq'uel yip te yat'el ta muc' ajwalil ta swenta xc'uxul yo'tan ta stojol te lum Israel.

2 Samuel 5:12 ပူးပေါင်းရင်းမြစ်များ

2 Samuel 5:11

Te Hiram ajwalil yu'un Tiro la sticon bahel winiquetic ta stojol David, soc la sticon bahel cedro, carpinterohetic soc albañiletic te la spasbeyic sna te David.

2 Samuel 5:13

Te David la yic' xan antsetic ta Jerusalén te c'alal loq'uemix tal ta Hebrón. Ayin yan snich'nab queremetic soc ach'ixetic.

2 Samuel 7:16

Te ats'umbal soc te awa'tel ta ajwalil sbahtel q'uinal ya xhil ta atojol; stalel ya xhil te ahuctajib, xchi.

1 Reyes 10:9

Bayel yutsilal te Jehová, te Dios awu'un, te lec yo'tan awu'un soc te la yac'at ta huctajibal yu'un Israel. Te Jehová, stalel c'ux ta yo'tan te Israel, soc la yotsesat ta ajwalil scuenta yu'un yac apas te bin stojil ta pasel soc ta chahpanwanej, xchi.

1 Crónicas 14:2

Hich la sna' te David te hich yo'tan Jehová te ay ta ajwalil yu'un Israel, soc te muc'ubtesbot sc'oblal ya'tel ta ajwalil ta stojol te pueblo Israel.

2 Crónicas 2:11

Ha yu'un te Hiram ajwalil yu'un Tiro la sticon bahel suhtib ta carta ta stojol Salomón, hich la yal bahel: Ta scaj te c'ux ta yo'tan Jehová te pueblo yu'un, la yotsesat ta ajwalil yu'unic, xchi.

Ester 4:14

Como teme jc'axel ma ba ya xc'opojat yo'tic, yan banti ya xtal te scolel te judiohetic, pero te ha'at soc te mach'atic ay yu'un te atat ya me xlajex. Ha wan scuentahil te ochematix ta ajwalil-ants ta hich ora, xchi.

Daniel 2:30

Ho'on a'boton jna' te bin wocol ta na'el, ma yu'unuc te c'ax hich ay sp'ijil co'tan a te bin ut'il te yantic winiquetic, ha nax yu'un te hich ya x'a'bot te ajwalil te ya sna'be sc'oblal soc yu'un yac ana'be scuentahil te bintic anopoj ta awo'tane.

Números 24:7

Ya xmal loq'uel ha' ta baldehetic yu'unic, ay bayel ha' yu'un te sts'umbale. Te ajwalil yu'unic c'ax hich sc'oblal a te bin ut'il Agag, ya xmuc'ub sc'oblal te ban c'alal ya xcuentahinwan.