2 Samuel 4:4 - Bible in Tzeltal Bachajón

⁴ Te Jonatán snich'an Saúl, ay jtuhl snich'an te chamen schebal yoc. Ayix ho'eb ya'bilal a te hul ta halel ta Jezreel te lajix te Saúl soc te Jonatán. Te jcoltesej-alal la yic' bahel ta ahnel, c'alal yac ta tulan ahnel soc a, yahl te alal, hich coxo' hil. Ha Mefi-boset te sbihile.

Bible in Tzeltal de Oxchuc y Tenejapa

⁴ Te Jonatán te snich'an Saúl, ay jtul snich'an Mefi-boset sbiil, boloben xchebal yacan. Yu'un te c'alal jo'eb ya'wilal a te Mefi-boset, jul tel ta alel ta Jezreel te lajix te Saúl soc te Jonatán. Te jch'ijteswanej yu'un Mefi-boset ic'ot ta anel yu'un, pero scaj te mero tulan te anele, yal te Mefi-boset, toj lajel yacan, jich coxo jilel.

2 Samuel 4:4 ပူးပေါင်းရင်းမြစ်များ

2 Samuel 21:7

Te ajwalil la sc'uxultay te Mefi-boset snich'an Jonatán, snich'an Saúl, scaj te ay bin yalojic ta jamal ta stojol Jehová te David soc te Jonatán snich'an Saúl.

2 Samuel 9:13

Te Mefi-boset, te chamen schebal te yoc, nahin ta Jerusalén como spisil ora ya xwe' ta smesa te ajwalile.

2 Samuel 9:3

¿Ma bal ayuc mach'a ay yu'un Saúl te cuxul hilem te ya xhu' ya jc'uxultay ta scuenta Dios? xchi te ajwalil. Te Siba la sjac'be te ajwalil: Ay to hilem jtuhl snich'an Jonatán, chamen schebal yoc, xchi.

2 Samuel 9:6

Hich te Mefi-boset snich'an Jonatán, smam Saúl, tal ta stojol David, la snijan sba scuenta yich'el ta muc'. Mefi-boset, xchi te David. Li' ay te a'bat awu'un, xchi te Mefi-boset.

1 Reyes 11:17

Pero te Hadad, te querem to a, baht ta ahnel ta Egipto soc cha'oxtuhl edom-winiquetic te ayic ta a'batinel yu'un te state.

1 Crónicas 8:34

Te snich'an Jonatán ha te Merib-baal, te snich'an Merib-baal ha te Micaía.

1 Crónicas 9:40

Te snich'an Jonatán, ha te Merib-baal; te Merib-baal, ha snich'an te Micaía.

1 Samuel 29:1

Te filisteohetic la stsob sbahic ta spisilic ta Afec, te Israel la spas scampamentohic ta sloq'uib-ha' te ay ta Jezreel.

1 Samuel 29:11

Hich te David soc te winiquetic yu'un hahchic ta sab yu'un ya suhtic bahel ta sq'uinal te filisteohetique. Yan te filisteohetic bahtic ta Jezreel.