2 Samuel 4:1 - Bible in Tzeltal Bachajón

¹ Te c'alal la ya'iy te Is-boset snich'an Saúl te lajix ta Hebrón te Abner, jc'axel laj yip yo'tan, soc hahch ta xiwel spisil Israel.

Bible in Tzeltal de Oxchuc y Tenejapa

¹ Te c'alal Is-boset snich'an Saúl la yaiy te lajix ta Hebrón te Abner, jc'axel pejc'aj te yo'tane. Spisil Israel jajch'ic ta buen xiwel.

2 Samuel 4:1 ပူးပေါင်းရင်းမြစ်များ

2 Samuel 17:2

Ya jlumtay c'alal luhbenix soc lajemix yip a. Ya ca'be xiwel, soc spisil te pueblo sjoquinej ya me xloq'uic ta ahnel. Ha nax ya jmil te ajwalil,

2 Samuel 2:8

Pero te Abner snich'an Ner, te jtsobaw yu'un te soldadohetic yu'un Saúl, yic'ojix bahel ta Mahanaim a te Is-boset snich'an Saúl,

2 Samuel 3:27

Te c'alal suht tal ta Hebrón te Abner, te Joab la yic' bahel ta jehch sti'il yochibal te pueblo scuenta yu'un ya sc'opon ta muquen. Tey la yehchentes ta sch'uht a te Abner scuenta sutbeyel spacol te milbot te yihts'in Asael, hich laj te Abner.

Esdras 4:4

Ha yu'un te mach'atic ayic tey a hahch schebantesbeyic yo'tanic te pueblo yu'un Judá, la xiwtesic scuenta yu'un ma ba ya x'a'tejic xan a.

Nehemías 6:9

Como spisilic yac nax xiwtesbelotic ta sc'opic, te hich ya scuyic: Ya xlaj yipic ta spasel te a'tel, hich ma ba ya shu'tesic, xchihic. Yo'tic, a'bon yip te jc'ab, xchihon ta sc'oponel Dios.

Isaías 13:7

Ha yu'un ya xlaj yip sc'ab spisilic, ya xlaj yip yo'tanic spisil ants-winiquetic.

Isaías 35:3

¡A'beyahic yip te sc'abic te mayuc yipic, a'beyahic yip sjol yacanic te ya xnihquique!

Jeremías 50:43

Te ajwalil yu'un Babilonia la ya'iybe sc'oblal, laj yip sc'ab yu'un, u'untayot yu'un tulan mel-o'tan soc sc'uxul hich te bin ut'il ants te ya x'alaj.

Jeremías 6:24

La jca'iybetiquix sc'oblal, mayuc yip te jc'abtique. La yu'untayotic pich'il-o'tanil, hich te bin ut'il sc'uxul ya ya'iy te ants ya x'alaj.

Sofonías 3:16

Ta hich ora hich ya xhalbot te Jerusalén: ¡Ma xiwat, Sión, ma me xlaj yip ac'ab! xchi.