2 Samuel 3:31 - Bible in Tzeltal Bachajón

³¹ Ha yu'un te David hich la yalbe te Joab soc spisil te mach'atic sjoquinej: Ch'i'a ac'u'ic soc lapahic pac' yu'un mel-o'tan, oq'uetayahic te Abner, xchi. Te ajwalil David baht at spat te schahchamte'el

Bible in Tzeltal de Oxchuc y Tenejapa

³¹ Patil te David la yalbey mandal te Joab soc te jayeb mach'atic sjoineje: —Jatsa ac'u'ic, lapaic ch'ixal pac'. Oq'uetayaic me te Abner —xi'. Te muc' ajwalil David ay bael ta spat te xchajch'anteal.

2 Samuel 3:31 ပူးပေါင်းရင်းမြစ်များ

Génesis 37:29

C'alal tal ta ch'en te Rubén ma ba la sta tey a te José, la sch'i' sc'u' yu'un.

Génesis 37:34

Hich te Jacob la sch'i' sc'u', la slap ch'ixal pac', bayel c'ahc'al la yoq'uetay te snich'ane.

2 Samuel 1:11

Ha yu'un te David la stsac sc'u', la sch'i'; hich nix la spasic te winiquetic sjoquinejic.

2 Samuel 1:2

ta yoxebal c'ahc'al c'oht jtuhl winic te hahch tal ta campamento yu'un Saúl, ch'i'emtic sc'u' spac' soc ya'tinej ts'u'lum sjol a. C'alal c'oht ta stojol David, la spahcan sba ta lum scuenta yich'el ta muc' te David.

1 Reyes 20:31

Ha yu'un te a'batetic yu'un hich la yalbeyic: Ca'iybeyejtic sc'oblal te ajwaliletic yu'un Israel te ay sc'uxul yo'tanic. Ha yu'un ya me jchuctic ch'ixal pac' ta jch'uhtic soc lazo ta jnuc'tic, ya xbohotic ta stojol te ajwalil yu'un Israel, teme repente ya yac' xcuxajat, xchihic.

1 Reyes 21:27

C'alal hich la ya'iy te Acab, la sch'i' sc'u' yu'un, la slap ch'ixal pac' soc la scom swe'el. Way ta ch'ixal pac' soc pehc'aj yu'un.

2 Reyes 19:1

C'alal hich la ya'iy te ajwalil Ezequías, la sch'i' sc'u' yu'un, la slap ch'ixal pac', och bahel ta sna Jehová.

2 Reyes 19:2

Soc la sticon bahel ta stojol te jalwanej Isaías snich'an Amoz, te Eliaquim te mayordomo, Sebna te jts'ihbajel soc te mamal sacerdotehetic, slapojic ch'ixal pac' a,

San Lucas 7:14

Hich nohpoj bahel, la stsacbe scaxahul te mach'a chamen, la stehc'an sbahic te mach'atic yic'ojic bahel, hich la yal: Querem, ya calbat, hahchan, xchi.

Josué 7:6

Ha yu'un te Josué soc te mamaletic yu'un Israel la sch'i' sc'u'ic yu'un soc la spahcan sbahic ta lum ta stojol te scaxahul te chapbil-c'op yu'un Jehová yalel c'alal ta stibiltayel, soc la yaq'uic tan ta sjolic.

Apocalipsis 11:3

Ya calbe te cheb testigohetic cu'un te ya me xc'opojic ta sc'op-jalwanej oxbahc' soc oxwinic (1,260) c'ahc'al, slapojic pac' yu'un mel-o'tan a, xchi.

Jueces 11:35

C'alal hich la yil, la sch'i' sc'u' yu'un, soc hich la yal: ¡Ay, cantsil-nich'an, ta mero melel la awa'bon jwocol! Ha'at nix ta acuenta te ay bin c'ux ya ca'iy, yu'un ay bin la jcal ta jamal ta stojol Jehová, ma xhu' ya jsut te jc'ope, xchi.