2 Samuel 3:28 - Bible in Tzeltal Bachajón

²⁸ Ta patil, c'alal la ya'iy te David, hich la yal: Ho'on soc te ban c'alal jmacoj ta ajwalil stalel mayuc jmulcotic ta stojol Jehová yu'un te sch'ich'el te Abner snich'an Ner.

Bible in Tzeltal de Oxchuc y Tenejapa

²⁸ Ta patil c'alal la yaiy te David, jich la yal: —Ya cal ta stojol Cajwaltic: Te jo'on soc te jayeb mach'atic joinej ta at'el, jc'axel ma jo'ucotic ta jwentatic te la yich' milel te Abner snich'an Ner.

2 Samuel 3:28 ပူးပေါင်းရင်းမြစ်များ

Génesis 4:10

Te Dios hich la yalbe: ¿Bin la apas? Ha ya yalat tal c'alal ta lum te sch'ich'el te awihts'ine.

Génesis 9:6

Te mach'a ya smalbe sch'ich'el winic, winic nix ya xmalbot sch'ich'el yu'un; como pajal yilel soc Dios la yich' pasel te winique.

2 Samuel 1:16

Hich halbot yu'un David: Ay ta acuenta te ach'ich'ele, como ha'at nix la awal ta testigo ta acontra te c'alal hich la awal: La jmil te mach'a tsahbil yu'un Jehová, te xchihate, xchi.

2 Samuel 16:8

Te Jehová la ya'batix atojbe te sch'ich'el te mach'atic ay yu'un Saúl, te la apojbe ya'tel te ban c'alal smacoj ta ajwalil. Yo'tic te Jehová la ya'beyix ta sc'ab te anich'an Absalón. ¡Tahbilat abohlil ta scaj te jmilawat! la yut.

2 Samuel 3:27

Te c'alal suht tal ta Hebrón te Abner, te Joab la yic' bahel ta jehch sti'il yochibal te pueblo scuenta yu'un ya sc'opon ta muquen. Tey la yehchentes ta sch'uht a te Abner scuenta sutbeyel spacol te milbot te yihts'in Asael, hich laj te Abner.

2 Samuel 3:29

Ac'a c'ohtuc te mulil ta stojol Joab soc spisil mach'atic ay yu'un ta sna te state. Spisiluc ora ay me mach'a ya xloc' pojow, o te ay sc'a'el-chamel, coxo', te ya xlaj ta espada, o te mayuc swe'el, xchi.

Éxodo 21:12

Te mach'a ya yehchentes yan, teme ya xcham yu'un, ya me yich' milel.

Números 35:33

Ma me xabohlobtesbeyic sc'oblal te q'uinal te banti ya xnahinex; como te ch'ich' ini ya sbohlobtesbe sc'oblal te q'uinale; ma xhu' ya yich' lecubtesbeyel sc'oblal te q'uinal yu'un te ch'ich' malbil tey a, ha nax ta scuenta te sch'ich'el te mach'a la smal te ch'ich'e.

San Mateo 27:24

C'alal la yil te Pilato te mayuc bin ya xchapaj, te yac ta behbe tohyel sc'opic, la yich' tal ha', la spoc sc'ab ta stojol te ants-winiquetic, hich la yal: Te ho'one ma ba ya jmulimbe sch'ich'el te winic ini. Ila me abahic atuquelic, xchi.