2 Samuel 3:25 - Bible in Tzeltal Bachajón

²⁵ Ana'ojbe stalel te Abner snich'an Ner. Ha nax tal slo'loyat, soc ha nax tal stsahtayat te bin ora ya xloc'at bahel soc te ya suhtat talel, soc spisil te bintic yac apas, xchi.

Bible in Tzeltal de Oxchuc y Tenejapa

²⁵ ¿Yu'un bal ma ba ya ana' jiche te tal nax slo'layate, soc te ja' nax tal stsajtayat te bi yilel ta bael te bi yacat ta xchajbanele, soc te bitic yacat ta spasele? —xi'.

2 Samuel 3:25 ပူးပေါင်းရင်းမြစ်များ

Génesis 42:12

Pero te José hich la yalbe: Ma'uc, ha talemex ta yilel banti ma ba canantaybil ta lec te q'uinale, xchi.

Génesis 42:16

Ticonahic bahel jtuhluc te ya xbaht yic' tal te awihts'in, yan te ha'exe ya xhilex ta chuquel li'i. Ya yich'ic tsajel te ac'opic teme smelelil te bin yac awalique; teme ma'uque, xyil faraón, ha'ex jtsahtaywanejex abi, la yut.

Génesis 42:9

Hich la sna' te José te swayich la ya'iy sc'oblal te sbanquiltac, hich la yalbe: Jtsahtaywanejex; talemex ta yilel te banti ma ba canantaybil ta lec te q'uinale, la yut.

2 Samuel 10:3

te príncipaletic yu'un la yalbeyic te Hanún te ajwalil yu'unic: ¿Hich bal ach'uhunej te ta scuenta yich'el ta muc' atat te David la sticon tal te mach'atic ya smuc'ubtesbat q'uinal yac awa'iy? ¿Ma bal ha'uc la sticon tal te a'batetic yu'un ya stsahtayic te pueblo yu'un ya slajinic? xchihic.

2 Samuel 3:24

Ha yu'un te Joab tal ta stojol te ajwalil, hich la yalbe: ¿Bin la apas? Tal ta atojol te Abner; ¿bin yu'un te la awac' suhtuc bahel?

2 Samuel 3:26

C'alal loc' bahel ta stojol David te Joab, la sticon bahel winiquetic ta stojol Abner, la yiq'uic suhtel tal ta pozo yu'un Sira. Ma ba sna'oj te David.

2 Samuel 3:27

Te c'alal suht tal ta Hebrón te Abner, te Joab la yic' bahel ta jehch sti'il yochibal te pueblo scuenta yu'un ya sc'opon ta muquen. Tey la yehchentes ta sch'uht a te Abner scuenta sutbeyel spacol te milbot te yihts'in Asael, hich laj te Abner.

2 Reyes 18:32

ha to c'alal ya xtal quiq'uex bahel ta yan q'uinal te pajal soc te awu'unic, ha q'uinal yu'un trigo soc ts'usubiletic, te banti ay pan soc vino, ha q'uinal yu'un oliva, aceite soc chab. Ya xcuxajex, ma ba ya xchamex. Ma me xawa'iybeyic sc'op te Ezequías, como ya slo'loyex te c'alal hich ya yal: Ya me yac'otic ta libre te Jehová, te xchihe.

Salmos 121:8

Te Jehová ya scanantayat te c'alal ya xloc'at bahel soc te c'alal ya suhtat talel, ta ora ini soc ta sbahtel q'uinal.

Isaías 37:28

Ya jna' te banti huculat, te c'alal ya xloc'at soc te ya x'ochat talel, soc te tulan yac awilintayon.

Números 27:17

te ya xloc' bahel soc te ya x'och tal ta stojolic, te ya yic'ticlan bahel soc te ya yic'ticlan talel, scuenta yu'un te pueblo yu'un Jehová ma hichuc ya xc'oht te bin ut'il tuminchijetic te mayuc jcanan yu'unique, xchi.

San Juan 7:12

Bayel hahchic wulajanel ta scuenta ta yohlil te ants-winiquetique, ay la yalic: Lequil winic, xchihic; ay yantic la yalic: Ma'uc, ha yac slo'loybel te pueblo, xchihic.

San Juan 7:47

La sjaq'uic te fariseohetic: ¿Ha ni bal hichex la ach'uhunic lo'loyel?

Romanos 2:1

Ha yu'un mayuc bin ya xmacawanat ta c'op a, ha'at te yac awich' ta c'op yan, como te bin ut'il yac awich' ta c'op yan, ha'at nix yac awalbel te ay amul, como te bin yac awich' ta c'op a te yane, ha nix hich yacat ta spasel.

Deuteronomio 28:6

Bayel me awutsilal c'alal ya x'ochat tal soc bayel me awutsilal c'alal ya xloc'at bahel.