2 Samuel 24:22 - Bible in Tzeltal Bachajón

²² Te Arauna hich la yalbe te David: Ich'a, soc ac'a te mahtanil te ya sc'an yo'tan te ajwalil cu'un. Li' ay j'a'tel-wacaxetic scuenta scohtol chic'bil mahtanil, soc te swuyojbil spat trigo soc te yugohetic yu'un te j'a'tel-wacaxetic scuenta si'.

Bible in Tzeltal de Oxchuc y Tenejapa

²² La sjac' te Arauna: —Ich'a, muc' ajwalil, te bi lec ya amulane. Ac'beya chic'bil smajt'an te Cajwaltique. Li' ay toroetic yu'un te smajt'ane, soc te jloq'uesibal spat trigo soc te yugoetic yu'un te j'at'el-wacaxetique, ya xju' ya x'och ta si'.

2 Samuel 24:22 ပူးပေါင်းရင်းမြစ်များ

1 Reyes 19:21

Hich suht bahel, la stsac te cheb j'a'tel-wacaxetic, la smil; te ste'el te arado la swo a te ti'bal, la ya'be swe' te pueblohe. Patil baht st'un bahel te Elías, la yac' sba ta a'batinel yu'un.

1 Samuel 6:14

C'oht ta sq'uinal Josué ta Bet-semes te carreta, quehchaj ta behel ta banti ay muc'ul ton. La sch'uyic te ste'el te carreta soc la yaq'uic scuenta scohtol chic'bil mahtanil yu'un Jehová te wacaxetique.

1 Crónicas 21:22

Te David hich la yalbe te Ornán: A'bon te yawil swuyojibal trigo awu'un scuenta yu'un ya jpasbe scajtajib smahtan te Jehová. Chombon hich te bin ut'il stojol, scuenta yu'un ya xquehchaj te tulan chamel ta stojol te pueblo, xchi.

Génesis 23:11

Ma'uc, jtatic, a'iya me awa'iy te jc'ope; ya ca'bat te q'uinal soc te ch'en te tey ay a. Ta stojol spisil te jlumal ya ca'bat. Muca te mach'a chamen awu'une, xchi.

Jueces 6:26

Pasa scajtajib ta chiq'uel mahtanil yu'un Jehová te Dios awu'un ta sba te ahnibal ini. Ic'a tal te schebal toro, a'beya scuenta scohtol chic'bil mahtanil, tuhuna scuenta si' te ste'el te sloc'ombahil Asera te yac ats'et, xchi.