2 Samuel 24:2 - Bible in Tzeltal Bachajón

² Ha yu'un te ajwalil la yalbe te Joab, te jtsobaw yu'un te soldadohetic te sjoquinej: Behentayahic spisil ta chahp sts'umbal Israel ta Dan c'alal ta Beerseba, ahtaya te pueblo, scuenta yu'un ya jna' jayeb te yajwale, xchi.

Bible in Tzeltal de Oxchuc y Tenejapa

² Jich nix la spas a te David. La yalbey mandal te Joab te sjoinej te ja' general te soldadoetic yu'une: —Beentayaic spisil ta jchajp sts'umbal Israel ta spamal sq'uinalic, c'alal ta Dan soc c'alal ta Beerseba, swenta yu'un ya me awaq'uic ta censo. Jich me ya jna' te jayeb te yajwal lume —xi'.

2 Samuel 24:2 ပူးပေါင်းရင်းမြစ်များ

Génesis 21:14

Hich buen sab hahch te Abraham, la yich' tal pan soc jun nuhcul yawil ha', la ya'be sq'uech bahel te Agar, soc la ya'be te yal, la sticon bahel soc. Hich loc' bahel, melmonel ta behel ta jochol taquin q'uinal Beerseba.

2 Samuel 17:11

Ho'on ya calbat, ac'a stsob tal sbahic ta atojol spisil Israel ta Dan ha to ta Beerseba, c'ax bayelic hich te bin ut'il hi' ta ti'mar; soc ha'at nix ya me xbahat ta guerra.

2 Samuel 2:13

Te Joab te yal Sarvia, soc te winiquetic yu'un David loq'uic bahel, c'oht stahic ta yawil ha' yu'un Gabaón. Jchahp la shuhcan sbahic ta jehch yawil ha' soc jchahp ta yan jehch.

2 Samuel 20:23

Te Joab hil ta scuentahinel spisil te soldadohetic yu'un Israel; te Benaía snich'an Joiada, hil ta scuentahinel te cereteohetic soc te peleteohetic.

2 Samuel 23:37

Selec te talem ta Amón; Naharai te talem ta Beerot, jcuch-mahquil yu'un Joab, yal Sarvia;

2 Samuel 24:15

Ha yu'un te Jehová la sticon tal jmilawal-chamel ta stojol Israel ta sab ha to c'alal ts'acay te yorahil halbile. Ta Dan c'alal ta Beerseba chamic waxacpic soc ho'lajunbahc' (70,000) ants-winiquetic.

2 Samuel 3:10

ha te ya yich' loq'uesel ta ajwalil te sts'umbal Saúl, ha ya x'och ta ajwalil yu'un Israel soc Judá te David, c'alal ta Dan ha to c'alal ta Beerseba, xchi.

2 Samuel 8:16

Te Joab yal Sarvia, ha jtsobaw yu'un te soldadohetic yu'un; te Josafat snich'an Ahilud ha la sts'ihbay te bintic c'oht ta pasel.

1 Crónicas 21:2

Ha yu'un te David hich la yalbe te Joab soc te príncipaletic yu'un te pueblo: Bahanic, ahtayahic te Israel c'alal Beerseba ha to ta Dan; a'bonic jna' jaytuhlic scuenta yu'un hich ya jna' a, xchi.

2 Crónicas 32:31

Pero te c'alal la sticon tal a'batetic te príncipaletic yu'un Babilonia ta sjoc'obeyel sc'oblal te bin chahp c'ohem ta pasel ta sq'uinal, te Ezequías ihquitayot yu'un Dios scuenta prueba, yu'un hich ya xna'bot a spisil bintic ay ta yo'tan.

Proverbios 29:23

Ya xpehc'anot yu'un stoybahil te winique, yan te mach'a peq'uel yac'oj sba ya me x'ich'ot ta muc'.

Jeremías 17:5

Hich yaloj te Jehová: Ma lecuc sc'oblal te mach'a ha smuc'ulinej yo'tan te winiquetic, te ha ya smuc'ulin yo'tan te yip te winic, te ya yihquitay ta yo'tan te Jehová.

2 Corintios 12:7

Soc scuenta yu'un ma ba jc'axel ya jtoy jba yu'un te bintic muc' a'bibilon quilticlan, a'boton c'uxul wocol ta jbaq'uetal, ha ya'bat Satanás te ya yuts'inone.

Jueces 20:1

Ha yu'un loq'uic bahel spisil te snich'nab Israel, c'alal ta Dan ha to ta Beerseba soc ta sq'uinal Galaad, la stsob sbahic hich te bin ut'il jtuhl winic ta stojol Jehová ta Mizpa.