2 Samuel 24:16 - Bible in Tzeltal Bachajón

¹⁶ C'alal la shach sc'ab te ch'ul a'bat ta stojol Jerusalén yu'un slajinel, te Jehová la sut sc'op, hich la yalbe te ch'ul a'bat te yac ta lajinwanej: Tiq'uix a; coma te ac'abe, xchi. Te ch'ul a'bat yu'un Jehová ay ta sq'uiyojibal trigo yu'un te Arauna te jebuseo-winique.

Bible in Tzeltal de Oxchuc y Tenejapa

¹⁶ Te c'alal nopol ya slajinix a te Jerusalén te ch'ul abate, te Cajwaltic la sujt'es sc'op, la scom te ch'ul abat yu'un yac ta lajinwaneje: —Tiq'uix a. Ma xalajinix —xi'. Jich quejch'aj te lajele. Te ch'ul abat yu'un te Cajwaltic, ja' yorail tey ay bael ta banti yac ta sloq'uesel spat strigo te Arauna te jebuseo-winique.

2 Samuel 24:16 ပူးပေါင်းရင်းမြစ်များ

Génesis 10:16

soc te jebuseo, amorreo, gergeseo,

Génesis 6:6

Te Jehová la smel yo'tan yu'un te la spas te ants-winiquetic; tal sc'uxul ta yo'tan.

2 Samuel 24:18

Ha nix ta yorahil a, te Gad tal ta stojol David, hich la yalbe: Mohan bahel, pasa jun scajtajib ta chiq'uel mahtanil yu'un Jehová ta sq'uiyojibal trigo yu'un te Arauna te jebuseo-winic, xchi.

2 Samuel 5:8

Te David yalojix ta hich ora: Te mach'atic ya sc'an ya ya'beyic guerra te jebuseohetic, ac'a ochuc bahel ta jotbil be-ha' ta yutil te lum yu'un ya smilic te ts'o'sitetic soc coxo'etic te ihlaybilic yu'un David, xchi. Tey hahchem a te hich halbil: Ma ba ya x'och ts'o'sit o coxo' ta sna Jehová, te xchihe.

1 Reyes 19:4

Te Elías baht jun xan c'ahc'al ta jochol taquin q'uinal, la shuhcan sba ta ye'tal enebro-te'. Yo'tanuc ya xchamix, hich la yal: ¡Tic'uquix a, Jehová! Lajimbon te jcuxlejal; ma ho'ucon lecon xan a te bin ut'il te jme'jtate, xchi.

2 Reyes 19:35

Ha nix ta ahc'abal a te loc' ch'ul a'bat yu'un Jehová, baht smilticlan oxeb scha'winic ta pic soc j'ohlil yoxbahc' (185,000) ta tuhl ta campamento yu'un te asiriahetique. C'alal hahchic ta sab, tey ayic a te mach'atic chamenic.

1 Crónicas 1:14

Te sts'umbal Canaán ha te jebuseohetic, amorreo, gergeseo,

2 Crónicas 3:1

Te Salomón hahch ta spasel te sna Jehová ta Jerusalén, ta wits Moriah, ta banti la yac' sba ta ilel Jehová ta stojol David te stat; tey ta lugar te schahpanejix te David ta swuyojibal trigo yu'un te Ornán te jebuseo-winique.

2 Crónicas 32:21

Hich te Jehová la sticon tal ch'ul a'bat te la smil spisil te mach'atic ma xiwic soc te jtsobawetic soc capitanetic ta campamento yu'un te ajwalil yu'un Asiria. Hich q'uexaw suhtel ta sq'uinal. Te c'alal och bahel ta templo yu'un te dios yu'une, tey milot yu'un a te mero snich'nabe.

Salmos 135:14

Te Jehová stojil me ya schahpan te pueblo yu'un, ya me sna'be yo'bolil sbahic te a'batetic yu'une.

Salmos 35:6

ac'a ihc'ubuc q'uinal soc ac'a bilubuc te be yu'unic, te ch'ul a'bat yu'un Jehová ac'a snuts bahel.

Salmos 78:38

Pero te bin ut'il ay sc'uxul yo'tan te Diose, la spasbe perdón yu'un te smulic, ma ba la slajinlan; bayel buelta la scom te yilimba, ma ba la yac' hahchuc spisil te yilimba.

Salmos 90:13

¡Suhtan tal, Cajwal! ¿Jayeb xan ora? ¡Na'beya yo'bolil sbahic te a'batetic awu'une!

Éxodo 12:13

Te ch'ich' ha seña awu'unic ya xc'oht ta anahic te banti ayexe; te c'alal ya quil te ch'ich' ya xc'axon bahel te banti ayex, ma ba ya stahat te castigo scuenta lajel te c'alal ya quehchentes te sq'uinal Egipto.

Éxodo 12:23

Yu'un ya me xc'ax te Jehová ta yehchentesel te egipciohetic. Te c'alal ya yil te ch'ich' ta sjol soc ta smarcohil te ti'nahil ya me sohl bahel ta yahc'olal te ti'nahil, ma ba ya yac' ochel te j'ehchenteswanej ta anahic yu'un ya smilex.

Éxodo 32:14

Ha yu'un te Jehová la suhtes yo'tan yu'un te bin chopol yaloj te ya spasbe te pueblo yu'une.

Éxodo 9:28

C'opona te Jehová, yu'un tic' a te chahwuc yu'un Dios soc te bat. Ya caq'uex bahel, ma ba ya jcomexix, xchi.

Isaías 27:8

La awa'be castigo te Israel ta scuenta sloq'uesel bahel ta yan q'uinal. La shu'xiy loq'uel ta yic'al ye, te bin ora tal ic' ta banti ya xloc' tal c'ahc'al.

Isaías 57:16

Como ma spisiluc ora ya jtij ta c'op, ma spisiluc ora ya x'ilinon, yu'un ya xlaj yip yo'tanic ta jtojol te hichuque, te sch'uhlelic te jpasoje.

Jeremías 26:19

Te Ezequías ajwalil yu'un Judá, soc spisil Judá, ¿la bal smilic te Miqueas? ¿Ma bal ha'uc la yich' ta muc' te Jehová soc la sc'ambe te lecuc yo'tan ta stojol? ¿Ma bal lajuc sut sc'op te Jehová yu'un te bin chopol yaloj te ya spasbe? ¿Ya bal cac' taluc ta jtojoltic te bin c'ax chopole? xchihic.

Jeremías 42:10

Teme ya xhilex ta q'uinal ini, ya ca'beyex awich' awipic, ma ba ya jinex; ya jts'unex, ma ba ya jbulex loq'uel, yu'un ya jsut jc'op yu'un te bin chopol la jpasbeyexe.

Amós 7:3

Ha yu'un te Jehová la suht sc'op, hich la yal: Ma hichuc ya xc'oht ta pasel, xchi.

Amós 7:6

Ha yu'un te Jehová la suht sc'op, hich la yal: Ha nix hich ma ba ya xc'oht ta pasel, xchi.

Habacuc 3:2

¡La jca'iybat ac'oblal, Jehová, xcham co'tan yu'un! Pasa xan awa'tel, Jehová, ta yorahil ayotcotic; ta yorahil ayotcotic ac'a ta na'el te awa'tele; aunque ilinemat, na'a me c'uxultayel.

Zacarías 9:7

Ya jloq'uesbe te ch'ich' ta ye, soc ya jloq'uesbe te bintic ilobtic sba te ay ta yohlil te sbaquel ye. Ha nix hich yu'un Dios ya xc'ohtic te mach'atic ya xhilic yu'un; hich ya xc'ohtic te bin ut'il capitanetic yu'un Judá, soc te Ecrón hich ya xc'oht te bin ut'il te jebuseo.

San Marcos 14:41

C'alal suht xan tal ta yoxebal buelta, hich la yalbe: ¡Wayaniquix, cuxa awo'tanic! ¡Tiq'uix a, c'ohtix yorahil! Ilawilic, te Nich'anil ay ta scuenta winic ac'otix ta sc'ab jmulawiletic.

Hechos 12:23

Ora ehchentesot yu'un ch'ul a'bat yu'un Cajwaltic te Herodes ta scaj te ma ba la yalbe yutsilal te Diose; tohc schanul, cham yu'un.

1 Corintios 10:10

Soc ma me xawa'iyic wulwul-c'op, hich te bin ut'il ay la ya'iyic wulwul-c'op stuquelic, hich lajinotic yu'un te jlajinwaneje.

2 Corintios 2:6

Tic'uc a te castigo te tsobolex la awa'beyique.

Josué 15:63

Pero te snich'nab Judá ma ba hu' yu'unic sloq'uesel te jebuseohetic te nahinemic ta Jerusalén. Ha yu'un nahinemic ta Jerusalén soc te snich'nab Judá c'alal ora.

Jueces 1:21

Yan te sts'umbal Benjamín ma ba la sloq'uesic te jebuseohetic te nahinemic ta Jerusalén; hich te jebuseohetic nahinemic ta Jerusalén soc te sts'umbal Benjamín c'alal ora.

Jueces 19:11

C'alal nopol c'ohtic ta Jebús, mero tibilix a; te a'bat hich la yalbe te yajwal: Conic, ya xbohotic tey ta pueblo yu'un te jebuseohetic, yu'un tey ya xc'ax ahc'abal cu'untic a, xchi.

1 Samuel 15:11

Ya jmel co'tan yu'un te la jcotses ta ajwalil te Saúl, como la yihquitayonix soc ma ba la spas te bin la jcal, xchi. Te Samuel ma ba lec la ya'iy, sjunal ahc'abal la yalbe bayel wocol Jehová yu'un.