2 Samuel 24:14 - Bible in Tzeltal Bachajón

¹⁴ Te David hich la yalbe te Gad: Mero ayon ta wocol ya ca'iy. Ac'a ochucotic ta sc'ab te Jehová como bayel sc'uxul yo'tan stuquel, manchuc ya x'ochotic ta sc'ab winiquetic, xchi.

Bible in Tzeltal de Oxchuc y Tenejapa

¹⁴ Te David la sutbey sc'op te Gad: —Mero tenbilon ya caiy. Yo'tic, ja' lec teme ja' ya x'ochotic ta sc'ab te Cajwaltic, te bit'il mero bayal ya sna' yo'bolil jbajtic stuquele, ma ja'uc ya x'ochotic ta sc'ab te winiquetique —xi'.

2 Samuel 24:14 ပူးပေါင်းရင်းမြစ်များ

2 Samuel 9:8

Te Mefi-boset la snijan sba, hich la yal: ¿Mach'a a te a'bat awu'un, te ay ta cuenta awu'un chamen ts'i' hich te bin ut'il te ho'one? xchi.

2 Reyes 6:15

Te a'bat yu'un te winic yu'un Dios hahch ta sab soc loc' bahel. C'alal la yil te soldadohetic, te jmoheletic ta cawu soc te carretahetic te sjoytayejic te pueblo, la yalbe te Eliseo: ¡Ay, cajwal! ¿bin ya jpastic? xchi.

1 Crónicas 21:13

Ha yu'un te David la yalbe te Gad: Bayel ayon ta mel-o'tan. C'ax hich lec ya ca'iy a te ya x'ochon ta sc'ab Jehová, como c'ax muc' te c'uxultayel yu'un, te bin ut'il ya x'ochon ta sc'ab winiquetic, xchi.

Salmos 119:156

Bayel te c'uxultayel awu'un, Jehová; a'bon jcuxlejal hich te bin ut'il ay te stojil chahpanel awu'une.

Salmos 130:4

Pero ay perdón ta atojol, scuenta yu'un ya x'ich'otat ta muc'.

Salmos 130:7

Israel, ac'a smuc'ulin awo'tan te Jehová, como ay c'uxultayel yu'un, soc jc'axel ya x'ac'awan ta libre stuquel.

Salmos 145:9

Te Jehová lec bin ya spas ta stojol spisil, soc ya sc'uxultay spisil te bintic spasoje.

Salmos 51:1

Na'bon me yo'bolil jba, Dios cu'un, hich te bin ut'il yutsil awo'tan; hich te bin ut'il bayel yac ana' yo'bolil sbahic, tup'bon te c'axun-c'op cu'une.

Salmos 86:15

Pero ha'at Cajwal, ha Diosat te ay sc'uxul awo'tan soc lec awo'tan; ma orahuc ya x'ilinat, soc muc' te sc'uxul awo'tan soc te smelelil ac'ope,

Salmos 86:5

Como ha'at, Cajwal, lec awo'tan soc jpas-perdonat, c'ax bayel sc'uxul awo'tan ta stojol spisil te mach'atic ya yalbat wocol.

Proverbios 12:10

Te mach'a toj yo'tan ya scanantay te schansbahlam, yan te yo'tan te mach'a chopol, ya x'uts'inwan.

Isaías 47:6

Ilinon ta stojol te pueblo cu'un, la jbohlobtesbe sc'oblal te bintic ay cu'un, la jcac' ochuc ta ac'ab, ma ba la ana'be yo'bolil sbahic; la awa'be ta stojol mamaletic te yugo awu'un te mero al.

Isaías 55:7

Te mach'a chopol yo'tan ac'a yihquitay te be yu'une, te mach'a ay mulil ta yo'tan, ac'a yihquitay te snopojibal yu'une; suhtanic tal ta stojol Jehová, hich me ya xc'uxultayot yu'un, suhtanic tal ta stojol te Dios cu'untic, te ha ya spas bayel perdón.

Jeremías 39:17

Pero ta hich ora ya me cac'at ta libre, xchi te Jehová, ma ba ya x'ochat ta sc'abic te mach'atic yac axi'e.

Lamentaciones 3:22

Ha ta scuenta sc'uxul yo'tan Jehová te ma ba lajemotic, como mayuc bin ora ya xlaj te sc'uxul yo'tane;

Daniel 9:9

Yu'un Jehová, te Dios cu'untic, te c'uxultaywanej soc te perdón, aunque jtoyoj jbahcotic ta stojol,

Jonás 4:2

La sc'opon te Jehová, hich la yal: ¡Jehová! ¿ma bal hichuc nix la jcal te c'alal ayon to ta jlumal? Ha scuentahil te ahnon bahel ta Tarsis, como jna'oj te ha'at Diosat te ay yutsil awo'tan soc yac ana'be yo'bolil sbahic, te ma orahuc ya x'ilinat soc ay bayel sc'uxul awo'tan, soc te yac asuht ac'op ta spasel te bin chopole.

Miqueas 7:18

¿Mach'a yan Dios te pajalat soc, te ya spas perdón yu'un te bin chopol, soc te ya sch'ay ta yo'tan te smul te mach'a cuxul hil yu'un te mach'atic ay yu'une? Ma spisiluc ora ay yilimba, como ya smulan te ya ya'iy c'uxultaywanej.

Miqueas 7:19

Ya scha'na'botic xan yo'bolil jbahtic; ya sts'o'ts'o'tec' te jmultic, soc ya sch'oj bahel ta sc'ubulil mar spisil te jmultique.

Zacarías 1:15

Pero bayel ilinemon ta stojol te nacionetic te jun yo'tan ayique; como te c'alal jteb nax ilinon, muc' c'oht yu'unic te bin chopole.

San Juan 12:27

Ta ora ini, bayel ayon ta wocol ya ca'iy. ¿Bin ya cal yu'un? ¿Jtat, coltayawon loq'uel ta jwocol ta ora ini, xchihon bal? como ha nix talemon yu'un a.

Filipenses 1:23

Ta schebal ma jna' ban ya jtsa; co'tanuc te ya xloc'on bahel, te ya joquin te Cristo, ha c'ax lec xan ya ca'iy a.

1 Samuel 13:6

Te c'alal la yilic te winiquetic yu'un Israel te ma xhu' yu'unic (como mero tembilic te pueblo), la snac' sbahic ta ch'en, ta pimil q'uinal, ta sc'uhb muc'ul tontiquil, ta be-ha' ch'entiquil soc ta hotbil yawil.