2 Samuel 24:13 - Bible in Tzeltal Bachajón

¹³ Hich tal te Gad ta stojol David, la ya'be sna', hich la yalbe: ¿Ya bal ac'an te ya xtal huqueb ha'bil wi'nal ta aq'uinal? ¿o teme oxeb u ya x'ahnat ta stojol te acontratac te ya snutsat? ¿o teme oxeb c'ahc'al ay jmilawal-chamel ta aq'uinal? Nopa awa'iy, yu'un hich ya xc'oht calbe te mach'a sticonejon tal, xchi.

Bible in Tzeltal de Oxchuc y Tenejapa

¹³ Te Gad ba yil te David, la sjojc'obey: —¿Bi ya amulan: ja' bal juqueb ja'wil wi'nal ta jq'uinaltic, ja' bal te oxeb u ya x'anat ta stojol acontrotac, o ja' bal te oxeb c'aal chamel ta jq'uinaltic? Na'a awaiy, ya me awalbon ta ora te bi ya xc'o calbey te mach'a sticunejon tele —xi'.

2 Samuel 24:13 ပူးပေါင်းရင်းမြစ်များ

2 Samuel 21:1

Te c'alal ay ta ajwalil a te David, tal wi'nal, oxeb ha'bil la stic' sba. Te David la sjoc'obe te Jehová, hich halbot yu'un: Ha ta scuenta Saúl soc te sna te la smal ch'ich', como la smilticlan te gabaonetic, xchi.

2 Samuel 24:12

Bahan, halbeya te David: Hich yaloj te Jehová: Ay oxeb te bin ya ca'bat atsa; ya me atsa junuc te ya jpasbat, xchi.

2 Reyes 8:1

Te Eliseo hich la yalbe te ants te la scha'cuxajtesbe yal: Bahan ta nahinel ta yan lugar soc spisil mach'atic ay awu'un, como te Jehová la yalix te ya xtal wi'nal te ya xhalaj huqueb ha'bil ta q'uinal, xchi.

1 Crónicas 21:12

oxeb ha'bil wi'nal, oxeb u yac awich' tsalel ta espada yu'un te acontratac, u oxeb c'ahc'al te espada yu'un Jehová, ha tulan chamel ta q'uinal, ha te ch'ul a'bat yu'un Jehová ya xlajinwan ta spisil te sq'uinal Israel, xchi. Nopa awa'iy bin ya calbe te mach'a la sticonon tal, xchi te Gad.

Salmos 91:6

o te tulan chamel te ya xbehen ta ahc'abal, o te bin ya xmilawan ta ohlil c'ahc'al.

Éxodo 7:25

Ts'acay huqueb c'ahc'al te la smaj te ha' te Jehová.

Ezequiel 14:13

Snich'anat winic, teme ay nación te ya sta smul ta jtojol, te ma junuc yo'tan ta jtojole, teme ya jach jc'ab ta stojol, teme ya jlajimbe swe'el soc ya jticombe talel wi'nal, soc ya jlajimbe te ants-winiquetic soc te chambahlametic yu'unique,

Levítico 26:20

Tojol yac alajin awipic, como te q'uinal awu'unic mayuc bin ya yac' soc ma ba ya yac' sit te te'etic ay ta q'uinale.

Levítico 26:25

Ya cac' taluc espada ta atojolic scuenta spacol sc'axuntayel te chapbil-c'op. Teme yac ale awahnibic ta apueblohic, ya jticon tal jmilawal-chamel ta atojolic soc ya x'ochex ta sc'ab te acontrahique.

San Lucas 4:25

Soc melel ya calbeyex te ay tsobol me'ba' antsetic ta Israel c'alal cuxul a te Elías te c'alal la yich' maquel oxeb ha'bil soc waqueb u te ch'ulchan soc tal bayel wi'nal ta spahmal q'uinal.

Deuteronomio 28:22

Te Jehová ya me sticombat tal sac-obal, c'ahc', siht'el, sc'uxul c'ahc'al, taquin q'uinal, wocol te repente nax ya xtal, soc stotol ats'unub-awawal; ya me snutsat ha to c'alal ya xch'ayat bahel.

Deuteronomio 28:25

Te Jehová ya me yac' te ya stsalat te acontra; ta ch'ix nax be ya xloc'at bahel ta ya'beyel guerra, ta huc-ch'ix be ya me x'ahnat bahel ta stojolic; xiweltic aba ya xc'ohat ta stojol spisil te nacionetic ta bahlumilal.

Deuteronomio 28:27

Te Jehová ya me ya'bat te c'ahc'al chin yu'un Egipto, soc chacaletic, sal soc bayel sac'al te ma xhu' ya xlecubat yu'une.

Deuteronomio 28:35

Te Jehová ya me yac' c'axuc awocol ta scuenta c'ahc'al chin ta sjol awacan soc ta sbaq'uetal awa', c'alal ta stahn awoc c'alal ta ajol, ma me xlecubat ta poxtayel.

Deuteronomio 28:52

Ya me sjoytaylan ta ya'beyel guerra spisil te pueblohetic awu'un ha to c'alal ya xhemts'uj cohel ta spisil aq'uinal te ts'ahquetic te ha toyol soc te ay yipic, te ha smuc'ulinej awo'tan. Ya sjoytaylan ta ya'beyel guerra spisil te pueblohetic ayic ta aq'uinal te la ya'bat Jehová te Dios awu'une.

1 Samuel 25:17

Ha yu'un nopa awa'iy bin ya sc'an yac apas, como chapalix te ay bin chopol ya xc'oht ta stojol te cajwalcotic soc spisil te mach'atic ay yu'une. Como mero chopol winic, mayuc mach'a ya xhu' ya sc'opon, xchi.