2 Samuel 24:10 - Bible in Tzeltal Bachajón

¹⁰ Te c'alal laj yo'tan te David ta yahtayel te pueblo, pich'bot yo'tan yu'un, hich la yalbe te Jehová: Mero bayel la jta jmul yu'un te bin la jpas. Ya calbat wocol ta atojol, Jehová, te yacuc apasbe perdón te smul te awa'bate. Scaj jsonsohil te hich la jpase, xchi.

Bible in Tzeltal de Oxchuc y Tenejapa

¹⁰ Pero te David la yaiy ta yo'tan te la sta smul yu'un te la yac' ta censo te yajwal q'uinale. Jich la yalbey ta jamal ta stojol te Cajwaltic: —Mero muc' mulil la jta ta atojol yu'un te bi la jpase. Ya calbat wocol ta atojol yu'un, Cajwal, te yacuc apasbon perdón yo'tic te jmul jo'on te abaton awu'une, melel jich la cac' jba te bit'il jun sonso —xi'.

2 Samuel 24:10 ပူးပေါင်းရင်းမြစ်များ

2 Samuel 12:13

Te David hich la yal ta stojol te Natán: La jta jmul ta stojol Jehová, xchi. Te Natán la yalbe te David: Te Jehová la spasbatix perdón yu'un te amule, ma ba ya xlajat yu'un.

2 Samuel 24:17

C'alal la yil David te ch'ul a'bat te yac ta slajinel te pueblo, hich la yalbe te Jehová: Ho'on la jta jmul, ho'on la jpas te bin chopole. ¿Bin la spasic te ants-winiquetic ini? Ya calbat wocol te ha'uc ya xc'oht ac'ab ta jtojol soc ta stojol te sna te jtate, xchi.

1 Reyes 8:35

Te c'alal ya xmahc te ch'ulchan, te ma ba ya yac' ha'al ta scaj stahoj smulic ta atojol, teme ya sc'oponat li' ta lugar ini soc teme ya yalic ta jamal te abihile; teme ya suhtes yo'tanic yu'un te smulic te c'alal yac awa'be swocolic,

1 Crónicas 21:7

Ma lecuc yo'tan Dios yu'un, la ya'be castigo te Israel.

1 Crónicas 21:8

Ha yu'un te David hich la yalbe te Dios: Muc' te jmul la jta yu'un te hich la jpas. Awocoluc, loq'uesbeya te smul te awa'bate, como ta scaj te ma la jna' q'uinal te hich la jpase, xchi.

2 Crónicas 16:9

Como te sit Jehová ya yil spisil te q'uinal, yu'un ya ya'be yip te mach'atic jun yo'tanic ta stojol. Sjel ta shoquem ajol te bin la apasix; ha yu'un yo'tic soc li' bahel ay me guerra ta atojol, xchi.

2 Crónicas 32:26

Pero te Ezequías soc te mach'atic nahinemic ta Jerusalén la spehc'an sbahic yu'un te stoybahilic, hich ma ba tal te yilimba Jehová c'alal cuxul te Ezequías.

Job 7:21

¿Bin yu'un ma ba yac atup'bon te jc'axun-c'op soc yac apasbon perdón yu'un te jmule? Como yo'tic ya xwayon ta ts'u'lum; aunque yac alehon, ma ba cuxulonix a, xchi te Job.

Salmos 32:5

La jcalbat ta jamal te jmule, ma ba la jmuc te bin chopol la jpas. Hich la jcal: Ya me cal ta jamal te jmul ta stojol Jehová, xchihon, hich la apasbon perdón yu'un te jmule. Selah

Éxodo 10:16

Ha yu'un te faraón ora la sticon ta iq'uel te Moisés soc Aarón, hich la yalbe: La jta jmul ta stojol Jehová te Dios awu'unic soc ta atojolic.

Proverbios 28:13

Te mach'a ya smuc smul, ma xp'ohl te bintic ay yu'un, yan te mach'a ya yal ta jamal smul soc ya yihquitay spasel, ya me sta c'uxultayel.

Oseas 14:2

Ich'a bahel c'opetic scuenta suhtesel-o'tanil, suhtan tal ta stojol Jehová soc hich xawalbe: Loq'uesa spisil bintic chopol, ich'a te bintic lec, ya ca'batcotic ta mahtanil te bin ya xloc' ta quecotic.

Joel 2:12

Yo'tic ini, xchi te Jehová, suhtanic tal ta jtojol soc spisil awo'tanic, suhtanic ta jtojol ta spisil awo'tanic, coma awe'elic, mela awo'tanic soc oc'anic.

Números 12:11

hich la yalbe te Moisés: ¡Awocoluc, tatic, ma xawac' cuchcotic te mulil ini, yu'un la jpascotic soc sohquemal jolcotic!

San Marcos 7:22

xbic'bon yo'tan, uts'inwanej, lo'loywanej, chijil-o'tanil, bic'tal-o'tanil, ixta'c'op, toybahil soc te ma sna' q'uinale.

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

San Juan 8:9

C'alal hich la ya'iyic, tuhlutuhl loq'uic bahel, ha nahil te mach'atic mamaliquix, patil te yantique. Stuquel xanix hil Jesús soc te ants teq'uel tey a.

Deuteronomio 32:6

¿Hich bal yac atojic a te Jehová, jsohquejol pueblohex te mayuc sp'ijil awo'tanic? ¿Ma bal ha'uc atat te la spasat? Ha la spasat soc la yac' ayinucat.

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

1 Juan 1:9

Yan teme ya caltic ta jamal te jmultique, Dios ya spasbotic perdón yu'un jmultic soc ya spocbotic loq'uel spisil bintic chopol, como stalel jun yo'tan soc toj yo'tan stuquel.

1 Samuel 13:13

Hich halbot yu'un te Samuel: Ma xana' te bin la apase. Te lajuc ach'uhumbe te mandar te la yalbat te Jehová te Dios awu'un, la yac' te stalel ayic ta ajwalil ta Israel te ats'umbal te hichuque.

1 Samuel 24:5

Patil la sna' te ma lecuc te bin la spas, como la set'be loq'uel jxeht' sti'il smuc'ul-c'u' te Saúl.

1 Samuel 24:6

Hich la yalbe te swinictac: Ha me ac'a scomon te Jehová te hich ya jpasbe te cajwal, te mach'a tsahbil yu'un Jehová. ¡Ma ba ya hach jc'ab ta scontrahinel, como ha tsahbil yu'un Jehová! xchi.

1 Samuel 26:21

Ha yu'un hich la yal te Saúl: Jtahoj jmul; suhtan tal, jnich'an David. Mayuc bin chopol xan ya jpasbat, como yo'tic bayel sc'oblal ta atojol te jcuxlejale. Sonsohon, bayel howiyemon, xchi.