2 Samuel 24:1 - Bible in Tzeltal Bachajón

¹ Te Jehová tihl xan yilimba ta stojol Israel. La shachbe yo'tan David ta scontrahinel Israel, hich la yal: Bahan, ahtaya te Israel soc Judá, xchi.

Bible in Tzeltal de Oxchuc y Tenejapa

¹ Te Cajwaltic cha'jajch' xan yilimba ta stojol te israeletique. La stijbey yo'tan David te yacuc yac' ta censo te israeletic soc te judioetique.

2 Samuel 24:1 ပူးပေါင်းရင်းမြစ်များ

Génesis 45:5

Ma me xamel awo'tanic soc ma me xawilintay abahic yu'un te la achononic tal li'i, como scuenta scoltayel scuxlejal ants-winiquetic te nahil la sticonon tal awu'unic te Diose.

Génesis 50:20

Te ha'exe la ac'anic te yac apasbonic te bin chopol, pero lec c'oht yu'un stuquel te Diose scuenta yu'un ya xc'oht ta pasel te bin ya quiltic ta ora ini, ha te ya xcuxajic tsobol ants-winiquetic a.

2 Samuel 12:11

Hich yaloj te Jehová: Tey nix ta mero ana ya cac' te ya xhahch awocol. Ta asit ni me ya quic'bat te antsetic awu'un, ya ca'be te mach'a ma yanuc parte awu'un, ha ya xway soc ta jamal ta c'ahc'alel.

2 Samuel 16:10

Pero la sjac' te ajwalil: ¿Bin cochelex a te ha'ex, yalatac Sarvia? Teme hich yac ta bohlc'optaywanej, yu'un hich halbot yu'un Jehová te ya sbohlc'optay te David. ¿Mach'a ya xhu' ya yalbe: Bin yu'un te hich yac apas? xchi.

2 Reyes 3:6

Hich te ajwalil Joram loc' hahchel ta Samaria, la yahtay spisil Israel.

1 Crónicas 21:1

Te Satanás hahch ta scontrahinel te Israel, la stijbe yo'tan te David te ya yahtay te Israel.

1 Crónicas 7:2

Te snich'nab Tola, ha te Uzi, Refaías, Jeriel, Jahmai, Jibsam soc Semuel. Ha jtsobawetic yu'un te jujuchahp sna sme'static. Te sts'umbal Tola la yich' ahtayel ta yorahil David, ay cha'pic soc lajunwinic shuclajunbahc' (22,600) winiquetic te ma xiwic ta guerra.

1 Crónicas 7:40

Spisilic ini ha sts'umbal Aser, ha tatiletic yu'un te jujuchahp sts'umbal, tsahbilic, ma xiwic, soc ha jtsobawetic yu'un príncipaletic. Te jaytuhl te ts'ihbabil hilel sbihilic te sts'umbalic ha oxpic soc ho'bahc' (26,000) winiquetic te ya xhu' yu'unic yaq'uel guerra.

2 Crónicas 32:25

Pero te Ezequías ma ha'uc la sna' te bin lec pasbot, la stoy sba, hich tal ilimba ta stojol soc ta stojol Judá soc Jerusalén.

Éxodo 7:3

Pero ya jtulantesbe yo'tan te faraón, soc ya cac' p'ohluc señahetic soc jchahp a'teliletic cu'un ta sq'uinal Egipto.

Ezequiel 14:9

Teme ay jalwanej te ya xlo'loyot soc ay bin ya yal, ho'on Jehovahon la jlo'loy te jalwaneje. Ya jach jc'ab ta scontrahinel soc ya jlajin ta yohlil te pueblo Israel cu'une.

Ezequiel 20:25

Ha yu'un la jc'abe yantic mandariletic te ma lecuc soc halbil mandariletic te ma xhu' ya sta scuxlejalic yu'une.

Levítico 10:6

Te Moisés hich la yalbe te Aarón soc te snich'nab, ha te Eleazar soc Itamar: Ma me xaloq'ues te smuhquil ajolic, soc ma me xach'i' ac'u'ic scuenta seña mel-o'tan, scuenta yu'un ma ba ya xchamex soc ma ba ya xtal ilimba ta stojol te pueblo. Yan te awermanotac, ta spisil sna Israel, ya xhu' ya smel yo'tanic stuquel yu'un te c'ahc' te la stihltes te Jehová.

Números 1:19

Hich te bin ut'il halbot yu'un Jehová, te Moisés la yahtaylan te israeletic ta jochol taquin q'uinal Sinaí.

Hechos 4:28

ta spasel te bin nahil chapal awu'un ta scuenta awu'el soc ta scuenta sc'anojel awo'tan te hich ya xc'oht ta pasel.

2 Tesalonicenses 2:11

Ha scuentahil te Dios la sticombe tal lo'loyel te ay yip, yu'un hich ya sch'uhunic a te lotiyel,

Jueces 2:14

Ha yu'un tihl yilimba Jehová ta stojol Israel, hich ac'otic ta sc'ab j'eleq'uetic te talic ta pojbeyel sbiluquic, soc chonticlanotic bahel ta stojol te scontrahic te ayic ta sjoyobal, te ma ba hu'ix yu'unic stsalele.

Jueces 2:20

Ha yu'un tihl yilimba Jehová ta stojol Israel, hich la yal: Te bin ut'il te pueblo ini yac sc'axuntaybel te c'op jchapoj soc te sme'static, soc te ma ba ya sch'uhumbonic te jc'ope,

1 Samuel 26:19

Awocoluc, cajwal, a'iybeya sc'op te a'bat awu'une. Teme ha te Jehová te la yac' te yac acontrahinon, ac'a stsac te mahtanile; yan teme ha winiquetic, jc'axel me bohlobenuc sc'oblalic ta stojol Jehová, como la stenoniquix loq'uel scuenta yu'un ma ba ya xc'ohtix ta jcuenta te bin ya ya'botic te Jehová, hich ya yalbonic: Bahan, ac'a aba ta a'batinel ta stojol yantic diosetic, xchihic.