2 Samuel 23:5 - Bible in Tzeltal Bachajón

⁵ Ha scuentahil te yich'oj yip ta stojol Dios te jna; Dios schapoj sc'op ta jtojol scuenta sbahtel q'uinal; chapal ta lec soc canantaybil, aunque ma to la yac' nichinuc spisil te jcolel soc te bin ya sc'an co'tan.

Bible in Tzeltal de Oxchuc y Tenejapa

⁵ Ja' yu'un te patil alnich'anetic cu'un jc'axel ainemiquix ta stojol Dios; ay bi mero xchapoj ta jtojol te ma xlaj sc'oplal sbajt'el q'uinal. Ja' ts'acal ya yac'on ta tsalaw; ts'acal ya yac' c'otuc ta pasel spisil te bitic ya jc'ane.

2 Samuel 23:5 ပူးပေါင်းရင်းမြစ်များ

Génesis 9:16

C'alal ya xchicnaj te xojob ta yohlil te tocal, ya me quil soc ya me jna' te chapbil-c'op te ma xlaj sc'oblal ta stojol Dios soc ta stojol spisil bintic cuxajtic ta bahlumilal, xchi.

2 Samuel 12:10

Ha yu'un mayuc bin ora ya yihquitayat te espada ta ana, como la ap'ajon soc la awic' awihnamin te yihnam Urías te heteo-winique.

2 Samuel 13:14

Te Amnón ma ba la yich' ta cuenta. Te bin ut'il c'ax hich ay yip a, la stsac ta tulan, way soc.

2 Samuel 13:28

Te Absalón hich la yalbe te a'batetic yu'un: Ya me awilic ta lec te Amnón te c'alal yacubenix yu'un vino a. Te c'alal hich ya cal: Milahic te Amnón, teme xchihone, ya me amilic. Ma me xiwex, como ho'on jmandar. Ac'a fuersa, ayuc me yip awo'tanic ta spasel, xchi.

2 Samuel 18:14

La sjac' te Joab: Ma ba ya jc'ases tiempo cu'un ta atojol a, xchi. Hich te Joab la stsac oxeb te' te ay sni'il, la slowticlambe yo'tan a te Absalón, te cuxul to jipil ta jihte'.

2 Samuel 7:12

Te c'alal ya xc'oht aworahil te ya xchamat, ho'on ya jachbat jtuhl ta ats'umbal ta patil, ha te ya xloc' tal ta mero ats'umbal, ya ca'be yich' yip te ya'tel ta ajwalil.

2 Samuel 7:18

Ha yu'un te ajwalil David och bahel ta stojol Jehová, hich la yal: Cajwal Jehová, ¿mach'ahon a, soc mach'a a te mach'atic ay cu'un, te li' c'alali la awic'on tal?

1 Reyes 1:5

Te Adonías yal Haguit, hich la yal: Ho'on ya x'ochon ta ajwalil, xchi. Ha yu'un la schahpan carretahetic, winiquetic te ya xmohic ta cawu, soc lajuneb yoxwinic (50) ta tuhl winiquetic te ya x'ahnimajic bahel ta stojol.

1 Reyes 11:38

Teme yac awa'iy spisil te bin ya calbat ta mandar soc teme ya xbehenat ta be cu'un, teme yac apas te bin toj ta jtojol, te yac ach'uhun te mandariletic soc te bin caloj ta mandar, hich te bin ut'il la spas te ca'bat David, ho'on ya joquinat soc ya cac' te ya yich' yip te ats'umbal, hich te bin ut'il la jpasbe te sts'umbal David. Ya ca'bat te Israel,

1 Reyes 12:14

ha la yal te bin halbot yu'un te jcolel winiquetic; hich la yalbe: Te jtat la ya'beyex al ihcatsil, ho'on ya jtohytesbeyex xan yalal. Te jtat la smajex ta xul, ho'on ya ca'beyex castigo ta tsec, xchi.

Salmos 111:9

Dios la yac' te ya xcol ta libre te pueblo yu'un; la yac' te sbahtel q'uinal ay te chapbil-c'op yu'une. ¡Ch'ultesbil soc xiweltic sba te sbihile!

Salmos 119:81

Lajelonix ya ca'iy ta smahliyel te colel awu'un, pero ha smuc'ulinej co'tan te ac'ope.

Salmos 27:4

Junax te bin jc'ambeyej te Jehová, te ha ya jle: ha te ya x'ayinon ta sna Jehová te jayeb c'ahc'al cuxulon, yu'un ya quilbe st'ujbilal te Jehová soc yu'un ya jle ta Templo yu'un.

Salmos 62:2

Ha nax stuquel te muc'ul ton soc te colel cu'une; ha ahnibal cu'un, ma ba ya xyahlonix.

Salmos 89:3

La awal: La jchahp c'op soc mach'a tsahbil cu'un, hich jamal la jcalbe te David te a'bat cu'un:

Isaías 11:1

Ya xloc' tal spuhl ta schumante'el Isaí; ta slohp' ya xt'ohm loq'uel tal spuhl te ya yac' sit.

Isaías 27:6

Ya sta yorahil te ya xloc' slohp' te Jacob, ya xpuhlin soc ya xnichin te Israel, ya xnoj te bahlumilal yu'un te site.

Isaías 4:2

Ta hich ora te spuhl te Jehová ha t'ujbil soc ay yutsilal ya xc'oht, soc te sit ya yac' te lumq'uinal ha toybeyel sc'oblal soc ich'el ta muc' ya xc'oht yu'un te mach'atic hilemic ta Israel.

Isaías 54:10

Aunque ya sjel yawil te witsiltic, soc te ya xnihc te tsehletic, ma ba ya yihquitayat te sc'uxul co'tan, soc ma ba ya xjihn te chapbil c'op cu'un scuenta lamal-o'tanil, xchi te Jehová te ya sna'bat yo'bolil aba.

Isaías 55:3

Jama achiquin, la'ic ta jtojol; a'iya awa'iyic yu'un hich ya xcuxaj ach'uhlelic a. Ya jpas chapbil c'op ta atojolic te sbahtel q'uinal ay, ha te sc'uxul co'tan ta stojol David te stalel ay.

Isaías 61:8

Como ho'on, Jehovahon, c'ux ta co'tan te bin stojil ta pasel, ha ya quihlay te elec' soc te bin chopol ta pasele. Ha yu'un smelelil ya ca'be stojol sc'abic soc ya jchap c'op soc ta scuenta sbahtel q'uinal.

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

Jeremías 32:40

Ya jpas chapbil-c'op soc te sbahtel q'uinal ya xhalaj: Ha te ma ba ya xquehchajon ta spasbeyel te bintic lec, soc ya cac' te ya yich'onic ta muc' scuenta yu'un mayuc bin ora ya yihquitayonic.

Jeremías 33:21

hich ya xhu' slajimbeyel sc'oblal te chapbil-c'op cu'un soc te ca'bat David, te mayuc snich'an te ya xhuhcaj ta shuctajib, soc ha nix hich te chapbil-c'op soc te sacerdotehetic soc te sts'umbal Leví te ya x'a'tejic ta jtojol.

Ezequiel 37:26

Ya jpas chapbil-c'op scuenta lamal q'uinal ta stojolic; ha chapbil-c'op sbahtel q'uinal ta stojolic. Ya ca'be yich' yipic soc ya cac' te ya xp'ohlic, soc ya cac' ta yohlilic te ch'ul awilal cu'un sbahtel q'uinal.

Amós 9:11

Ta hich ora ya jcha'hach te snahilpac' David te yahleme. Ya jmacbe te banti jamajtic, ya jcha'pas xan banti jihnem, hich ya jcha'pas xan te bin ut'il ta nahil to,

Hechos 13:34

Soc te bin ut'il cha'cuxajtesot tal ta yohlil te mach'atic chamenic scuenta yu'un mayuc bin ora ya xc'a' sbaq'uetal, hich la yal: Ya ca'beyex te ch'ul bendicionetic te halbil ya x'a'bot David, te xchihe.

Hebreos 13:20

Te Dios yu'un lamal q'uinal, te ta scuenta te sch'ich'el te yach'il chapbil-c'op la scha'cuxajtes tal ta lajel te Cajwaltic Jesucristo, te muc'ul Jcanantaywanej yu'un te tuminchijetic,

Hebreos 6:19

Te smuc'ul-o'tanil ini ha ancla c'ohem yu'un te jch'uhleltic, te stalel ay soc ma syuc' sba, te ya x'och bahel c'alal ta yutil te stsalul pac' ta templo,

1 Samuel 2:35

Ya cotses yan sacerdote te jun yo'tan ta jtojol, te ya spas te bin ya sc'an co'tan. Ya cac' ya xhalaj te sts'umbal, soc ya me x'a'tej spisil ora ta stojol te mach'a tsahbil cu'une.

1 Samuel 25:28

Awocoluc pasbeya perdón te a'bat awu'un te bin chopol ini. Jehová ya me ya'be yip te sna te cajwal, yu'un yacat ta spasel te guerra yu'un Jehová, soc ma me ayuc bin chopol ya stahat te jayeb c'ahc'al cuxulat.