2 Samuel 23:4 - Bible in Tzeltal Bachajón

⁴ hich ay te bin ut'il sacal q'uinal ta sab, hich te bin ut'il ya xloc' tal c'ahc'al ta sab c'alal mayuc tocal, hich te bin ut'il ya xcol te ha'mal ta lum c'alal ya xc'ax te ha'ale, xchi.

Bible in Tzeltal de Oxchuc y Tenejapa

⁴ jich me te bit'il yac ta t'osel q'uinal c'alal ya sacube, jich me te bit'il xojobil te c'aale te ma'yuc tocal ta sabe, te ya yac' muc'ubuc te ch'in wamaletique c'alal ya xc'ax te ja'ale’, xi'.

2 Samuel 23:4 ပူးပေါင်းရင်းမြစ်များ

Salmos 110:3

Te pueblo awu'un jun yo'tan ya yac' sba ta acuenta te bin c'ahc'alil yac awa'iy cuentahinwanej, ta scuenta ch'ultesel te ha t'ujbil. C'alal ta shahchibal te sacubel q'uinal yac awich' te sts'ujulel te aqueremil.

Salmos 72:6

Te ajwalil hich me ya xc'oht te bin ut'il ha'al ta sba bojbil ha'mal, hich te bin ut'il ts'ujul te ya xyahl ta sba te lumq'uinal.

Salmos 89:36

Stalel ya xhil te sts'umbal soc hich ya xhalaj te shuctajib ta jtojol te bin ut'il ya xhalaj te c'ahc'ale;

Proverbios 4:18

Te be yu'un te mach'atic toj yo'tanic hich ay te bin ut'il ya xhahch ta sacubel te q'uinal, te behbe ya sacub ha to c'alal ts'acal sacubix te q'uinale.

Isaías 18:4

Como hich la yalbon te Jehová: Lamal q'uinal ya ca'iy a ya quil bahel c'alal ta banti nahinemon, hich te bin ut'il sq'uixinal te sjahts' c'ahc'al te c'alal c'axix a te ha'ale, hich te bin ut'il sts'ujulel tocal te c'alal c'ux c'ahc'al ta yorahil stsobel sit te awal-ts'unubile.

Isaías 4:2

Ta hich ora te spuhl te Jehová ha t'ujbil soc ay yutsilal ya xc'oht, soc te sit ya yac' te lumq'uinal ha toybeyel sc'oblal soc ich'el ta muc' ya xc'oht yu'un te mach'atic hilemic ta Israel.

Isaías 60:1

Hahchan, tihlan, como talix te sacal q'uinal awu'un, soc te yutsilal Jehová hulix ta atojol.

Isaías 60:3

Ya xbehenic tal nacionetic ta stojol te sacal q'uinal awu'un, soc ajwaliletic ta banti yac ta tihlel te sacuben q'uinal awu'une.

Oseas 6:3

Ac'a jna'betic sba te Jehová; ya xtal ta jtojoltic hich smelelil te bin ut'il ya xloc' tal te c'ahc'ale; ya xtal ta jtojoltic hich te bin ut'il te ha'ale, hich te bin ut'il te ha'al ta yorahil sit soc ta yorahil shahchel snahtil c'ahc'al te ya yahts'es te q'uinale.

Oseas 6:5

Ha scuentahil te la jset'ticlan ta scuenta te jalwanejetic, la jmilticlan ta scuenta te jc'ope, te castigo ya ca'be hich ya xtihl tal te bin ut'il sacal q'uinal.

Miqueas 5:7

Te mach'atic hilemic yu'un Jacob hich ya xc'ohtic ta yohlil bayel pueblohetic te bin ut'il te ts'ujul yu'un Jehová, hich te bin ut'il ha'al ta sba te ha'maletic, te ma ba ya yich' ta cuenta te winic, ma ba ya smahliy te ants-winiquetique.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

San Juan 1:7

Ha tal ta testigohil yu'un ya yalbe sc'oblal te sacal q'uinal, scuenta yu'un hich ya sch'uhunic spisil ants-winiquetic a.

Deuteronomio 32:2

Te snopojibal cu'un ya me xt'uhlaj cohel hich te bin ut'il ha'al, te c'opetic cu'un ya me xco tal hich te bin ut'il ts'ujul, hich te bin ut'il c'unil ha'al te ya xco tal ta sba te ac, hich te bin ut'il ha' te xt'ulajan ya xc'oht ta sba te ha'male.

Jueces 5:31

Hich me ac'a lajuc spisil acontratac, Jehová; yan te mach'atic c'uxat ta yo'tanic, hichuc me te bin ut'il te c'ahc'al c'alal ya xloc' tal soc yip, xchihic ta c'ayoj. Cha'winic (40) ha'bil lamal te q'uinale.