2 Samuel 23:3 - Bible in Tzeltal Bachajón

³ Te Dios yu'un Israel c'opojix; hich la yalbon te Muc'ul Ton yu'un Israel: Te mach'a stojil ya scuentahin te ants-winiquetic, te ya xcuentahinwan ta scuenta xi'el te Diose,

Bible in Tzeltal de Oxchuc y Tenejapa

³ Te Dios yu'un Israel c'opojix, te Jcanantaywanej yu'un Israel jich yalojbon: ‘Ja' te mach'a mero stojil ya swentain te ants-winiquetique, ja' te mach'a yich'oj ta muc' Dios te ya x'at'ej ta muc' ajwalil,

2 Samuel 23:3 ပူးပေါင်းရင်းမြစ်များ

Génesis 33:20

La spasbe scajtajib ta chiq'uel mahtanil tey a, la ya'be sbihilin El-Elohe-Israel.

2 Samuel 22:32

Como ¿mach'a a te ha Dios, ma bal ha'uc nax te Jehová? ¿Soc mach'a a te ha muc'ul ton; ma bal ha'uc te Dios cu'untique?

2 Samuel 8:15

Te David ay ta ajwalil ta stojol spisil Israel; la spas te bin toj soc te bin lec ta stojol spisil te pueblo.

1 Reyes 10:9

Bayel yutsilal te Jehová, te Dios awu'un, te lec yo'tan awu'un soc te la yac'at ta huctajibal yu'un Israel. Te Jehová, stalel c'ux ta yo'tan te Israel, soc la yotsesat ta ajwalil scuenta yu'un yac apas te bin stojil ta pasel soc ta chahpanwanej, xchi.

Nehemías 5:14

Te c'alal bin ora la yotseson ta gobernador ta sq'uinal Judá te ajwalil, ha ta jtahb (20) ha'bil yochel ta ajwalil a te Artajerjes, ha to c'alal ta lahchayeb scha'winic (32) ha'bil, ha lahchayeb (12) ha'bil ta spisil, te ho'on o te quermanotac ma ba la jwe'becotic te pan yu'un te gobernador.

Job 34:17

¿Ya bal ya'iy cuentahinwanej te mach'a ya sp'aj te bin toj? ¿Ya bal awalbe smul te Mach'a toj soc te ay yu'el,

Salmos 110:2

Te Jehová ya me yac' hahchel bahel ta Sión te bastón awu'un te ay yip. ¡Ya me awa'iy cuentahinwanej ta stojol te acontrataque!

Salmos 42:9

Hich ya calbe te Diose: Muc'ul tonat cu'un, ¿bin yu'un la ach'ayonix ta awo'tan? ¿Bin yu'un ayon ta mel-o'tan ta scaj te uts'inel yu'un te jcontra? xchihon.

Salmos 72:1

Dios cu'un, a'beya te ajwalil te stojil chahpanel awu'un, a'beya te snich'an ajwalil te bin stojil ay ta pasel awu'une.

Salmos 72:2

Ya me schahpambat ta stojil te pueblo awu'un, stojiluc me ya schahpan te mach'atic awu'un te ay swocolique.

Éxodo 18:21

Soc tsaha winiquetic ta yohlil te pueblo te toj yo'tanic, te xi'ojic te Diose, ha winiquetic te smelelil ya xc'opojic, te ya yihlayic te bin ma stojiluc ta tahel; a'beya ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50) soc yu'un lajuntuhl (10).

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Éxodo 3:15

Soc Dios hich la yalbe xan te Moisés: Hich me xawalbe te snich'nab Israel: Te Jehová te Dios yu'un ame'atatic, te Dios yu'un Abraham, Isaac, soc Jacob la sticonon tal ta atojolic, xchihan me. Ha me jbihil scuenta sbahtel q'uinal; hich ya xna'boton jba sbahtel q'uinal.

Proverbios 31:9

C'opojan, chahpana ta stojil; coltaya te pobre soc te mach'a mayuc bin ay yu'un.

Isaías 32:1

Ilawil, ay jtuhl ajwalil te toj ya xcuentahinwan soc príncipaletic te toj ya xchahpanwanic.

Jeremías 23:5

Ya me xtal sc'ahc'alel, xchi te Jehová, te ya jchicnajtes jtuhl spuhl te David te toj yo'tan, ha ya x'och ta ajwalil, ya scuentahin soc sp'ijil yo'tan, soc toj me ya ya'iy chahpanwanej soc ya spas te bin toj ta pasel ta q'uinal.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

Deuteronomio 32:4

Ha Muc'ul Ton stuquel, c'ax lec te ya'tel, como toj spisil te behetic yu'une. Ha Dios te stalel jun yo'tan soc mayuc schopolil; ha toj soc lec stuquel.

Hebreos 1:8

Pero hich ya yalbe sc'oblal te Nich'anil: Dios, te muc'ul-huctajibal awu'un sbahtel q'uinal ay. Te bastón yu'un te cuentahinel awu'un, ha bastón yu'un bintic toj ta pasel.