2 Samuel 22:44 - Bible in Tzeltal Bachajón

⁴⁴ La acoltayon loq'uel ta utamba yu'un te pueblo cu'un, la acanantayon scuenta jolal c'ohon yu'un nacionetic; te pueblo te ma ba la jna'be sba la jca'batin.

Bible in Tzeltal de Oxchuc y Tenejapa

⁴⁴ La acoltayon loq'uel ta c'opetic yu'un te toyba lume; la awac'on ta jwentainwanej yu'un bayal ta chajp nación; ya yac' sbaic ta abatinel ta jtojol te mach'atic te ma jna'bey sbae.

2 Samuel 22:44 ပူးပေါင်းရင်းမြစ်များ

2 Samuel 19:14

Hich junax c'oht yo'tanic te winiquetic yu'un Judá, hich te bin ut'il jtuhl winic, yu'un ya sticonic ta halbeyel te ajwalil: Suhtan tal soc spisil te a'batetic awu'un, xchihic.

2 Samuel 19:9

Spisil ta chahp sts'umbal Israel yacalic ta stijel sbahic ta c'op, hich yac yalbelic: Te ajwalil la scoltayotic loq'uel ta sc'ab te jcontratic, la scoltayotic loq'uel ta sc'ab te filisteohetic; pero ta scaj te Absalón loq'uemix bahel ta ahnel ta sq'uinal.

2 Samuel 20:22

Hich te ants la sc'opon spisil te pueblo soc sp'ijil yo'tan, hich la xot'beyic sjol te Seba snich'an Bicri, la sch'ojbeyic cohel ta stojol Joab. Ha yu'un te Joab la yoq'uesin xulubil, hich la yihquitayic te pueblo, jujutuhl bahtic ta snahilpaq'uic. Te Joab suht bahel ta Jerusalén ta stojol te ajwalil.

2 Samuel 3:1

Halaj te guerra te la ya'be sbahic te jchahp yu'un Saúl soc te chahp yu'un David; pero te David behbe yich'bel yip, yan te jchahp yu'un Saúl behbe yac ta pehc'ajel yip stuquel.

2 Samuel 5:1

Spisil ta chahp yu'un Israel talic ta stojol David ta Hebrón, hich la yalbeyic: Ilawil, junax jbaquel soc jbaq'uetaltic.

Salmos 110:6

Ya me yich' ta c'op ta yohlil te nacionetic, ya me snojeslan ta chamen baq'uetetic; ya me swuybe sjolic ta swohlol bahlumilal.

Salmos 18:43

La awac'on ta libre yu'un te tsaltamba c'op yu'un te pueblo; la awac'on ta jolal yu'un te nacionetic; la yac' sbahic ta a'batinel cu'un te ants-winiquetic te ma ba la jna'be sba.

Salmos 2:8

C'ambon, hich ya ca'bat awu'untay te nacionetic, awu'un ya xc'oht c'alal ta sti'il te bahlumilale.

Isaías 55:4

Ilawil, la jcac' te ha testigo ya xc'oht ta stojol te pueblohetic, ha jtsobaw soc jp'ijubteswanej ta stojol te nacionetique.

Isaías 55:5

Ya me awic' tal nacionetic te ma na'biluc awu'un, soc pueblohetic te ma sna'bat aba, ahnimal ya xtalic ta atojol, ta scaj te Jehová, te Dios awu'un, te Ch'ul Dios yu'un Israel, te la yac'at ta ich'el ta muc'.

Isaías 60:12

Como te nación o te ban c'alal cuentahimbil te ma ba ya yac' sba ta a'batinel awu'un ya me xch'ay bahel; spisil ya yich' jinel ta jc'axel.

Isaías 65:1

Hich ya yal te Jehová: La jcac' jba ta lehel yu'un te mach'atic ma ba yac sjoc'obelonic, ha la stahonic te mach'atic ma ba la slehonic. Hich la jcalbe te nación te ma ba la sc'opononic ta jbihil: Li' ayoni, li' ayoni, xchihon.

Daniel 7:14

A'bot ya'tel ta cuentahinwanej, a'bot yutsilal soc te banti ya xcuentahinwan, scuenta yu'un spisil pueblohetic, nacionetic soc c'opiletic ya yac' sbahic ta a'batinel yu'un; sbahtel q'uinal te ya'tel ta cuentahinwanej, mayuc bin ora ya xc'ax bahel; soc te banti ya xcuentahinwan mayuc bin ora ya yich' jinel.

Oseas 2:23

Ya jts'un ta q'uinal yu'un cu'un ya xc'oht; ya jna'be yo'bolil sba te Lo-ruhama, hich ya calbe te Lo-ami: Ha'at pueblohat cu'un, xchihon, soc hich ya yalbon: Ha'at Diosat cu'un, xchi.

Romanos 15:12

Soc hich ya yal te Isaías: Ya me xcha'col te slohp' Isaí, ha te mach'a ya xhahch scuentahin te jyanlumetic; ha me ya smuc'ulin yo'tanic te nacionetique, xchi.

Romanos 9:25

Como hich nix ya yal ta Oseas: Ya me calbe te ha pueblo cu'un te mach'atic ma pueblohuc cu'un a; soc ya calbe te ha c'uxultaybilix te mach'atic ma ba c'uxultaybilic cu'une.

Deuteronomio 28:13

Te Jehová ya me yac'at ta jolal, ma ba c'ax peq'uel ya yac'at; ha'at toyol ya xc'ohat yu'un te yantic, ma ba peq'uel ya xc'ohat yu'unic, teme yac ach'uhumbe te mandariletic yu'un te Jehová te Dios awu'un, te yac jpasbelat ta mandar ta ora ini, yu'un yac ach'uhun spasel,

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.