2 Samuel 22:3 - Bible in Tzeltal Bachajón

³ ha Dios cu'un, ha muc'ul ton cu'un ta banti ya jnac' jba; ha jmahquil soc ha yip te jcolele, ha toyol ahnibal cu'un soc jcoltaywanej cu'un, la acoltayon ta uts'inel.

Bible in Tzeltal de Oxchuc y Tenejapa

³ Diosat cu'un, ja'at nac'jibal tonat, ja' majq'uilat Cajwal, ya acoltayon ta awu'el. Mero toyol nac'jibalat cu'un, mero toyol anjibalat, Jcoltaywanejat cu'un atuquel. La acoltayon, ma ba c'ot ta jwenta te tulan uts'inele.

2 Samuel 22:3 ပူးပေါင်းရင်းမြစ်များ

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

2 Samuel 22:31

Te Dios, lec te be yu'une; ay yutsil te sc'op te Jehová. Ha smahquil ta stojol spisil mach'atic ya yac' sbahic ta scuenta.

2 Samuel 22:47

¡Cuxul te Jehová, bayel yutsil te muc'ul ton cu'un! Muc'uc sc'oblal te Dios te Jcoltaywanej cu'un.

2 Samuel 22:49

Ha te ya yac'on ta libre yu'un jcontratac, ya stoybon jc'oblal ta stojol te mach'atic ya xhahch scontrahinon, yac acoltayon ta stojol j'uts'inwanej.

2 Samuel 22:51

Ha ya scoltay ta tsalaw te ajwalil yu'un; ya ya'be yil sc'uxul yo'tan te mach'a tsahbil yu'un, ha te David soc te sts'umbal ta sbahtel q'uinal, xchi ta c'ayoj.

2 Samuel 23:3

Te Dios yu'un Israel c'opojix; hich la yalbon te Muc'ul Ton yu'un Israel: Te mach'a stojil ya scuentahin te ants-winiquetic, te ya xcuentahinwan ta scuenta xi'el te Diose,

Salmos 14:6

Ya slabanic te bin schapojic te pobrehetic, pero ha ahnibal yu'unic te Jehová.

Salmos 140:1

Ac'awon ta libre, Jehová, ta stojol te mach'a chopol; canantayawon ta stojol te j'uts'inwanejetic

Salmos 140:11

Ma me xhalaj ta q'uinal te mach'a chopol ya xc'opoj; ac'a yich' nutsel yu'un te bin chopol te mach'a ya x'uts'inwan.

Salmos 140:4

Canantayawon, Jehová, te ma x'ochon ta sc'ab te mach'a chopol; canantayawon ta stojol te j'uts'inwanejetic te schapojic te ya syahltesonique.

Salmos 142:4

Tsahtaya awil ta swa'el jc'ab, mayuc mach'a ya sc'an ya sna' bin ut'il ayon. Mayuc banti ya xhu' ya jnac' jba, mayuc mach'a ya scanantaybon jcuxlejal.

Salmos 144:2

Ha jc'uxultaywanej soc toyol ts'ahc cu'un, ha ahnibal soc j'ac'aw ta libre cu'un, ha mahquilal cu'un te smuc'ulinej co'tan, ha te ya ya'bon ta ye'tal coc te pueblohetique.

Salmos 18:2

Te Jehová ha muc'ul ton cu'un soc ahnibal cu'un, ha j'ac'aw ta libre cu'un; ha Dios cu'un, ha toyol ch'entiquil cu'un te banti ya jnac' jba; ha jmahquil soc yip te colel cu'un, ha toyol ahnibal cu'un.

Salmos 27:5

Ya me snac'on ta Nahilpac' Templo yu'un ta yorahil wocol; ya me yac'on ta mero yutil te sna; toyol me ya yac'on ta sba muc'ul ton.

Salmos 28:7

Ha quip soc jmahquil te Jehová; ha smuc'ulinej co'tan, hich la jquich' coltayel, ha yu'un te tse'el co'tan. Ya calbe wocol ta c'ayoj.

Salmos 3:3

Pero ha'at, Jehová, jmahquilalat ta joyobal, ha cutsilalat soc ha'at yac ahachbon te jole.

Salmos 32:7

Ha'at ahnibalat cu'un; yac acanantayon ta jwocol soc yac ajoytayon ta c'ayojetic yu'un aq'uel ta libre. Selah

Salmos 46:1

Te Diose ha ahnibal cu'untic soc ha quiptic, ha ya scoltayotic ta ora te c'alal ay jwocoltic.

Salmos 46:11

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Salmos 46:2

Ha yu'un ma ba ya xiwotic, aunque ya xyanij yawil te lumq'uinal, aunque ya xmuhl ta mar te witsetique,

Salmos 46:7

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Salmos 5:12

Ha'at, Jehová, yac awa'be bendición te mach'a toj yo'tan; hich te bin ut'il mahquilal yac ajoytay a ta yutsil awo'tan ta stojol.

Salmos 55:9

Lajinlana, Jehová, te mach'atic chopolic, yanijtesbeya te sc'opique, yu'un ya quil uts'inel soc hahch c'op ta pueblo.

Salmos 59:16

Pero te ho'one ya jc'ayojtaybat awu'el, ta sab ya calbe yutsil sc'oblal te sc'uxul awo'tan; como ha'at jcanantaywanejat cu'un, ha'at ahnibalat cu'un te c'alal ayon ta wocol.

Salmos 61:3

Como ha'at ahnibalat cu'un, ha toyol ts'ahcat ta stojol te contrahe.

Salmos 71:7

Tsobol mach'atic xcham yo'tanic ta jcuenta, pero ha'at tulan ahnibalat cu'un.

Salmos 72:14

Ya me scoltaylan ta wocol soc ta uts'inel, como bayel sc'oblal ta yo'tan te scuxlejalique.

Salmos 84:11

Como ha c'ahc'al soc mahquilal te Jehová Dios; ha ya yac' yutsil-o'tanil soc utsilal. Ma ba ya sloq'uesbe te bin lec te mach'atic mayuc bin smulinejic.

Salmos 84:9

Ilawil, Dios cu'untic, mahquilalat cu'uncotic, ilbeya sit yelaw te mach'a tsahbil awu'une.

Salmos 86:14

Dios cu'un, la scontrahinonic te jtoybahetic; la slehbonic jcuxlejal jchahp j'uts'inwanejetic, ma ba la yich'at ta cuenta.

Salmos 9:10

Ha ya smuc'ulinat yo'tanic te mach'atic ya sna'bat abihil, como ha'at, Jehová, ma ba la awihquitay te mach'atic ya slehate.

Salmos 9:9

Te Jehová ha ahnibal yu'un te pobre, ha ahnibal ta yorahil wocol.

Éxodo 15:2

Te Jehová ha quip soc ha c'ayoj cu'un, ha jcolel c'ohemix. Ha te Dios cu'un, ya calbe bayel yutsil sc'oblal; ha te Dios yu'un te jtat, ya calbe muc' sc'oblal.

Proverbios 18:10

Ha toyol ts'ahc te sbihil te Jehová; tey ya x'ahnimaj bahel a te mach'a toj yo'tan soc hich ya xcol.

Proverbios 30:5

Ha melel spisil te sc'op te Diose; ha mahquilal yu'un te mach'atic ya snac' sbahic ta stojol.

Isaías 12:2

Ha jcoltaywanej te Diose; ha smuc'ulinej co'tan, ma xiwon; como ha ahnibal cu'un soc ha c'ayojil cu'un te Jehová, ha jcoltaywanej cu'un, xchihex.

Isaías 32:2

Ta jujutuhl hich ya xc'oht te bin ut'il ahnibal yu'un te tulan ic' te ya smac te tulan yic'al ha'al; hich te bin ut'il be-ha'etic ta taquin q'uinal, hich te bin ut'il yaxinal muc'ul ton ta q'uixin q'uinal.

Isaías 45:21

C'opojanic, ac'a ta ilel pruebahetic, ac'a snopic ta comon. ¿Mach'a la yal ini c'alal ta shahchibal? ¿Mach'a la yalbe sc'oblal ta namey? ¿Ma bal ho'ucon, Jehovahon? Mayuc yan Dios ta jtojol, ha Dios te toj soc te ya xcoltaywan, mayuc yan ta jtojol.

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Jeremías 16:9

Como hich yaloj te Jehová te scuentahinej spisil, te Dios yu'un Israel: Ya cac' te ya xquehchaj ta lugar ini, ta atojolic soc ta yorahil awu'unic, te sc'op tse'el-o'tanil soc yutsil q'uinal, soc te sc'op mach'atic slecolinej sbahique.

San Lucas 1:47

soc te espíritu cu'un bayel yutsil ya ya'iy ta stojol Dios te Jcoltaywanej cu'une,

San Lucas 1:69

Ta sts'umbal David te a'bat yu'un la schicnajtesbotic jtuhl Jcoltaywanej te bayel yu'el,

San Lucas 1:71

ya scoltayotic loq'uel ta sc'ab te jcontratic, soc ta sc'ab te mach'atic ya yil-o'tantayotic;

Deuteronomio 32:37

Hich ya yal: ¿Banti ay te diosetic yu'unic, te muc'ul ton te banti la snac' sbahic,

Deuteronomio 32:4

Ha Muc'ul Ton stuquel, c'ax lec te ya'tel, como toj spisil te behetic yu'une. Ha Dios te stalel jun yo'tan soc mayuc schopolil; ha toj soc lec stuquel.

Deuteronomio 33:29

¡Bayel me awutsil, ha'at Israel! ¿Mach'a pajalat soc, ha'at pueblohat te coltaybilat yu'un Jehová? Te Dios ha amahquil te ya xcoltaywan, ha espada te yac awa'iy tsalaw yu'un. Hich peq'uel ya xc'oht te acontratac, ha'at yac atec'be te toyol q'uinal yu'unic, xchi te Moisés.

Tito 3:4

Pero te c'alal chicnaj te lec yo'tan soc te sc'uxul yo'tan Dios, te Jcoltaywanej cu'untic, ta stojol spisil ants-winiquetic,

Tito 3:6

Te Dios bayel la smal ta jtojoltic te Ch'ul Espíritu ta scuenta Jesucristo, te Jcoltaywanej cu'untic,

Hebreos 2:13

Soc hich la yal xan: Ya cac' smuc'ulin co'tan te Diose, xchi. Soc hich la yal xan: Li' ayon soc te al-nich'anetic la ya'bon te Diose, xchi.

1 Samuel 2:1

Te Ana la sc'opon Dios, hich la yal: Mero tse'el co'tan ta stojol Jehová, ya quich' xan quip ta scuenta Jehová; ta que ya jtse'lay te jcontratac, como tse'el co'tan yu'un te la acoltayon.

1 Samuel 2:2

Mayuc mach'a yan hich ch'ul Dios a te bin ut'il Jehová, mayuc yan, ha'at nax atuquel; mayuc yan ahnibal hich te bin ut'il te Dios cu'untique.