2 Samuel 22:29 - Bible in Tzeltal Bachajón

²⁹ Ha'at tsumbil c'ahc'at cu'un, Jehová; ha Dios cu'un te ya sacubtesbon te yihc'al q'uinal.

Bible in Tzeltal de Oxchuc y Tenejapa

²⁹ Ja'at saquil q'uinalat cu'un, Cajwal; ja'at Dios cu'un ya awac' sacubuc q'uinal ta ba ayon ta yijc'al q'uinal.

2 Samuel 22:29 ပူးပေါင်းရင်းမြစ်များ

2 Samuel 21:17

Pero te Abisai yal Sarvia c'oht ta coltayel yu'un, la yehchentes te filisteo, la smil. Ha yu'un te winiquetic yu'un David hich la yalbeyic ta jamal: Ma me ayuc bin ora yac ajoquinotcotiquix ta guerra, scuenta yu'un ma ba yac atup' te tsumbil c'ahc' ta Israel, xchi.

1 Reyes 11:36

Jchahp nax ya ca'be te snich'an, scuenta yu'un spisil ora ay tsumbil c'ahc' yu'un te ca'bat David ta jtojol ta Jerusalén, te pueblo te tsahbil cu'un te banti ya cac' te jbihile.

Job 29:3

te c'alal bin ora la yac' te sts'anabul ta jol, soc ta scuenta te sacal q'uinal yu'un behenon ta yihc'al q'uinal!

Salmos 112:4

Ta yohlil ihc' q'uinal ya xtihl sacal q'uinal ta stojol te mach'atic toj yo'tanic; ha te mach'atic t'ujbil yo'tanic, te ya sna'ic c'uxultaywanej soc te toj bin ya spasique.

Salmos 18:28

Ha'at yac awac' tihluc te c'ahc' cu'un; te Jehová te Dios cu'un ya sacubtesbon te yihc'al q'uinal cu'une.

Salmos 27:1

Ha sacal q'uinal cu'un soc ha jcolel te Jehová, ¿mach'a ya jxi'? Te Jehová ha ahnibal yu'un te jcuxlejal, ¿mach'a a te ya ya'bon xiwel?

Salmos 4:6

Tsobolic hich ya yalic: ¿Mach'a ya xhu' ya ya'botic quiltic te bin leque? xchihic. Jehová, ac'a tihluc ta jtojolcotic te sacal q'uinal yu'un asit awelaw.

Salmos 84:11

Como ha c'ahc'al soc mahquilal te Jehová Dios; ha ya yac' yutsil-o'tanil soc utsilal. Ma ba ya sloq'uesbe te bin lec te mach'atic mayuc bin smulinejic.

Salmos 97:11

Ya xtihl sacal q'uinal ta stojol te mach'a toj yo'tan, soc ay tse'el-o'tanil ta stojol te mach'atic lec yo'tanic.

Isaías 50:10

¿Mach'a ay ta awohlilic te ya xi' te Jehová soc te ya sch'uhumbe sc'op te ya'bate? Te mach'a yac ta behel ta yihc'al q'uinal, te mayuc sacal q'uinal ta stojol, ac'a smuc'ulin yo'tan te sbihil te Jehová soc ac'a yich' yip ta stojol te Dios yu'une.

Miqueas 7:9

Ya xcuhch cu'un te yilimba te Jehová, como jtahoj jmul ta stojol, ha to c'alal ya xchahpanon soc ya spas te bin stojil ta jtojol. Ha ya yic'on bahel ta sacal q'uinal, ya me quil te bin stojil ya spas.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

San Juan 12:46

Ho'on te sacal q'uinalon te talemon ta bahlumilal scuenta yu'un spisil te mach'a ya sch'uhunon, ma ba ya x'ayin ta yihc'al q'uinal.

San Juan 8:12

Cha'c'oponotic xan yu'un Jesús te ants-winiquetic, hich la yal: Ho'on te sacal q'uinalon yu'un te bahlumilal; te mach'a ya st'unon ma ba ya xbehen ta yihc'al q'uinal, ha ya yich' te sacal q'uinal scuenta cuxlejal, xchi.

Apocalipsis 21:23

Te muc'ul pueblo ma xtuhun yu'un te sts'anabul te c'ahc'al o te u, como ha sacuben q'uinal yu'un te yutsilal te Diose, soc ha jsacubtesej q'uinal te Jcolel Tuminchij.