2 Samuel 22:2 - Bible in Tzeltal Bachajón

² Hich la yal: Te Jehová ha toyol ch'entiquil cu'un, ha tulan ahnibal cu'un soc jcoltaywanej cu'un;

Bible in Tzeltal de Oxchuc y Tenejapa

² Jich la yal: “Ja'at Cajwal, Jcanantaywanejat, anjibalat cu'un, ja'at la awac'on ta libre atuquel.

2 Samuel 22:2 ပူးပေါင်းရင်းမြစ်များ

2 Samuel 22:32

Como ¿mach'a a te ha Dios, ma bal ha'uc nax te Jehová? ¿Soc mach'a a te ha muc'ul ton; ma bal ha'uc te Dios cu'untique?

2 Samuel 22:33

Ha te Dios te ya ya'bon quip, soc te ya slecubtesbon te be cu'une;

2 Samuel 23:3

Te Dios yu'un Israel c'opojix; hich la yalbon te Muc'ul Ton yu'un Israel: Te mach'a stojil ya scuentahin te ants-winiquetic, te ya xcuentahinwan ta scuenta xi'el te Diose,

Salmos 144:2

Ha jc'uxultaywanej soc toyol ts'ahc cu'un, ha ahnibal soc j'ac'aw ta libre cu'un, ha mahquilal cu'un te smuc'ulinej co'tan, ha te ya ya'bon ta ye'tal coc te pueblohetique.

Salmos 31:3

Ha'at toyol ch'entiquilat soc ahnibalat cu'un; ta scuenta yich'el ta muc' abihil tojobtesawon soc joquinawon ta behel.

Salmos 42:9

Hich ya calbe te Diose: Muc'ul tonat cu'un, ¿bin yu'un la ach'ayonix ta awo'tan? ¿Bin yu'un ayon ta mel-o'tan ta scaj te uts'inel yu'un te jcontra? xchihon.

Salmos 71:3

Ha'ucat toyol ch'entiquilat yu'un ahnibal cu'un te banti spisil ora ya xbohon. La awal mandar yu'un ya xcolon, como ha'at toyol ch'entiquilat soc ahnibalat cu'un.

Salmos 91:2

Hich me ya calbe te Jehová: Ha'at ahnibalat cu'un soc toyol ts'ahcat cu'un, Diosat cu'un te smuc'ulinejat co'tan, xchi me ta stojol.

Proverbios 18:10

Ha toyol ts'ahc te sbihil te Jehová; tey ya x'ahnimaj bahel a te mach'a toj yo'tan soc hich ya xcol.

San Mateo 16:18

Soc ho'on ya calbat te ha'at Pedrohat, ta sba ha'i muc'ul ton ini ya jpas te iglesia cu'un, soc te ochibaletic yu'un te tsobojibal mach'atic chamenic ma xhu' stsalbel.

Deuteronomio 32:4

Ha Muc'ul Ton stuquel, c'ax lec te ya'tel, como toj spisil te behetic yu'une. Ha Dios te stalel jun yo'tan soc mayuc schopolil; ha toj soc lec stuquel.

1 Samuel 2:2

Mayuc mach'a yan hich ch'ul Dios a te bin ut'il Jehová, mayuc yan, ha'at nax atuquel; mayuc yan ahnibal hich te bin ut'il te Dios cu'untique.

1 Samuel 23:25

Te Saúl soc te winiquetic yu'un baht slehic. C'alal hich halbot te David, co bahel ta muc'ul ton, tey hil a ta jochol taquin q'uinal yu'un Maón. C'alal hich la ya'iy te Saúl, baht ta jochol taquin q'uinal yu'un Maón ta slehel te David.

1 Samuel 24:2

Ha yu'un te Saúl la yic' bahel lajunwinic swaxacbahc' (3,000) winiquetic te tsahbilic ta spisil Israel, baht sle te David soc te winiquetic yu'un ta sacal ch'entiquil ta witsiltic yu'un ha'mal tentsunetic.