2 Samuel 22:14 - Bible in Tzeltal Bachajón

¹⁴ T'ohm hich te bin ut'il chahwuc c'alal ch'ulchan te Jehová, te Mach'a toyol ay, tulan c'opoj.

Bible in Tzeltal de Oxchuc y Tenejapa

¹⁴ “Te Cajwaltic, te Toyol ta jyalele, c'alal ta ch'ulchan tulan c'opoj, pajal soc sc'op chawuc.

2 Samuel 22:14 ပူးပေါင်းရင်းမြစ်များ

Job 40:9

¿Ay bal ac'ab hich te bin ut'il ay yu'un Dios? ¿Ya bal at'omtes ac'op hich te bin ut'il ya xc'opoje?

Éxodo 19:6

Soc ha'ex pueblo yu'un sacerdotehetic soc ch'ul nación ya xc'ohex cu'un. Ha me te c'op ini te yac awalbe te snich'nab Israel, xchi.

Isaías 30:30

Te Jehová ya me yac' ta a'iyel te tulan sc'op soc ya me yac' ta ilel bin ut'il ya xco te sc'ab soc tulan yilimba soc c'ahc' te ya xlajinwan, soc sutu-ic', ic'al ha'al soc bat.

Ezequiel 10:5

Te sc'op te xiq'uic te querubinetic chican c'alal ta shahchibal amac', hich te bin ut'il sc'op te Dios te c'alal ya xc'opoje.

Apocalipsis 11:19

Jahm te templo yu'un Dios te ay ta ch'ulchan, chican ta yutil te templo te scaxahul te chapbil-c'op. Xliplajan tsantsehwaletic, xjuyet hahchel c'opetic, stsanlajan ta t'ohmel chahwuc, xyuq'uinaj nihquel, soc co tal niwac bat.

Jueces 5:20

C'alal ch'ulchan la yaq'uic guerra te eq'uetic, c'alal ta sbehic la ya'beyic guerra te Sísara.

1 Samuel 2:10

Te mach'atic ya scontrahinic te Jehová ya me xlajinotic, ha ya xt'ohm tal ta stojolic c'alal ta ch'ulchan. Te Jehová ya me yich' ta c'op c'alal ta sti'il bahlumilal; ya me ya'be yip te ajwalil yu'un, soc ya me ya'be xan yip te Mach'a malbil ta aceite yu'une, xchi.

1 Samuel 7:10

Te c'alal yac ta yaq'uel a te scohtol chic'bil mahtanil te Samuel, tal te filisteohetic ta ya'beyel guerra te snich'nab Israel. Pero te Jehová ha nix yorahil a te la yac' buen tulan chahwuc ta stojol te filisteohetic, la xiwtes, hich la yich'ic tsalel ta stojol te snich'nab Israel.