2 Samuel 21:6 - Bible in Tzeltal Bachajón

⁶ a'botcotic huctuhl snich'nab yu'un ya jihpambecotic sbaq'uetalic ta te' ta stojol Jehová ta Gabaa yu'un Saúl, te tsahbil yu'un Jehová, xchihic. Ya ca'beyex, xchi te ajwalil.

Bible in Tzeltal de Oxchuc y Tenejapa

⁶ ja' ya jc'antic juctul te patil alnich'an yu'une, swenta yu'un ya jijpanbeytic sbaq'uetalic ta stojol Cajwaltic ta lum Gabaa-yu'un-Saúl te tsabil yu'un Cajwaltique —xiic. —Jichuc, lec ay —xi' te muc' ajwalile. Jich la yac' ta c'abal.

2 Samuel 21:6 ပူးပေါင်းရင်းမြစ်များ

Génesis 40:19

Li' ta oxeb c'ahc'al te faraón ya xot'bat loq'uel ajol, ya yac'at ta jihpanel ta te', ya xlaj ta ti'el ta mutetic te abaq'uetal, xchi sc'oblal.

Génesis 40:22

Yan te mach'a scuentahinej te jpas-panetic, la sjihpan ta te', hich te bin ut'il la yalbe scuentahil te José.

2 Samuel 17:23

Te Ahitofel, c'alal la yil te ma ba la spasic te bin la yal, la schahpan sburro, baht ta sna ta slumal. C'alal laj yalbel mandar ta sna, la sjihpan sba, hich laj; la yich' muquel ta banti mucul te state.

2 Samuel 18:10

Ay mach'a ilot yu'un, hich baht yalbe te Joab: La jquil te Absalón jipil ta jihte', xchi c'ohel.

2 Samuel 19:28

Como spisil te mach'atic ay yu'un ta sna te jtat ayic ta scuenta lajel ta stojol te ajwalil cu'un, pero ha'at la awac' te a'bat awu'un ta yohlil te mach'atic ic'bilic ta we'el ta amesa. ¿Bin yan ya xhu' ya jc'ambe ta stojol te ajwalile? xchi.

1 Crónicas 12:3

Ahiezer te príncipal, patil Joás snich'nab Sema te talem ta Gabaa, Jeziel soc Pelet snich'nab Azmavet, Beraca soc Jehú te talem ta Anatot,

Esdras 6:11

Soc ha nix caloj mandar teme ay mach'a ya sjin te halbil mandaril ini, ac'a yich' tasbeyel loq'uel jch'ix sts'amte'el sna soc ac'a yich' johc'anel a, soc jc'axel jimbil ya xhil te sna yu'un.

Ester 9:10

ha te lajuntuhl snich'nab Amán snich'an Hamedata, te scontra te judiohetique. Pero ma ba la yich'beyic te biluquetic yu'unique.

San Mateo 27:5

Ha yu'un la sch'oj hilel ta Templo te lajuneb scha'winic (30) ta sehp plata, loc' bahel soc baht sjihpan sba ta te'.

Hechos 13:21

Patil la sc'anic ajwalil, ha yu'un Dios la ya'be Saúl, te snich'an Cis te sts'umbal Benjamín; cha'winic (40) ha'bil ay ta ajwalil.

Deuteronomio 21:22

Teme ay mach'a ay bin chopol la spas te ya yich' milel yu'une, teme yac amilic soc teme yac ajihpanic ta te',

Josué 10:26

Ta patil, te Josué la smilticlan te ajwaliletic soc la sjihpanlan ta ho'tehc' te'etic. Tey jipajtic a c'alal mahl bahel c'ahc'al.

Josué 8:29

La sjohc'an ta te' te ajwalil yu'un Hai ha to c'alal ta yihc'ubel q'uinal. C'alal mahlix bahel c'ahc'al a, la yal mandar te Josué te ya scohtesbeyic sbaq'uetal ta te' soc ya sch'ojic bahel ta yochibal te pueblo. La sbusambeyic bayel ton ta sba te chican c'alal ora.

1 Samuel 10:1

Hich te Samuel la stsac jun yawil aceite, la smalbe ta sjol te Saúl, la yuhts'uy, soc hich la yalbe: Te Jehová la smalbat aceite scuenta jtsobaw ya xc'ohat yu'un te pueblo Israel yu'une.

1 Samuel 10:24

Hich la yal te Samuel ta stojol spisil te pueblo: ¿La bal awilic te mach'a tsahbil yu'un Jehová? Mayuc mach'a pajal soc ta spisil te pueblo, xchi. Ha yu'un hahchic ta aw spisil te pueblo: ¡Viva ajwalil! xchihic.

1 Samuel 10:26

Ha nix hich te Saúl baht ta sna ta Gabaa, soc joquinot bahel yu'un winiquetic te ay yip yo'tanic te tijbot yo'tanic yu'un te Diose.

1 Samuel 11:4

Te c'alal c'ohtic ta Gabaa yu'un Saúl te jpuc-c'opetic soc te la yalbe ya'iyic mach'atic ayic ta pueblo, spisil te pueblo hahchic ta oq'uel yu'un.

1 Samuel 24:21

Yo'tic jc'axel me xawalbon ta jamal ta stojol Jehová te ma ba yac alajimbon te jts'umbal ta patil bahel o te yac atup'bon te jbihil ta sna te jtate, xchi.

1 Samuel 24:22

Ha yu'un te David hich jc'axel la yalbe ta jamal te Saúl. Hich suht bahel ta sna te Saúl, yan te David soc te swinictac mohic bahel ta ahnibal.