2 Samuel 21:12 - Bible in Tzeltal Bachajón

¹² baht yich'be tal te sbaquel Saúl soc te sbaquel Jonatán te snich'an te ayic ta stojol te winiquetic yu'un Jabes ta Galaad te elc'ambotic tal yu'unic ta plaza yu'un Bet-sán, te banti jihpambot sbaq'uetalic yu'un te filisteohetic te c'alal la smilic te Saúl ta Gilboa.

Bible in Tzeltal de Oxchuc y Tenejapa

¹² te David bajt' ta stsobel tel sbaquel te Saúl soc te snich'an, ja' te Jonatán, te ay ta sq'uinal te yajwal Jabes-ta-Galaad. Ja' te la smuquen-ich'beyic tel ta yolil lum Bet-sán, te banti la sjijp'anic te filisteoetic, te c'alal la stsalic te Saúl ta Gilboa.

2 Samuel 21:12 ပူးပေါင်းရင်းမြစ်များ

2 Samuel 1:21

Ha'ex witsetic yu'un Gilboa, ma me xyahlix ts'ujul o ha'al ta abahic, soc ma ha'uquex q'uinal te ya yac' mahtaniletic; como tey ch'aybil c'oht a te smahquil te mach'atic ay yipic te ma xiwic, te smahquil Saúl te ma ba ya yich'ix jaxel ta aceite.

2 Samuel 1:6

Hich la yal te winic: C'alal tey ayon ta wits Gilboa a, la jquil te yich'oj yip ta slanza te Saúl, soc yacalic ta talel ta spat te carretahetic yu'un guerra soc te winiquetic cajajtic ta cawu.

2 Samuel 2:4

Patil talic te winiquetic yu'un Judá, la smalic ta aceite scuenta ajwalil ya xc'oht yu'un Judá. Te c'alal la yalbeyic te David te ha la smuquic te Saúl te mach'atic ayic ta Jabes ta sq'uinal Galaad,

2 Samuel 21:11

C'alal halbot ya'iy te David te bin spasoj te Rizpa yantsil-nich'an Aja, te yan ants yu'un Saúl,

2 Samuel 21:13

Te David la yac' ta ich'el bahel tey a te sbaquel Saúl soc te sbaquel Jonatán te snich'an, soc nix te sbaquelic te mach'atic lajic ta jihpanel.

1 Crónicas 10:1

Te filisteohetic tal ya'beyic guerra te Israel. Te israeletic loq'uic ta ahnel ta stojolic, bayel lajic ta wits Gilboa.

1 Crónicas 10:12

hahchic spisil te winiquetic te ay yip yo'tanic, baht yich'beyic tal te sbaq'uetal Saúl soc snich'nab, la yich'ic tal ta Jabes; tey la smucbeyic sbaq'uetalic a ta ye'tal jihte', soc la scom swe'elic huqueb c'ahc'al.

1 Crónicas 10:8

Ta schebal c'ahc'al, te c'alal bahtic te filisteohetic ta spojel tal bintic ay yu'un te mach'atic lajemic, la stahbeyic sbaq'uetal te Saúl soc te snich'nab te xach'ajtic ta lum ta wits Gilboa.

Josué 17:11

Soc te Manasés ay tut pueblohetic yu'un ta sq'uinal Isacar soc Aser, ha te Bet-seán, Ibleam, te mach'atic nahinemic ta Dor, Endor, Taanac soc Meguido, soc te tut pueblohetic yu'unique; oxsehp q'uinal.

1 Samuel 28:4

Te filisteohetic la stsob sbahic, tal spas scampamentohic ta Sunem. Hich te Saúl la stsob spisil Israel, la spas scampamentohic ta Gilboa.

1 Samuel 31:1

Te filisteohetic la ya'beyic guerra te Israel. Te israeletic loq'uic ta ahnel ta stojol te filisteohetic; bayel lajic ta wits Gilboa.

1 Samuel 31:3

Tulanij te guerra ta stojol Saúl. C'alal tahot yu'un te j'ac'-t'ihmalte'etic, la yehchentesic ta tulan.

1 Samuel 31:4

Ha yu'un te Saúl la yalbe te jcuch-a'tejibal yu'un: Loq'uesa te espada awu'un, lowahon a scuenta yu'un ma ha'uc ya xtal slowon ta espada te mach'atic ma ba yich'ojic circuncisión, te hich ya slabanonic a, xchi. Pero te jcuch-a'tejibal yu'un ma ba la sc'an, yu'un bayel xiw. Ha yu'un te Saúl la stsac te espada yu'un, la syahltes sba ta sni'il.