2 Samuel 21:1 - Bible in Tzeltal Bachajón

¹ Te c'alal ay ta ajwalil a te David, tal wi'nal, oxeb ha'bil la stic' sba. Te David la sjoc'obe te Jehová, hich halbot yu'un: Ha ta scuenta Saúl soc te sna te la smal ch'ich', como la smilticlan te gabaonetic, xchi.

Bible in Tzeltal de Oxchuc y Tenejapa

¹ Te c'alal ja' ay ta muc' ajwalil a te David, tal wi'nal, oxeb ja'wil jalaj te wi'nale. Te David la sjojc'obey te Cajwaltique. Jac'bot yu'un: —Te wi'nale ja' talem ta swenta te smilaw te Saúl soc te mach'atic ay yu'une, melel la stojol-milic te gabaonetique —xi' te Cajwaltique.

2 Samuel 21:1 ပူးပေါင်းရင်းမြစ်များ

Génesis 12:10

Ha yorahil a te ay bayel wi'nal ta q'uinal; hich te Abram co bahel ta nahinel ta Egipto, yu'un ay bayel wi'nal ta q'uinal.

Génesis 26:1

Tal wi'nal ta q'uinal, yanix wi'nal a te c'ax c'alal cuxul to a te Abraham. Ha yu'un te Isaac baht ta Gerar ta banti ay te Abimelec te ajwalil yu'un te filisteohetique.

Génesis 41:57

Spisil te nacionetic tal smanic trigo ta Egipto ta stojol José, yu'un ayix bayel wi'nal ta spahmal q'uinal.

Génesis 42:5

Hich te snich'nab Israel pajal talic soc yantic ta mambajel, yu'un ay wi'nal ta sq'uinal Canaán.

Génesis 43:1

Bayel te wi'nal ta q'uinal.

2 Samuel 16:8

Te Jehová la ya'batix atojbe te sch'ich'el te mach'atic ay yu'un Saúl, te la apojbe ya'tel te ban c'alal smacoj ta ajwalil. Yo'tic te Jehová la ya'beyix ta sc'ab te anich'an Absalón. ¡Tahbilat abohlil ta scaj te jmilawat! la yut.

2 Samuel 20:26

Te Ira te jaireo-winic ha nix sacerdote yu'un David.

2 Samuel 21:5

Hich la sjac'beyic te ajwalil: Te winic te ya c'an slajinotcotic soc te la snop te jc'axel mayuc mach'a ya xhil cu'uncotic ta spisil sq'uinal Israel,

2 Samuel 24:1

Te Jehová tihl xan yilimba ta stojol Israel. La shachbe yo'tan David ta scontrahinel Israel, hich la yal: Bahan, ahtaya te Israel soc Judá, xchi.

2 Samuel 5:19

Ha yu'un te David la sjoc'obe te Jehová: ¿Ya bal ca'be guerra te filisteohetic? ¿Ya bal awa'bon ta jc'ab? xchi. Te Jehová la sjac'be sc'op te David: Bahan, como ya ca'bat ta ac'ab te filisteohetic, xchi sc'oblal.

2 Samuel 5:23

Ha yu'un te David la sjoc'obe te Jehová, hich halbot yu'un: Ma me tojuc xmohat bahel, ya me ajoyic talel ta spatic, tey yac awochintayic a ta banti ay te bálsamo-te'etic.

1 Reyes 17:1

Te Elías te talem ta Tisbe, te nahinem ta Galaad, hich la yalbe te Acab: ¡Yiloj Jehová, te Dios yu'un Israel, te yacon ta a'batinel yu'un, ma ba ya xtal ha'al o ts'ujul ta ha'biletic bahel, ha to teme ho'on ya cal! la yut.

1 Reyes 18:2

Hich baht te Elías ta stojol te Acab. Mero tulan te wi'nal ta Samaria.

2 Reyes 6:25

Ay bayel wi'nal ta Samaria ta scaj te joytaybil. Hich ay swocolic te bin ut'il te sjol burro la yich' chonel ta chanwinic (80) ta sehp plata, soc jun cuarto cab stsa' stsuhmut ta ho'eb ta sehp plata.

2 Reyes 8:1

Te Eliseo hich la yalbe te ants te la scha'cuxajtesbe yal: Bahan ta nahinel ta yan lugar soc spisil mach'atic ay awu'un, como te Jehová la yalix te ya xtal wi'nal te ya xhalaj huqueb ha'bil ta q'uinal, xchi.

Job 10:2

Hich ya calbe te Dios: Ma me xawal te ay jmul; a'bon jna' te bin yu'un te yac atijbelon ta c'op.

Salmos 27:8

Hich la yalbon ac'oblal te co'tan: Leha te sit yelaw, xchi. Ya jlehbat asit awelaw, Jehová.

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

Salmos 91:15

Ya sc'oponon, ya me jac'be sc'op; ya joquin c'alal ay ta wocol, ya cac' ta libre soc ya cac' ta ich'el ta muc'.

Levítico 26:26

Te c'alal ya jlajimbeyex awe'elic, lajuntuhl antsetic ya spaybeyex spisil awe'elic ta junax horno, p'isbil ya spucbeyex awe'elic, ma ba ya xnoj ach'uhtic yu'un.

Números 27:21

Te Josué ya xbaht ta stojol te sacerdote Eleazar te ha ya sjoc'obe te Jehová ta scuenta te Urim. Ta scuenta smandar te Josué ya xloq'uic bahel spisil te pueblo Israel, soc ta scuenta smandar ya x'ochic talel, xchi.

Josué 7:1

Pero te snich'nab Israel la sta smulic yu'un te bintic parte ac'bil scuenta lajel, como te Acán snich'an Carmi, snich'an Zabdi, snich'an Zera, te ha sts'umbal Judá, la stsac te bin parte ac'bil scuenta lajel; hich tihl yilimba Jehová ta stojol te snich'nab Israel.

Josué 9:20

Hich me ya jpasbetic: ya cac'tic cuxajicuc scuenta yu'un ma ba ya xc'oht ilimba ta jtojoltic yu'un te bin jc'axel calbeyejcotic ta jamal, xchihic.

Rut 1:1

Te c'alal bin ora ayic ta cuentahinwanej a te juecetic, tal wi'nal ta q'uinal. Ay jtuhl winic ta Belén ta sq'uinal Judá te baht ta nahinel ta sq'uinal Moab soc yihnam soc cheb snich'nab.

1 Samuel 10:22

Ha yu'un la sjoc'obeyic xan te Jehová teme ma to ba talem te winique. La yal te Jehová: Li' ayi, snac'oj sba ta yohlil te biluquetic, xchi.

1 Samuel 23:11

¿Ya bal yac'onic ta sc'ab Saúl te mach'atic ayic ta Keila? ¿Ya bal xtal te Saúl hich te bin ut'il ya'iyej te a'bat awu'une? Jehová, Diosat yu'un Israel, awocoluc halbeya te a'bat awu'une, xchi. Yac, ya xco tal, xchi te Jehová.

1 Samuel 23:2

Ha yu'un te David la sjoc'obe te Jehová: ¿Ya bal ca'be guerra te filisteohetic? xchi. Jac'bot yu'un te Jehová: Bahan, a'beya guerra te filisteohetic, coltaya te Keila, xchi sc'oblal.

1 Samuel 23:4

Ha yu'un te David baht sjoc'obe xan te Jehová. Te Jehová hich la yalbe: Hahchan, cohan bahel ta Keila, ho'on ya ca'bat ta ac'ab te filisteohetique, xchi.