2 Samuel 20:9 - Bible in Tzeltal Bachajón

⁹ Te Joab la sjoc'obe te Amasa: ¿Lec bal ayat hermano? xchi. Hich te Joab la stsacbe ta swa'el-c'ab te yisim yu'un ya yuhts'uy.

Bible in Tzeltal de Oxchuc y Tenejapa

⁹ Te Joab la sjojc'obey te Amasa: —¿Lec bal ayat hermano? —la yut. La stsacbey ta yisim ta swa'el c'ab, la sbujts'i.

2 Samuel 20:9 ပူးပေါင်းရင်းမြစ်များ

2 Samuel 15:5

Teme ay mach'a ya xnohpoj ta stojol yu'un ya snijan sba ta stojol, te Absalón ya yic' tal, ya smech' soc ya yuhts'uy.

2 Samuel 17:25

Te Absalón la yotses ta jtsobaw yu'un soldadohetic te Amasa scuenta sjelol Joab. Te Amasa ha snich'an jtuhl israel-winic Itra sbihil, te way soc Abigail yantsil-nich'an Nahas, ha yermana sba soc te Sarvia te snan Joab.

2 Samuel 18:29

¿Lec bal ay te querem Absalón? xchi te ajwalil. Te Ahimaas la sjac': La jquil te hahchem bayel c'op a te c'alal la sticonon tal te Joab te a'bat yu'un te ajwalil, pero ma jna' bin c'oht ta pasel, xchi.

2 Samuel 3:27

Te c'alal suht tal ta Hebrón te Abner, te Joab la yic' bahel ta jehch sti'il yochibal te pueblo scuenta yu'un ya sc'opon ta muquen. Tey la yehchentes ta sch'uht a te Abner scuenta sutbeyel spacol te milbot te yihts'in Asael, hich laj te Abner.

1 Reyes 2:32

Te Jehová ha me ya sutbe spacol te ch'ich' ta stojol, como la smil te cheb winiquetic te c'ax hich toj soc lec ta winiquil a te bin ut'il te Joab; la smilticlan ta espada te ma ba la sna' te jtat David: ha te Abner snich'an Ner, te jtsobaw yu'un soldadohetic yu'un Israel, soc te Amasa te snich'an Jeter, te jtsobaw yu'un soldadohetic yu'un Judá.

Salmos 55:21

Buen c'un ta a'iyel te sc'op, c'ax hich a te bin ut'il mantequilla, pero ay guerra ta yo'tan; c'un te sc'ope, c'ax hich a te bin ut'il aceite, pero hich c'ohemic te bin ut'il espadahetic loq'uesbilic ta sna.

Proverbios 26:23

Hich te bin ut'il pac'bil oxom bombil ta plata, hich ay te t'ujbil c'op te ya xtal ta chopol-o'tanil.

Proverbios 27:6

Ya xcoltaywan te ehchen ya yac' te mach'a c'uxat ta yo'tan, pero ha lot te uts'uyel yu'un te mach'a ya sp'ajat.

Jeremías 41:2

te Ismael snich'an Netanías soc te lajuntuhl winiquetic te joquimbil yu'un hahch smilic ta espada te Gedalías snich'an Ahicam, snich'an Safán. Hich la smilic te gobernador yu'un te q'uinal te otsesbil yu'un te ajwalil yu'un Babilonia.

Miqueas 7:2

Mayuquix ta q'uinal te mach'a ay sc'uxul yo'tan, mayuc hilem ta yohlil te ants-winiquetic te mach'a toj yo'tan; spisilic ya xmacliywanic yu'un ya xmilawanic, jujutuhl ya schahpambe syacol te yermanohe.

Jueces 3:15

Te snich'nab Israel awonic ta stojol Jehová; hich la slehbe jcoltaywanej yu'unic, ha te Aod snich'an Gera, sts'umbal Benjamín, ha q'uexam-c'ab winic. Te snich'nab Israel ay la ya'beyic yich' bahel patanil ta stojol Eglón ajwalil yu'un Moab.