2 Samuel 20:5 - Bible in Tzeltal Bachajón

⁵ Hich baht te Amasa ta yiq'uel tal te mach'atic yu'un Judá, pero c'ax xan c'ahc'al a te bin ut'il halbote.

Bible in Tzeltal de Oxchuc y Tenejapa

⁵ Te Amasa ba stsob, pero jalaj, ma ba c'ot te bi ora albote.

2 Samuel 20:5 ပူးပေါင်းရင်းမြစ်များ

2 Samuel 19:13

Soc hich nix xawalbeyic te Amasa: ¿Ma bal ha'ucat jbaquel soc jbaq'uetalat? Dios ac'a ya'bon castigo, soc c'ax to xan hich a, teme ma ba muc'ul jtsobaw yu'un te soldadohetic cu'un ya xc'ohat yo'tic scuenta sjelol te Joab, xchi.

2 Samuel 20:6

Ha yu'un te David hich la yalbe te Abisai: Te Seba snich'an Bicri, c'ax xan hich ya yac' jwocoltic a te bin ut'il Absalón. Ic'a bahel hiche te a'batetic yu'un te awajwal, nutsa bahel, teme repente ay ya x'och bahel ta pueblo te joybil ta ts'ahc, tey ya scoltay sba ta jc'abtic a, xchi.

1 Samuel 13:8

La smahliy huqueb c'ahc'al, hich te bin ut'il halbot yu'un Samuel; pero te Samuel ma ba c'oht ta Gilgal, soc yacaliquix ta ahnel loq'uel te winiquetique.

1 Samuel 20:35

Ta sab yu'un schebal c'ahc'al loc' bahel ta aquiltic te Jonatán ta yorahil te schapoj soc David; joquinot yu'un tut querem.