2 Samuel 20:2 - Bible in Tzeltal Bachajón

² Hich spisil te winiquetic yu'un Israel la yihquitayic hilel te David, la st'unic te Seba snich'an Bicri; pero te mach'atic yu'un Judá la st'unic te ajwalil yu'unic c'alal ta muc'ul-ha' Jordán ha to ta Jerusalén.

Bible in Tzeltal de Oxchuc y Tenejapa

² Spisil te winiquetic ta Israel, la yijq'uitayic jilel David, ja' ba st'unic te Seba, te patil alnich'an yu'un Bicri. Pero te talemic ta Judá, jajch' tel ta muc'ja' Jordán c'alal ta lum Jerusalén, jun yo'tanic ta stojol te muc' ajwalil yu'unique.

2 Samuel 20:2 ပူးပေါင်းရင်းမြစ်များ

2 Samuel 19:15

Hich suht tal te ajwalil, hul ta muc'ul-ha' Jordán. Te Judá tal ta Gilgal ta stahel bahel te ajwalil soc ta scoltayel sohlel ta Jordán.

2 Samuel 20:1

Ay jtuhl chopol winic tey a, Seba sbihil, snich'an Bicri, sts'umbal Benjamín, te la yoq'uesin xulubil soc hich la yal: Mayuc bin ay cu'untic ta stojol David, mayuc bin quich'ojtic yu'un te snich'an Isaí. ¡Ta jujutuhl bahan ta anahic, Israel! xchi.

2 Samuel 20:21

Ma hichuc ay. Pero ay jtuhl winic talem ta witsiltic yu'un Efraín, Seba sbihil, snich'an Bicri, te la shach sc'ab ta scontrahinel te ajwalil David. Ha nax me xawa'bon ta jc'ab, hich ya quihquitay hilel te pueblo, xchi. Te ants la yalbe te Joab: Ya me awich' ch'ojbeyel cohel tal sjol c'alal ta ba ts'ahc, xchi.

2 Samuel 20:3

Te c'alal c'oht ta sna ta Jerusalén te David, la yic' tal te lajuntuhl yantic antsetic yu'un te yihquitayej hilel ta canan-na, la smacticlan ta na, tey la yac' ta mac'linel a. Pero mayuc bin ora te way xan soc. Tey macalic a, me'ba' ants hilic ha to c'alal chamic.

1 Reyes 12:20

C'alal la ya'iyic spisil te Israel te suhtemix tal te Jeroboam, la sticonic ta iq'uel tal ta stojol te pueblo, la yotsesic ta ajwalil ta stojol spisil Israel. Mayuc mach'a la st'un te sts'umbal David, ha nax te jchahp yu'un Judá.

2 Crónicas 10:17

Pero te Roboam la scuentahin te snich'nab Israel te nahinemic ta pueblohetic yu'un Judá.

Salmos 62:9

Te ants-winiquetic te peq'uel ayic ha nax sahb ye, te mach'atic muc' sc'oblalic ma ba smelelil; te pajaluc ya yich'ic licbeyel yalalic ta balanza, pajal mayuc yalalic te hichuque.

Proverbios 17:14

Te shachel c'op hich c'ohem te bin ut'il ya yich' malel loq'uel ha' ta yawil; ha yu'un ihquitaya te hach-c'op te ma to ba schucoj sba a.

Hechos 11:23

C'alal c'oht tey a te Bernabé, tse'el yo'tan yu'un te c'alal la yil te yutsil yo'tan Dios; la stsitsticlan te junuc me yo'tan ya x'ayinic ta stojol te Cajwaltique.