2 Samuel 20:16 - Bible in Tzeltal Bachajón

¹⁶ Ay jtuhl ants te ay sp'ijil, hahch ta aw ta pueblo, hich la yal: ¡A'iya awa'iyic! ¡A'iya awa'iyic! Awocoluc, halbeyahic te Joab te ac'a taluc yu'un ya xc'opojon soc, xchi.

Bible in Tzeltal de Oxchuc y Tenejapa

¹⁶ Pero ora nax tal jtul ants te bayal sp'ijil, jajch' ta aw c'alal ta ba ts'ajc': —¡Aiya awaiyic! ¡Aiya awaiyic! Wocoluc, albeyaic te Joab, ac'a noptsajuc tel yu'un ya jc'an ya xc'opojon soc —xi'.

2 Samuel 20:16 ပူးပေါင်းရင်းမြစ်များ

2 Samuel 14:2

Ha yu'un la sticon ta iq'uel tal jtuhl p'ijil ants ta Tecoa, hich la yalbe: Ya calbat wocol te yacuc ap'is aba te ayat ta mel-o'tan, lapa c'u'ul scuenta mel-o'tan, ma me xawa'be aba perfume, ya sc'an te hich yac awac' aba te bin ut'il ants te ayix bayel c'ahc'al ay ta mel-o'tan ta scuenta te ay mach'a cham yu'une.

2 Samuel 20:17

Te c'alal nohpoj bahel te Joab ta stojol te ants, hich la yalbe: ¿Ha'at bal te Joab? xchi. Ho'on, xchi. A'iybeya awa'iy sc'op te awa'bat, xchi te antse. Ya me ca'iy, xchi te Joab.

2 Samuel 20:22

Hich te ants la sc'opon spisil te pueblo soc sp'ijil yo'tan, hich la xot'beyic sjol te Seba snich'an Bicri, la sch'ojbeyic cohel ta stojol Joab. Ha yu'un te Joab la yoq'uesin xulubil, hich la yihquitayic te pueblo, jujutuhl bahtic ta snahilpaq'uic. Te Joab suht bahel ta Jerusalén ta stojol te ajwalil.

Daniel 2:14

Te Daniel la yutsil c'opon soc sp'ijil yo'tan te Arioc, te capitán yu'un soldadohetic te ya scanantayic te ajwalil, te loq'uemic bahel ta smilticlanel te p'ijil winiquetic yu'un Babilonia.

1 Samuel 25:3

Nabal sbihil te winic soc Abigail sbihil te yihname. Mero p'ij yo'tan soc buen t'ujbil te antse, yan te winique tulan yo'tan soc chopol ya'tel. Ha sts'umbal te Caleb.