2 Samuel 20:12 - Bible in Tzeltal Bachajón

¹² Te Amasa yac balawetel ta sch'ich'el ta yohl be. Spisil te mach'atic ya xc'axic tey a, ya stehc'an sbahic ta yilel. Te winic, c'alal la yil te spisil te pueblo ya stehc'an sbahic ta yilel, la sloq'uesbe te sbaq'uetal Amasa ta be, la yac' ta ha'mal soc la smuc ta c'u'ul.

Bible in Tzeltal de Oxchuc y Tenejapa

¹² Pero te sbaq'uetal Amasa tey ay ta yolil be, ts'ajalix ta xch'ich'el. Pero te soldado, c'alal la yil te spisil mach'atic ya xc'axic, ya stejc'an sbaic ta yilele, la xujq'uinbey ta be sbaq'uetal te Amasa soc la smuc ta pac', melel la yil te spisilic te mach'atic ya xc'otique ya stejc'an sbaic ta sts'eel.

2 Samuel 20:12 ပူးပေါင်းရင်းမြစ်များ

2 Samuel 17:25

Te Absalón la yotses ta jtsobaw yu'un soldadohetic te Amasa scuenta sjelol Joab. Te Amasa ha snich'an jtuhl israel-winic Itra sbihil, te way soc Abigail yantsil-nich'an Nahas, ha yermana sba soc te Sarvia te snan Joab.

2 Samuel 2:23

Pero te Asael ma ba la sc'an loc' bahel, ha yu'un te Abner la slow ta ste'el slanza ta sch'uht, loc' ta spat, hich puch' bahel, tey laj a. Spisil te mach'atic c'ohtic tey ta lugar te banti laj te Asael, la stehc'an sbahic ta yilel.

2 Samuel 20:11

La stehc'an sba jtuhl winic yu'un Joab ta sts'ehl te Amasa, hich la yal: Mach'ayuc a te c'ux ta yo'tan te David, ac'a st'un bahel te Joab, xchi.

2 Samuel 20:13

Te c'alal la yich'ix loq'uesel ta be a, c'axic bahel spisil te mach'atic la st'unic Joab yu'un snutsel te Seba snich'an Bicri.

Salmos 55:23

Pero ha'at, Dios cu'un, yac awac' cohuquic bahel ta xahab yu'un lajel te mach'atic chopolic. Te jmilawetic soc te jlotetic ma ba ya sta j'ohlil te scuxlejalique. Yan te ho'one, ha'at smuc'ulat co'tan.

Salmos 9:16

Te Jehová la yac' sba ta na'el ta scuenta te stojil chahpanwanej te la spas; te mach'a chopol ha nix chucot yu'un te ya'tel sc'ab. Higaión. Selah