2 Samuel 20:10 - Bible in Tzeltal Bachajón

¹⁰ Pero ma ba la yil te Amasa te espada yich'oj ta sc'ab te Joab. La slow ta sch'uht, bosq'uij loq'uel ta lum te sbiquil, junax buelta la slow a, cham. Patil te Joab soc te yihts'in Abisai, bahtic ta snutsel te Seba snich'an Bicri.

Bible in Tzeltal de Oxchuc y Tenejapa

¹⁰ Pero ma ba la yil te Amasa te puñal yich'oj ta sc'ab te Joab. Ejch'entesot ta xch'ujt', loc' spisil te sbiquil, c'ot c'alal ta lum. Tic' laj a, ma ba ac'botix yan yu'un te Joab. Te Joab soc te yijts'in, Abisai, cha'bajt'ic ta snutsel te Seba te patil alnich'an yu'un Bicri.

2 Samuel 20:10 ပူးပေါင်းရင်းမြစ်များ

Génesis 4:8

Te Caín la yalbe te Abel te yihts'in: Conic ta aquiltic, xchi. Te c'alal tey ayic a, te Caín la stsac te Abel te yihts'in, la smil.

2 Samuel 2:23

Pero te Asael ma ba la sc'an loc' bahel, ha yu'un te Abner la slow ta ste'el slanza ta sch'uht, loc' ta spat, hich puch' bahel, tey laj a. Spisil te mach'atic c'ohtic tey ta lugar te banti laj te Asael, la stehc'an sbahic ta yilel.

2 Samuel 20:9

Te Joab la sjoc'obe te Amasa: ¿Lec bal ayat hermano? xchi. Hich te Joab la stsacbe ta swa'el-c'ab te yisim yu'un ya yuhts'uy.

2 Samuel 3:27

Te c'alal suht tal ta Hebrón te Abner, te Joab la yic' bahel ta jehch sti'il yochibal te pueblo scuenta yu'un ya sc'opon ta muquen. Tey la yehchentes ta sch'uht a te Abner scuenta sutbeyel spacol te milbot te yihts'in Asael, hich laj te Abner.

1 Crónicas 12:2

Chapalic soc st'ihmalte'ic soc ya xhu' yu'unic sch'ojel ton ta jihmuch'il soc yaq'uel ya'tejibalul t'ihmalte' ta swa'el soc ta sq'uexam-c'abic. Ta yermanotac Saúl, sts'umbal Benjamín, hich ayic:

Jeremías 41:2

te Ismael snich'an Netanías soc te lajuntuhl winiquetic te joquimbil yu'un hahch smilic ta espada te Gedalías snich'an Ahicam, snich'an Safán. Hich la smilic te gobernador yu'un te q'uinal te otsesbil yu'un te ajwalil yu'un Babilonia.

Números 35:20

Teme ta scuenta yilimba la scotp'in bahel, o teme yoloj a te ay bin la sch'ojbe bahel, teme laj yu'un;

Jueces 3:15

Te snich'nab Israel awonic ta stojol Jehová; hich la slehbe jcoltaywanej yu'unic, ha te Aod snich'an Gera, sts'umbal Benjamín, ha q'uexam-c'ab winic. Te snich'nab Israel ay la ya'beyic yich' bahel patanil ta stojol Eglón ajwalil yu'un Moab.

Jueces 3:21

Te Aod la yac' bahel te sq'uexam-c'ab, la stsac te espada te ay ta swa'el, la slowbe sch'uht a.

1 Samuel 26:8

Ha yu'un te Abisai la yalbe te David: Dios la ya'batix ta ac'ab te acontra. A'bon jmil ta lanza, junax buelta ya jts'ap ta lum, ma ba cheb ya ca'be, xchi.