2 Samuel 20:1 - Bible in Tzeltal Bachajón

¹ Ay jtuhl chopol winic tey a, Seba sbihil, snich'an Bicri, sts'umbal Benjamín, te la yoq'uesin xulubil soc hich la yal: Mayuc bin ay cu'untic ta stojol David, mayuc bin quich'ojtic yu'un te snich'an Isaí. ¡Ta jujutuhl bahan ta anahic, Israel! xchi.

Bible in Tzeltal de Oxchuc y Tenejapa

¹ Tey ta Gilgal ay jtul winic amen yo'tan, sts'umbal Benjamín, Seba sbiil, te patil alnich'an yu'un Bicri. Te Seba la stsob jajch'el ta guerra te israeletic, jich la yalbey: —¡Ma'yucotic ta swenta te David! ¡Ma'yuc bi quechel ya yac'botic te snich'an Isaí! ¡Conic ta jnatic ta jpisiltic, israeletic! —xi'.

2 Samuel 20:1 ပူးပေါင်းရင်းမြစ်များ

Génesis 46:21

Te snich'nab Benjamín: ha te Bela, Bequer, Asbel, Gera, Naamán, Ehi, Ros, Mupim, Hupim soc Ard.

2 Samuel 15:10

Pero te Absalón la sticon bahel winiquetic ta stojol spisil ta chahp yu'un Israel, hich la yal: Te c'alal yac awa'iyic ya x'oc' te xulubil hich me yac awalic: Ochix ta ajwalil ta Hebrón te Absalón, xchihex me.

2 Samuel 16:11

Patil te David hich la yalbe te Abisai soc spisil te winiquetic yu'un: Ha nix te jnich'an te yo'tanuc ya smilon, ¿ha'uc to balix a te sts'umbal Benjamín? Ihquitayahic, ac'a sbohlc'optayon, como ha nix te Jehová te halbot yu'une.

2 Samuel 16:7

Te Simei hich yac ta bohlc'optaywanej: ¡Loc'an bahel li'i, loc'an bahel li'i, jmilawal soc jchopol-o'tan!

2 Samuel 18:17

La yich'beyic bahel te sbaq'uetal Absalón, la sch'ojbeyic cohel ta muc'ul hotol ch'en ta tohyem te'etic. La sbusanic bayel ton ta sba. Spisil Israel ahnic bahel ta snahic.

2 Samuel 20:2

Hich spisil te winiquetic yu'un Israel la yihquitayic hilel te David, la st'unic te Seba snich'an Bicri; pero te mach'atic yu'un Judá la st'unic te ajwalil yu'unic c'alal ta muc'ul-ha' Jordán ha to ta Jerusalén.

2 Samuel 20:22

Hich te ants la sc'opon spisil te pueblo soc sp'ijil yo'tan, hich la xot'beyic sjol te Seba snich'an Bicri, la sch'ojbeyic cohel ta stojol Joab. Ha yu'un te Joab la yoq'uesin xulubil, hich la yihquitayic te pueblo, jujutuhl bahtic ta snahilpaq'uic. Te Joab suht bahel ta Jerusalén ta stojol te ajwalil.

2 Samuel 23:6

Yan te mach'atic chopolic hich ayic te bin ut'il ch'ix te ya yich'ic bulel, te mayuc mach'a ya stsac ta sc'ab.

1 Reyes 12:16

Te c'alal la yilic spisil te pueblo Israel te ma ba ich'otic ta cuenta yu'un te ajwalil, hich la yalbeyic: ¿Bin cocheltic a te David? Mayuc bin ay cu'untic ta scuenta te snich'an Isaí. ¡Bahanic ta anahic, Israel! ¡Cuentahina ana atuquel, David! xchihic. Hich bahtic ta snahic te Israel.

1 Reyes 21:10

Ac'a cha'tuhl chopol winiquetic ta stojol te hich ya yalic ta testigo ta scontrahinel: Ha'at la awixta'c'optay Dios soc te ajwalil, xchihic. Hich yac aloq'uesic te Nabot, yac amilic ta ch'ojel ta ton, xchi.

2 Crónicas 10:16

C'alal la yil spisil Israel te ma ba ich'bot ta cuenta yu'un te ajwalil te bin la yalic, hich la yalic te pueblo ta stojol te ajwalil: ¿Bin cocheltic a te David? Mayuc bin ya jtahtic ta scuenta te snich'an Isaí. ¡Israel, jujutuhl bahanic ta anahic! ¡Cuentahina ana atuquel, David! xchihic. Hich bahtic ta snahic spisil Israel.

2 Crónicas 10:6

Ha yu'un te ajwalil Roboam la sjoc'obe te mamaletic te sjoquinejic Salomón te stat te c'alal cuxul to a, hich la sjoc'obe: ¿Bin yac awalic te ha'exe, bin ya sc'an ya jsutbe a te pueblo ini? xchi.

Salmos 17:13

Hahchan, Jehová, loc'an tal ta stahel, lajinlana; ta scuenta te espada awu'un coltaybon jcuxlejal ta sc'ab te mach'atic chopol yo'tanic;

Salmos 34:19

Ay bayel swocolic te mach'a toj yo'tan, pero te Jehová ya scoltay loq'uel ta spisil.

Proverbios 25:8

ma orahuc yac awich' ochel ta chahpajibal, manchuc hich ya xc'oht ta patil te ma ba yac ana' bin yac apas te c'alal ya yac'at ta q'uexlal te apat-axuhc.

Proverbios 26:21

Hich te bin ut'il ya sc'an ac'al yu'un ya stsajub sc'ahc'al, soc te si' yu'un ya yich' nup'el c'ahc' a, hich ay te mach'a ya ya'iy tijaw ta c'op te ya shach c'ope.

San Marcos 3:24

Teme ay ya scontrahin sbahic te ban cuentahimbil yu'un, ma xhu' ya xhalaj.

San Lucas 19:14

Pero p'ajot yu'un te mach'atic cuentahimbilic yu'un, ta spat nax la sticonic bahel winiquetic te c'oht yalic: Ma jc'ancotic te ya x'och ta ajwalil cu'uncotic, xchihic c'ohel.

San Lucas 19:27

Soc te jcontratac te ma sc'anic te ya x'ochon ta ajwalil yu'unic, ic'ahic tal li'i, ac'a yich' xot'ticlambeyel sjolic ta jtojol, xchi.

San Juan 13:8

La yal te Pedro: Mayuc bin ora yac apocbon coc, xchi. Teme ma ba ya jpocat, yu'un nix ma cu'unucat a, xchi te Jesús.

Deuteronomio 13:13

te ay chicnaj bohl winiquetic ta awohlilic te la ya'beyic howiyuc yo'tanic te mach'atic nahinemic ta pueblo, te hich ya yalic: Conic, ya jch'uhuntaytic yantic diosetic te ma xana'beyic sba, teme xchihique,

Jueces 19:22

Pero c'alal tse'el yo'tanic a, te winiquetic yu'un te pueblo te mero chopol yo'tanic la sjoytayic te na, tulan la stijic te ti'nahil soc hich la yalbeyic te mamal, te yajwal na: Loq'uesa tal te winic te ochem ta ana, scuenta yu'un ya joquin jbahcotic ta wayel soc, xchihic.

Jueces 3:27

C'alal c'oht ta sq'uinal Israel la yoq'uesin xulubil ta witsiltic yu'un Efraín, hich te snich'nab Israel cohic bahel ta wits soc Aod, ha nahilij bahel yu'unic.

Rut 2:3

Hich baht te Rut, hahch ta stamel bahel ta spat te jboj-cebadahetique. Tey c'oht a ta sq'uinal Booz, te jun sbihil soc Elimelec.

1 Samuel 13:2

la stsa j'ohlil swaxacbahc' (3,000) winiquetic yu'un Israel; ho'bahc' (2,000) ta tuhl joquinot yu'unic ta Micmas soc ta witsiltic yu'un Bet-el, j'ohlil yoxbahc' (1,000) ta tuhl la sjoquinic Jonatán ta Gabaa yu'un Benjamín. Te jayeb xan hil la sticonlan suhtel ta snahilpaq'uic.

1 Samuel 2:12

Te snich'nab Elí mero chopol yo'tanic, ma ba la sna'beyic sba te Jehová.

1 Samuel 30:22

Pero spisil te mach'atic chopol yo'tanic soc te ma lecuc yo'tanic te ayic ta yohlil te mach'atic la sjoquinic te David, hich la yalic: Ma ba la sjoquinotic bahel, ha yu'un ma ba ya ca'betic te bintic la jpocticlantic talel. Ha nax ac'a yiq'uic bahel te yihnamic soc te snich'nabic, ac'a bahtuquic, xchihic.