2 Samuel 2:7 - Bible in Tzeltal Bachajón

⁷ Ac'ahic me fuersa soc ayuc me yip awo'tanic, yu'un lajix te Saúl te ajwalil awu'unic, soc ha la smalonic ta aceite te sts'umbal Judá yu'un ya x'ochon ta ajwalil yu'unic, xchi.

Bible in Tzeltal de Oxchuc y Tenejapa

⁷ Ac'aic xan puersa, ma me xiwex. Manchuc me lajix te Saúl te ajwalil awu'unique, pero te sts'umbal Judá la stsaoniquix yu'un ya x'ochon ta muc' ajwalil yu'unic”, xi' te David.

2 Samuel 2:7 ပူးပေါင်းရင်းမြစ်များ

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

2 Samuel 10:12

Ac'a me fuersa, ya me jpastic tulan ta scuenta te pueblo cu'untic soc te pueblohetic yu'un te Dios cu'untique. Ac'a spas te bin lec ta pasel ya yil te Jehová, xchi.

2 Samuel 2:6

Ac'a sna'beyex yo'bolil abahic te Jehová soc junuc me yo'tan ta atojolic. Ha nix hichon lec bin ya jpasbeyex yu'un te hich la apasique.

2 Samuel 2:8

Pero te Abner snich'an Ner, te jtsobaw yu'un te soldadohetic yu'un Saúl, yic'ojix bahel ta Mahanaim a te Is-boset snich'an Saúl,

2 Samuel 5:3

Hich spisil te mamaletic yu'un Israel tal ta stojol te ajwalil David ta Hebrón. Te ajwalil David la schap sc'op soc te pueblo ta Hebrón ta stojol Jehová. La smalic ta aceite te David scuenta ajwalil yu'un Israel.

2 Reyes 11:12

Hich te Joiada la sloq'ues tal te snich'an ajwalil, la ya'be ta sjol te corona soc la ya'be te Testigo-c'op, la smal ta aceite, hich la yotsesic ta ajwalil. La smaj sc'abic soc awonic: ¡Viva ajwalil! xchihic.

Nehemías 2:18

Soc la jcalbe te bin ut'il lec ay ta jtojol te sc'ab te Dios cu'un, soc te bin la yalbon te ajwalil. Hich la yalic: Hachucotic ta scha'pasel, xchihic. Hich la yaq'uic fuersa ta spasel.

1 Corintios 16:13

Wihc'a me asitic, ayuc me yip sch'uhunel awo'tanic, pasahic me lec winiquil, ac'ahic me fuersa.

Efesios 6:10

Scuenta slajibal, ich'a me yip awo'tanic ta scuenta te Cajwaltic soc te yu'ele.

1 Samuel 31:12

spisil te winiquetic te ay yip yo'tanic behenic bahel sjunal ahc'abal. La scohtesbeyic te sbaq'uetalic te Saúl soc te snich'nab ta sts'ahcul te Bet-sán, suhtic tal ta Jabes, tey hul schic'beyic a.

1 Samuel 31:7

Te israeletic te ayic ta jehch spamlej soc te ayic ta jehch muc'ul-ha' Jordán, c'alal la yilic te ahniquix bahel te soldadohetic yu'un Israel soc te lajix te Saúl soc te snich'nab, la yihquitayic hilel te pueblohetic yu'unic, loq'uic ta ahnel. Te filisteohetic talic ta nahinel tey a.

1 Samuel 4:9

Ac'ahic fuersa, filisteohetic, chahpana abahic soc awipic, scuenta yu'un ma ba ya x'ochex ta mosohil yu'un te hebreohetic hich te bin ut'il ayic ta mosohil awu'unic; chahpana abahic soc awipic ta ya'beyel guerra, xchihic.