2 Samuel 2:5 - Bible in Tzeltal Bachajón

⁵ te David la sticon bahel winiquetic ta stojol te winiquetic yu'un Jabes ta sq'uinal Galaad, hich la yalbeyic: Ac'a ya'beyex bendición te Jehová yu'un te la ac'uxultayic te Saúl te ajwalil awu'unic, te la amuquique.

Bible in Tzeltal de Oxchuc y Tenejapa

⁵ jich la sticun ta alel: “Ac'a yac'beyex bendición te Cajwaltic te la ac'uxtayic te Saúl te ajwalil cu'untic te bit'il la amuquique.

2 Samuel 2:5 ပူးပေါင်းရင်းမြစ်များ

Génesis 14:19

soc la ya'be bendición te Abram, hich la yal: Bayeluc me yutsil sc'oblal te Abram yu'un te Dios te mero toyol ay, ha te mach'a la spas te ch'ulchan soc te bahlumilal:

Génesis 14:22

Pero te Abram la sjac'be sc'op te ajwalil yu'un Sodoma: Jc'axel calojix ta jamal ta stojol Jehová te Dios te mero toyol ay, te la spas te ch'ulchan soc te bahlumilal,

2 Samuel 15:20

Ach' to nax hulat, ¿bin ya xtal ale ajoquinon, yu'un ma jna' banti ya xbohon ho'on? Ha lec suhtan bahel, soc ic'a suhtel te alumale. ¡Ac'a sc'uxultayat te Jehová soc junuc me yo'tan ta atojol spisil ora! xchi.

2 Samuel 21:12

baht yich'be tal te sbaquel Saúl soc te sbaquel Jonatán te snich'an te ayic ta stojol te winiquetic yu'un Jabes ta Galaad te elc'ambotic tal yu'unic ta plaza yu'un Bet-sán, te banti jihpambot sbaq'uetalic yu'un te filisteohetic te c'alal la smilic te Saúl ta Gilboa.

Salmos 115:15

Ac'a ya'beyex bendición te Jehová, te spasoj ch'ulchan soc bahlumilal.

Josué 2:14

La sjaq'uic te winiquetic: Ya jelcotic ta jcuxlejalcotic te acuxlejalic teme ma ba yac awal te bin scuentahil te talemotcotique. Te c'alal ya'beyejotcotiquix a te q'uinal te Jehová, ya me jc'uxultayatcotic soc hich ya jpasbatcotic te bin ut'il la jcalbatcotiquix, xchihic.

Jueces 21:8

Soc hich la sjoc'oyic: ¿Ay bal jchahp yu'un Israel te ma ba c'oht ta stojol Jehová ta Mizpa? xchihic. Chicnaj te mayuc jtuhluc yu'un te Jabes-galaad te talem ta campamento yu'un te tsoblej.

Rut 1:8

Te Noemí hich la yalbe ta schebal te yalib: Bahan, suhtanic bahel ta sna te ananique. Ac'a me sc'uxultayex te Jehová, hich te bin ut'il la ac'uxultayic te chawinic amamalalic soc te ho'one.

Rut 2:20

Te Noemí la yalbe te yalibe: ¡Ac'a a'botuc bendición yu'un Jehová! Ma ba quehchaj yu'un sc'uxultayel te mach'atic cuxulic soc te mach'atic chamenic. Te winic ini, ma yanuc parte cu'untic, ha nix te mach'a ay ta scuenta te ya scoltayotic, xchi.

Rut 3:10

Hich la yal te Booz: Ac'a ya'bat bendición te Jehová, cantsil-nich'an. Te bin la apas ta ora ini c'ax hich yutsil a te bin ut'il la apas ta nahil to, te ma ha'uc baht ale jtuhl querem, chican teme pobre o jc'ulej.

1 Samuel 11:1

Patil te Nahas te amon-winic, baht ya'be guerra te Jabes yu'un Galaad. Spisil mach'atic ayic ta Jabes hich la yalbeyic te Nahas: Ya jchap jc'optic, hich ya cac' jbahcotic ta a'batinel awu'un, xchihic.

1 Samuel 11:9

Patil hich la yalbeyic te jpuc-c'opetic hulemic talel: Hich me xawalbeyic te mach'atic ayic ta Jabes yu'un Galaad: Pajel, te c'alal c'uxix c'ahc'al a, ya me xcolex, xchihic. Hich bahtic te jpuc-c'opetic, c'oht yalbeyic te mach'atic ayic ta Jabes, buen tse'el yo'tanic yu'un.

1 Samuel 15:13

Hich baht te Samuel te banti ay Saúl, hich halbot yu'un te Saúl: Ac'a ya'bat bendición te Jehová. C'ohtix ta pasel cu'un te bin la yal te Jehová, xchi.

1 Samuel 23:21

La yal te Saúl: Ac'a ya'beyex bendición te Jehová te bin ut'il la ana'bonic yo'bolil jba.

1 Samuel 24:19

Como ¿mach'a a te ya sta scontra te lec ya scoltay bahele? Te Jehová ac'a stojbat te bin lec, yu'un te bin la apasbonix ha'i c'ahc'al ini.