2 Samuel 2:26 - Bible in Tzeltal Bachajón

²⁶ Hich te Abner la yawtay te Joab: ¿Stalel bal ya xlajinwan te espada? ¿Ma bal ana'ojuc te wocol ya xc'oht ta loq'uel ini? ¿Bin to ora yac awalbe te winiquetic awu'un te ya yihquitay snutsel te yermanotac? xchi.

Bible in Tzeltal de Oxchuc y Tenejapa

²⁶ Te Abner la yawtay te Joab: —¿Ma bal ayuc bi ora ya xquejch'aj te miltombae? ¿Yu'un bal ma ba ana'oj jiche te c'ux obol jbajtic ya xc'ootic yu'une? ¿Bi ora ya awalbey mandal te awinictac te ya yijq'uitay snutsel te yermanotaque? —xi'.

2 Samuel 2:26 ပူးပေါင်းရင်းမြစ်များ

2 Samuel 11:25

Te David la yalbe te a'bat: Hich me ya xc'oht awalbe te Joab: Ma me xamel awo'tan yu'un, como te espada pajal ya xlajinwan ta jehch ta jehch. A'beya xan yipal te guerra ta pueblo ha to c'alal yac alajin, xchihat. Hich me yac awa'be xan yip yo'tan a, xchi.

2 Samuel 2:14

Te Abner hich la yalbe te Joab: Ac'a hahchuc ya'be sbahic ta jtojoltic te queremetique, xchi. Ac'a hahchuquic, xchi te Joab.

2 Samuel 2:16

Jujutuhl la stsacbe sjol te scontra, la slow ta espada ta smochbaquel te scontra, hich pajal lajic spisilic. Ha scuentahil te Helcat-hazurim, sbihil c'oht te lugar te ay ta Gabaón.

2 Samuel 2:25

La stsob sbahic te snich'nab Benjamín ta stojol Abner, jchahp nax soldadohetic c'ohtic, la yac' sbahic ta ba wits.

2 Samuel 2:27

La sjac' te Joab: ¡Xyil Dios! te manchuc hich la awal, te winiquetic la snutsic te yermanotac c'alal sacubel q'uinal te hichuque, xchi.

Job 18:2

¿Bin ora ya xquehchajex ta c'op? Nopa awa'iyic, patil ya xc'opojotic.

Job 19:2

¿Jayeb to xan ora te yac awa'bonic jwocol, soc te yac atenonic ta c'op?

Salmos 4:2

Ants-winiquex, ¿jayeb xan ora te yac asutp'inic ta q'uexlal te cutsilal, te c'ux ta awo'tanic bintic mayuc scuentahil soc te yac alehic lot? Selah

Proverbios 17:14

Te shachel c'op hich c'ohem te bin ut'il ya yich' malel loq'uel ha' ta yawil; ha yu'un ihquitaya te hach-c'op te ma to ba schucoj sba a.

Isaías 1:20

yan teme ma xac'anic soc teme yac atoy abahique, ya me xlajex ta espada, xchi. Hich yaloj te Jehová.

Jeremías 12:12

Ta spisil te toyol jochol q'uinal talic jinawetic, como te espada yu'un Jehová ya me slajin ta jehch ta jehch te q'uinale, mayuc mach'a lamal q'uinal ya ya'iy.

Jeremías 2:30

Tojol la jca'be castigo te anich'nabic, ma ba la yich'ic ta cuenta te tojobtesele. Te espada awu'unic la slajinlan te jalwanejetic hich te bin ut'il choj ya xbutsticlanwan.

Jeremías 4:21

¿Jayeb xan c'ahc'al ya sc'an te ya quil te bandera soc te ya ca'iybe sc'op te corneta?

Jeremías 46:10

Pero ha sc'ahc'alel yu'un Jehová, te Dios te scuentahinej spisil, ha sc'ahc'alel yu'un castigo, yu'un ya'beyel spacol te scontratac. Ya x'ehchenteswan te espada ha to c'alal ya xc'ax yo'tan, ha to c'alal ya xch'ay staquinti'il yu'un te ch'ich'e. Como ha milbil mahtanil ya xc'oht yu'un Jehová, te Dios te scuentahinej spisil, ta q'uinal ta norte, ta sti'il te muc'ul-ha' Éufrates.

Jeremías 46:14

¡Pucahic ta halel ta Egipto, a'beya sna'ic ta Migdol! ¡Ha nix hich a'beya sna'ic ta Menfis soc ta Tafnes! Hich xawalbe: ¡Tehc'ana abahic, chahpana abahic, como ya xlajinwan te espada ta ajoyobal! xchihanic me.

Oseas 11:6

Ya xc'oht espada ta stojol te pueblohetic yu'unic, ya sjinticlan te tut pueblohetic yu'unique; ha ya sjinticlan ta scaj te bintic schapoj ta yo'tanique.

Hechos 7:26

Ta schebal c'ahc'al la sta cheb winiquetic te yac smajbel sbahic, c'an scom, hich la yal: Winiquetic, awermano abahic, ¿bin yu'un te yac awuts'imbel abahic? la yut.