2 Samuel 2:18 - Bible in Tzeltal Bachajón

¹⁸ Tey ayic a te oxeb yalatac Sarvia: ha te Joab, Abisai soc Asael. Te Asael mero ya xhu' yahnimal hich te bin ut'il ha'mal chij.

Bible in Tzeltal de Oxchuc y Tenejapa

¹⁸ Tey ayic a te oxeb yalatac Sarvia: Joab, Abisai soc Asael. Te Asael, mero ya xju' yanimal, jich ya x'animaj te bit'il chij ta aquiltique.

2 Samuel 2:18 ပူးပေါင်းရင်းမြစ်များ

2 Samuel 1:23

Saúl soc Jonatán, c'uxic ta o'tanil soc mulambil, ma ba la spit sbahic c'alal cuxulic, soc ma ba la spit sbahic te c'alal lajic. C'ax hich ahnimajic a te bin ut'il ya xwihl jxiquetic, c'ax hich yipic a te bin ut'il chojetic.

2 Samuel 14:1

Te Joab yal Sarvia, la yil te ay ta yo'tan te ajwalil te Absalón.

2 Samuel 2:19

Ha la snuts bahel te Abner, ma ba loc' bahel ta wa'el o ta q'uexam.

2 Samuel 22:34

ya ya'bon coc hich te bin ut'il yoc chij, ya yac' tehc'ajucon ta stoyolil.

2 Samuel 23:24

Ha nix ahtaybilic soc te lajuneb scha'winic (30) ta tuhl te Asael yihts'in Joab; te Elhanán snich'an Dodo te talem ta Belén;

1 Reyes 2:5

Ana'ojix te bin la spasbon te Joab, te yal Sarvia, ha te bin la spasticlambe te cheb jtsobaw soldadohetic yu'un Israel, ha te Abner snich'an Ner, soc te Amasa snich'an Jeter, te la smilticlan, la smal ch'ich' yu'un guerra ta yorahil lamal q'uinal, la yaq'uix ch'ich' yu'un guerra ta schuhquil sch'uht soc ta step slapoj.

1 Crónicas 11:26

Ha'ic ini te soldadohetic te ma xiwic: Asael yihts'in Joab, Elhanán snich'an Dodo te talem ta Belén,

1 Crónicas 12:8

Soc ta sts'umbal Gad ay c'axic bahel ta stojol David ta ahnibal ta jochol taquin q'uinal, ha winiquetic te ma xiwic ta yaq'uel guerra, mero ya xhu' yu'unic stuhunel smahquilic soc slanzahic; te sit yelawic hich c'ohemic te bin ut'il yelaw chojetic, soc ya x'ahnimajic hich te bin ut'il chijetic ta witsiltic.

1 Crónicas 12:9

Te primero, ha Ezer, schebal Obadías, yoxebal Eliab,

1 Crónicas 27:7

Te schanebal jtsobaw yu'un te schanebal u, ha Asael te yihts'in Joab; ha och ta sjelol te Zebadías te snich'an; ay oxpic (24,000) ta tuhl ta jchahp yu'un.

Salmos 18:33

te ya yac' te hich ya xc'oht te coc te bin ut'il yoc ha'mal chij, te ya stehc'anon ta toyol q'uinal;

Eclesiastés 9:11

Ay yan bin la jquil ta ye'tal ch'ulchan: Te tsalaw ma ha'uc yu'un te mach'a ya xhu' yu'un ahnimal, o te tsalaw te guerra ma ha'uc yu'un te mach'atic ay yipic, te we'elil ma ha'uc yu'un te mach'atic p'ij yo'tanic, o te c'ulejalil ma ha'uc yu'un te mach'atic ay snopojibal yu'unic, o te lec ta o'tanil te mach'atic p'ijubenic; como ya sta yorahil soc ay bintic ya xc'oht ta stojol spisilic.

Cantares 2:17

C'alal yac ta sacubel q'uinal soc ya x'ahn bahel te axinale, suhtan talel, ha'at te c'uxat ta co'tan, hichucat te bin ut'il gacela-chij o te bin ut'il jcolel tat chij ta witsiltic yu'un Beter.

Cantares 8:14

¡Suja aba, ha'at te c'uxat ta co'tan! hichucat te bin ut'il gacela-chij o yal tsajal chij ta sba te witsiltic nojel ta sumet yic'.

Amós 2:14

ma xhu' ya xloc' ta ahnel te mach'a tulan ya x'ahnimaj, te mach'a ay yip ma ba ya xcoltayot yu'un te yipe, soc te mach'a ma xiw ma xhu' ya scoltay scuxlejal;

Habacuc 3:19

Ha quip te Jehová te Ajwalil; ya yac' te hich ya xc'oht te coc te bin ut'il yoc chij, soc ya yac' te ya xbehenon ta toyol q'uinal. Yu'un te jtsobaw yu'un te c'ayojetique. Ya xtuhun ta a'tejibaletic yu'un c'ayoj te ya yich' tijel ta c'abal.

1 Samuel 26:6

Ha yu'un te David hich la yalbe te Ahimelec te heteo-winic soc te Abisai te yal Sarvia, sbanquil Joab: ¿Mach'a ya xcohon bahel soc ta campamento yu'un Saúl? xchi. Ho'on ya joquinat cohel, xchi te Abisai.