2 Samuel 2:13 - Bible in Tzeltal Bachajón

¹³ Te Joab te yal Sarvia, soc te winiquetic yu'un David loq'uic bahel, c'oht stahic ta yawil ha' yu'un Gabaón. Jchahp la shuhcan sbahic ta jehch yawil ha' soc jchahp ta yan jehch.

Bible in Tzeltal de Oxchuc y Tenejapa

¹³ Jich te Joab, te yal Sarvia, soc te soldadoetic yu'un David loq'uic jajch'el ta Hebrón. C'o sta sbaic soc ta yawil ja' ta Gabaón. Ta xcha'chajbal te soldadoetic la staic yawilic, jchajp ta jejch' soc jchajp ta yan jejch' te yawil ja'e.

2 Samuel 2:13 ပူးပေါင်းရင်းမြစ်များ

2 Samuel 2:18

Tey ayic a te oxeb yalatac Sarvia: ha te Joab, Abisai soc Asael. Te Asael mero ya xhu' yahnimal hich te bin ut'il ha'mal chij.

2 Samuel 20:23

Te Joab hil ta scuentahinel spisil te soldadohetic yu'un Israel; te Benaía snich'an Joiada, hil ta scuentahinel te cereteohetic soc te peleteohetic.

2 Samuel 20:8

Te c'alal ayic ta muc'ul ton te ay ta Gabaón, loc' tal ta tahel yu'un te Amasa. Te Joab slapoj c'u'ul scuenta soldado, soc ay espada yu'un soc sna chucul ta sch'uht, ch'ay cohel te espada yu'un c'alal nohpoj bahel ta stojol te Amasa.

2 Samuel 23:24

Ha nix ahtaybilic soc te lajuneb scha'winic (30) ta tuhl te Asael yihts'in Joab; te Elhanán snich'an Dodo te talem ta Belén;

2 Samuel 8:16

Te Joab yal Sarvia, ha jtsobaw yu'un te soldadohetic yu'un; te Josafat snich'an Ahilud ha la sts'ihbay te bintic c'oht ta pasel.

1 Reyes 1:7

La schap sc'op soc Joab te yal Sarvia, soc te sacerdote Abiatar, jun la yac' sbahic soc.

1 Reyes 2:5

Ana'ojix te bin la spasbon te Joab, te yal Sarvia, ha te bin la spasticlambe te cheb jtsobaw soldadohetic yu'un Israel, ha te Abner snich'an Ner, soc te Amasa snich'an Jeter, te la smilticlan, la smal ch'ich' yu'un guerra ta yorahil lamal q'uinal, la yaq'uix ch'ich' yu'un guerra ta schuhquil sch'uht soc ta step slapoj.

1 Crónicas 11:6

Hich yalojix te David: Te mach'a nahil ya xmo bahel ta ya'beyel guerra te jebuseohetic ha jtsobaw ya xc'oht yu'un te soldadohetic, xchi. Ha nahil mo bahel te Joab te yal Sarvia, hich och ta jtsobaw.

1 Crónicas 2:16

soc te yantsilelic ha te Sarvia soc te Abigail. Te oxtuhl yalatac te Sarvia: Abisai, Joab soc Asael.

1 Crónicas 27:7

Te schanebal jtsobaw yu'un te schanebal u, ha Asael te yihts'in Joab; ha och ta sjelol te Zebadías te snich'an; ay oxpic (24,000) ta tuhl ta jchahp yu'un.

Jeremías 41:12

la stsob tal spisil te swinictac, bahtic ta ya'beyel guerra te Ismael snich'an Netanías. La stahic ta nopol te muc'ul yawil ha' te ay ta Gabaón.

1 Samuel 26:6

Ha yu'un te David hich la yalbe te Ahimelec te heteo-winic soc te Abisai te yal Sarvia, sbanquil Joab: ¿Mach'a ya xcohon bahel soc ta campamento yu'un Saúl? xchi. Ho'on ya joquinat cohel, xchi te Abisai.